1 Иоанның 2:4 - Наа Молҷағ

⁴ Пірее кізі «Мин Худайны пілчем» тіпчетсе, че Аның чахығларын толдырбинчатса, ол чой кізі, анда сын ниме чоғыл.

1 Иоанның 2:4 ပူးပေါင်းရင်းမြစ်များ

Иоанн 8:44

Пабаңар сайтан, сірер аның кӧңніне кірчеткен нимелерні толдырарға тимдезер. Ол прай ниме наа ла чайалчатхан тустардох кізі ӧдіреечі полған паза, аның чӱреенде Сын чох полғаннаңар, ол Сынның саринда халбаан. Ол чойланчатса, ол ӧӧн позынаң чоохтанча. Ол чой паза чойның пабазы.

Титке 1:10

Тообастар, тик чоохтығлар паза чойлар кӧп нооза улам иудейлер аразында.

Титке 1:16

Олар Худайны пілчебіс тидірлер, че киректері пастыра чабал, тообас паза пір дее чахсы кирек ит полбас пол парғаннаңар, Худайдаң хыйа турчалар.

1 Иоанның 1:10

Чазых итпеебіс тіп чоохтанчатсабыс, андада Худайны чойға санапчабыс, чӱреебісте, тізең, Аның сӧзі чох поладыр.

1 Иоанның 1:6

Худайнаң палғалызыбыс пар тіп чоохтанчатсабыс, че постарыбыс харасхыда чӧрчетсебіс, андада піс чойланчабыс паза сын ниме итпинчебіс.

1 Иоанның 1:8

Пісте чазых чоғыл тіпчетсебіс, андада піс позыбысты алаахтырчабыс, паза пісте сын ниме чоғыл.

1 Иоанның 2:3

Худайны пілчеткенібісті хайди піліп алчабыс? Аның чахығларын толдырып.

1 Иоанның 2:9

Позынаңар «Чарыхта полчам» тіпчеткен, че харындазын хырт кӧрчеткен кізі ам даа харасхыда чуртапча.

1 Иоанның 3:6

Иисус Христосха киртінчеткен кізі чазых иде чоғыл. Чазых итчеткен кізі, тізең, Аны кӧрбеен дее, піліп албаан даа.

1 Иоанның 4:20

«Мин Худайға хынчам» тіпчеткен, че харындазын хырт кӧрчеткен кізі – чой. Харах кӧзіндегі харындазына хынминчатхан кізі кӧрінминчеткен Худайға хайди хынар.

1 Иоанның 4:7

Хынғаннарым! Піске Худайдаң хыныс пирілген, аннаңар удур-тӧдір хынызааңар. Полған на хынчатхан кізі Худайдаң тӧреен паза Худайны пілче.