1 Иоанның 2:5 - Наа Молҷағ

⁵ Худайда полчатханыбысты хайди піліп алчабыс? Худайның сӧзін толдырчатхан кізіде Худайға хыныс пӧзиине чит парча. Анзын кӧріп, піліп алчабыс!

1 Иоанның 2:5 ပူးပေါင်းရင်းမြစ်များ

Лука 11:28

Худай сӧзін дее, истіп, толдырчатханнар, часкалығлар! – нандырған Иисус.

Иоанн 14:21

Минің чахығларымны ал чӧрчеткен паза толдырчатхан кізі Мағаа хынча. Мағаа хынчатхан кізее Пабам даа хынча. Мин дее ағаа хынарбын паза Позымнаңар сизіндірербін. –

Иоанн 14:23

Мағаа хынчатхан кізі Минің сӧзімні толдырар. Пабам ағаа хынар, Пабамнаң Мин, тізең, аныңзар киліп, анда аннаң хада чуртирбыс, – нандырған Иисус. –

Иоанн 15:5

Мин Тӧзібін, сірер, тізең, салаалары полчазар. Кем Минде полча паза кемде Мин полчам, ол чистек пирче. Мин чох сірер пір дее ниме ит полбассар.

Иоанн 6:56

Минің ит-сӧӧгімні чіпчеткен паза ханымны ісчеткен кізі Минде полча, Мин, тізең, анда поладырбын.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

1 Коринфтегілерге 1:30

Сірер Христос Иисуста полчатханын Худай иткен. Иисус Христос, тізең, сірерге Худайдаң пирілген хыйғазы, орта тудынғаны, ах-арығ полғаны паза толығ толдырғаны полча.

2 Коринфтегілерге 5:17

Ам, тізең, Христоснаң пір полыбысхан кізі наа кізі пол парған. Иргі чуртас ирт парған, прай ниме наа пол парған.

2 Коринфтегілерге 5:21

Чазығы чох Христосты Худай пістің чазыхтарыбыс ӱчӱн хатығлап салған. Аннаңар піс, Христосха киртінчетсебіс, Худайның алнында арығ кӧңніліг полчабыс.

Иаковтың 2:22

Аның киректері киртінізінең пір полғаннарын паза киректерінең киртінізі тол парыбысханын кӧредірзің ме?

1 Иоанның 3:24

Худайның чахығларын толдырчатхан кізі Худайда, Худай, тізең, ол кізіде поладыр. Худайның пісте полчатханын хайди пілчебіс? Худайның піске пирген Худай Худын алып алып, пілчебіс.

1 Иоанның 4:17

Чарғы кӱнінде хорыхпас ползыннар тіп, хыныс пісте пӧзиине чит парған. Пістің дее чуртазыбыс пу чир ӱстӱнде Иисусти осхас нооза.

1 Иоанның 4:18

Хыныста хорыхчаң ниме чоғыл, пӧзиине чит парған хыныс хорығарын чох итче. Хорығары хатығлатханнаң килче, аннаңар хортых кізіде хыныс пӧзиине чит полбинча.

1 Иоанның 5:2

Худай палаларына хынчатханыбысты хайди піліп алчабыс? Худайға хынып, Аның чахығларын толдырып, пілчебіс.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.

2 Иоанның 1:6

Хыныс, тізең, – Худайның чахығларын толдырары. Иисус Христостың кізі полып килгеніне киртінмин, чонны алаахтырчатханнар чойлар паза антихристтер прай чир ӱстӱне тарап парғаннар. Оларның тарап парғаннары ӱчӱн, Христосха киртініп пастаан тустох сірерге пирілген хыныстаңар чахығны толдырып, чуртирға кирексер.

Азых чоох 12:17

Сыр чылан, ол ипчее уғаа чабалланыбызып, Худайның чахиин толдырчатхан паза Иисус Христостаңар киречіленісті хайраллапчатхан ипчінің пасха палаларынаң тоғыр чаалазарға парыбысхан.

Азых чоох 14:12

Ах-арығлар, Худайның чахығларын толдырчатханнар паза Иисустың ізестіг кізілері сыдазарға киректер.