1 Иоанның 2:7 - Наа Молҷағ

⁷ Хынғаннарым! Мин сірерге наа чахығны нимес, че иргі чахығны пасчам. Пу пурунғы чахығ, сірер Христосха киртін сыххан тустох искен чахсы хабар.

1 Иоанның 2:7 ပူးပေါင်းရင်းမြစ်များ

Матфей 5:43

«Чағыныңа хын, ыырҷыңны, тізең, хырт кӧр», – чоохталғанын искезер.

Иоанн 13:34

Сірерге наа чахығ пирчем: удур-тӧдір хынызыңар. Мин сірерге хынған чіли, сірер дее ідӧк удур-тӧдір хынызыңар.

Илҷілернің 17:19

Олар, Павелні Ареопаг чӧбінің орнынзар ағыл киліп, тееннер: – Синің ӱгретчеткенің хайдағ андағ наа ӱгредіг полҷаң, піске аны пілерге чарир ба?

Еврейлерге 6:9

Хынғаннарым! Піс піди тіпчеткен дее ползабыс, сірерні андағ ниместер тіп ізенчебіс. Піс сірернің арачыланысха тудынчатханнарыңны пілчебіс.

1 Иоанның 2:24

Иисус Христосха киртініп пастаан тустох искен нимелер чӱрееңерде ползын. Ол тустох искен нимелер чӱрееңерде полза, сірер Оолғында даа, Пабада даа поларзар.

1 Иоанның 3:11

Сірер Иисус Христосха киртініп пастаан туста искен чахсы хабар мындағ: піс удур-тӧдір хынызарға кирекпіс.

1 Иоанның 3:2

Хынғаннарым! Сағам даа піс Худай палаларыбыс, че хайдағ пол парарбыс, ам даа пілдістіг нимес. Пілдістіг пол парза, Иисус Христостың хайдағ полчатханын кӧріп, Олох осхас пол парарыбысты пілчебіс.

1 Иоанның 3:21

Хынғаннарым! Сынап чӱреебіс пісті пыролабинчатса, піс Худайдаң туртухпинчабыс.

1 Иоанның 3:23

Худайның чахии мындағ: Аның Оолғына, Иисус Христосха, киртінері паза, хайди Иисус Христос піске чахаан, іди удур-тӧдір хынызары.

1 Иоанның 4:1

Хынғаннарым! Чир ӱстӱне кӧп чой ухаанҷылар тарап парған, аннаңар, урунған на кізее киртінмин, сыннаң оларның пастыра Худай Худы чоохтанча ба тіп, сыныхтап турыңар.

1 Иоанның 4:11

Хынғаннарым! Сынап Худай піске іди хынғанда, піс тее удур-тӧдір хынызарға кирекпіс.

1 Иоанның 4:21

Худай піске мындағ чахығ пирген: Худайға хынчатхан кізі позының харындазына даа хынзын.

1 Иоанның 4:7

Хынғаннарым! Піске Худайдаң хыныс пирілген, аннаңар удур-тӧдір хынызааңар. Полған на хынчатхан кізі Худайдаң тӧреен паза Худайны пілче.