1 Иоанның 3:2 - Наа Молҷағ

² Хынғаннарым! Сағам даа піс Худай палаларыбыс, че хайдағ пол парарбыс, ам даа пілдістіг нимес. Пілдістіг пол парза, Иисус Христостың хайдағ полчатханын кӧріп, Олох осхас пол парарыбысты пілчебіс.

1 Иоанның 3:2 ပူးပေါင်းရင်းမြစ်များ

Матфей 5:8

Часкалығлар арығ чӱректіглер, олар Худайны кӧрерлер!

Лука 17:30

Кізі Оолғы килген кӱн ідӧк полар.

Лука 20:36

Олар, ангеллер осхас пол парып, ӱребестер. Олар, Худай тірілдіргеннеңер, Аның палалары полчалар.

Иоанн 1:12

Аны удурлаан паза Ағаа киртінген кізілерге Худайның палалары полҷаң оңдай пирілген.

Иоанн 17:24

Пабам! Мағаа пирген кізілерің Минің полчатхан чирімде Миннең хада ползыннар тіп сурынчам. Чир-чайаан чайалғалахтох, Мағаа хынғаныңнаңар, Син Мағаа сабланызыңны пиргезің. Пу сабланысты даа оларға кӧзідерге сурынчам.

Римдегілерге 8:16

Худай Худы пістің худыбыснаң хада піс Худайның палалары полчатханыбысты киречілепче.

Римдегілерге 8:18

Пістің пӱӱнгі ирееленістерібіс піске килер сабланыстың хыринда пір дее нимее турбинчалар тіп санапчам.

Римдегілерге 8:19

Прай чайалған ниме Худай палалары кем полчатханын азыларын чидікпин сағыпча нооза.

Римдегілерге 8:29

Худай пурун піл салған кізілерге, Позының Оолғы кӧп харындастарының аразында тун палазы ползын тіп, Позының Оолғына тӧӧй поларға турғыс салған.

1 Коринфтегілерге 13:12

Сағам піс пӱлес сӱлейке ӧтіре кӧрчеткен осхаспыс, сизінчебіс. Андада, тізең, кӧстең кӧске кӧрербіс. Сағам мин ӱзікти кӧрчем, андада, тізең, мині хайди піліп алғаннар, мин ідӧк пілербін.

1 Коринфтегілерге 15:49

Піс тее чирдегі кізілернің омазында чӧргебіс, тигірдегі кізінин ал чӧрерӧкпіс.

1 Коринфтегілерге 2:9

Пазылых нооза: «Худай Позына хынчатханнарға ниме тимнеп салған, аны кізі хараа кӧрбеен, хулаа испеен, кізі чӱрее дее пілбеен».

2 Коринфтегілерге 3:18

Піс, тізең, Хан-пигнің сабланызын пӱргелбеен сырайыбыста, кӧріндесте чіли, кӧзітчебіс. Хан-пигнің Худы піске сабланыс пирче. Ол сабланыс пісті, Хан-пиге тӧӧй идіп, алыстырча паза улуғдаң улуғ сабланысха ағылча.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Галат чиріндегілерге 3:26

Сірер прайзыңар Христос Иисусха киртіністерің хоостыра Худайның оолларызар нооза.

Галат чиріндегілерге 4:6

Сірер Аның палалары полчазар. Худай сірернің чӱректеріңе Позының Оолғының Худын ысхан. Ол Хут «Авва, Пабам» тіп хығырча.

Филипптегілерге 3:21

Ол пістің пазындыртхан иді-ханыбысты Позының сабланыстығ иді-ханына тӧӧй ит салар. Ол, Позының кӱзінең аны идіп, прай нимені холға кирче нооза.

Колоссадағыларға 3:4

Сірернің чуртазыңар полчатхан Христос азылза, сірер дее Анынаң хада сабланыстығ азыларзар.

Еврейлерге 9:28

Христос таа ідӧк, кӧп чонны чазыхтаң арығлабызар ӱчӱн, Позын пір хати тайыға салған. Ікінҷізін ол, чазыхтаң арығлабызарға тіп нимес, че Аны сағыпчатханнарны арачылир ӱчӱн килер.

2 Петрның 1:4

Ол оңдайнаң Худай піске илбек паза аарлығ молҷағлар пирген. Пу молҷағларның сылтаанда піс Худайға тӧӧй поларға оңдай алчабыс. Че піске тилекейнең устапчатхан, кізіні ардатчатхан хынығыстардаң хыйа парарға кирек.

1 Иоанның 2:28

Аннаңар, палаларым, Иисус Христосха киртініңер. Андада Ол килзе, піс чалтанмаспыс паза Аның алнында уйатпин турарбыс.

1 Иоанның 2:7

Хынғаннарым! Мин сірерге наа чахығны нимес, че иргі чахығны пасчам. Пу пурунғы чахығ, сірер Христосха киртін сыххан тустох искен чахсы хабар.

1 Иоанның 3:1

Кӧріңер зе! Худай Пабабыс піске хайди хынча! Пісті Худай палалары тіп адапча. Піс сыннаң даа Аның палаларыбыс. Чир-чалбахха хынчатхан кізілер, Худайны пілбееннеңер, пісті дее пілбинчелер.

1 Иоанның 3:10

Худайның палаларын паза сайтанның палаларын хайди пасхалидырлар? Орта итпинчеткен паза харындазына хынминчатхан кізі Худайдаң тӧрібеен.

1 Иоанның 3:21

Хынғаннарым! Сынап чӱреебіс пісті пыролабинчатса, піс Худайдаң туртухпинчабыс.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

Азых чоох 2:28

Чиңіс тутхан кізее, тізең, иртенгі чылтысты пирербін.

Азых чоох 22:4

Олар Худайның сырайын кӧрерлер, оларның хамахтарында, тізең, Аның ады пазыл парар.