1 Иоанның 4:1 - Наа Молҷағ

¹ Хынғаннарым! Чир ӱстӱне кӧп чой ухаанҷылар тарап парған, аннаңар, урунған на кізее киртінмин, сыннаң оларның пастыра Худай Худы чоохтанча ба тіп, сыныхтап турыңар.

1 Иоанның 4:1 ပူးပေါင်းရင်းမြစ်များ

Марк 13:21

Андада сірерге піреезі: «Мына Мессий-Христос мында» алай «Ол тігде» тізе, киртінмеңер.

Лука 12:57

Ноға сірер постарыңа ниме орта полчатханын пӧгінминчезер?

Лука 21:8

Иисус нандырған: – Китеніңер, алаахтыртпас ӱчӱн. Кӧп кізі, Минің адымнаң аданып киліп, «Мин Мессий-Христоспын!», «Ол тус чағыннап килді» тир, андағ кізілернің соонҷа парбаңар.

Илҷілернің 17:11

Мындағылар фессалониктегілернің хыринда арығ сағыстығ полғаннар: олар, кӱннің сай Худай Пічиин хығырып, андағ ба, андағ нимес пе тіп сыныхтап ала, Чахсы Хабарны хынып алғаннар.

Илҷілернің 20:29

Минің соомда сірерзер ӧӧрні айабас чап пӱӱрлер килерлерін пілчем нооза.

1 Коринфтегілерге 12:10

хайзына-да хайхастар идері, пасхазына ухаанҷылас, пасхазына хуттарны танып пілері, пасхазына аймах тіллер, пасхазына тіллерні чарыда чоохтиры пирілче.

1 Коринфтегілерге 14:29

Ухаанҷылардаң даа ікі алай ӱс кізі чоохтанзын. Пасхалары, тізең, паалазыннар.

1 Фессалониктегілерге 5:20

ухаанҷыласты нимее салбин полбаңар.

1 Фессалониктегілерге 5:21

Прай нимені сынаңар, чахсаа тудыныңар,

2 Фессалониктегілерге 2:2

Пик сағыстығ полыңар. Христостың кӱні чит килді тіп чарлапчатхан хут таа, сӧс тее, піс ысхан тіп итчеткен пічік тее сірерні чалтандырбазын.

1 Тимофейге 4:1

Тӱгенҷі тустарда хайзылары, чой чоохтығ хуттарға, айна ӱгредіглеріне сабылып, киртіністең хыйа парарлар тіп, Худай Худы чарых чоохтапча.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

2 Петрның 2:1

Че израиль чонының аразында чой ухаанҷылар полғаннар. Сағам даа сірернің араңарда чой ӱгретчілер сығызарохтар. Олар кізілерге ӧлім ағылчатхан ӱгредіглер чарлирлар паза оларны ӧлімінең садып алған Хан-пигнің ӱлгӱзіне тоғырланарлар. Анынаң постарын ӧлімге табырах ағыларлар.

1 Иоанның 2:18

Палаларым! Тӱгенҷі тус чит килді. Антихрист тилекейге килерінеңер сірер искезер. Амды кӧп антихристтер сых килгеннер, аның хоостыра піс тӱгенҷі тустың чит килгенін пілчебіс.

1 Иоанның 2:7

Хынғаннарым! Мин сірерге наа чахығны нимес, че иргі чахығны пасчам. Пу пурунғы чахығ, сірер Христосха киртін сыххан тустох искен чахсы хабар.

3 Иоанның 1:11

Хынғаным! Хомай нимее кӧӧкпин, чахсы ниме ит. Чахсы ниме итчеткен кізі Худайни. Хомай ниме итчеткен кізі Худайны кӧрбеен.

Азых чоох 2:2

Сірернің киректеріңні, аар тоғыстарыңны паза сыдасханнарыңны пілчем. Хомай кізілерні кӧр полбинчатханнарыңны, илҷілер тіп аданчатхан кізілерні сыныхтап, оларның чой полчатханнарын ілезіне сығарғаныңарны даа пілчем.