1 Иоанның 2:12 - Наа Молҷағ

¹² Палаларым! Иисус Христостың ӧлгені ӱчӱн сірернің пыроңар тасталған, аннаңар сірерге пасчам.

1 Иоанның 2:12 ပူးပေါင်းရင်းမြစ်များ

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Лука 5:20

Иисус, оларның андағ киртіністерін кӧріп, ағырығ кізее чоохтанған: – Чазыхтарың позыдылчалар.

Илҷілернің 10:43

Прай ухаанҷылар киречілепчелер Иисустаңар паза Ағаа киртінчеткен полған на кізінің чазыхтардаң Аның адынаң позып поларынаңар.

Илҷілернің 13:38

Харындастар, сірер пілерге кирексер, Иисустаң пастыра сірерге чазых позыдары искірілче.

Илҷілернің 4:12

Кізілерге, позыбысты арачыланарыбыс ӱчӱн, пу чир ӱстӱнде Аннаң пасха пірдеезінің ады адалбаан.

1 Коринфтегілерге 6:11

Сірернің аразында андағлар полғаннар. Че арығланып алғаннар, ах-арығ пол парғаннар, Хан-пигібіс Иисус Христос паза Худайыбыс Худының пастыра ахтанып алғаннар.

Ефестегілерге 1:7

Худай паарсасха пай, аннаңар Ол, Христостың пастыра, Аның ханынаң пісті пос ит салған паза чазыхтарыбысты позытхан.

Ефестегілерге 4:32

Хайди Худай, Иисус Христосха киртінгеннерің ӱчӱн, сірернің чазыхтарыңны позытхан, сірер дее ідӧк удур-тӧдір паарсазыңар, айазыңар паза пыроларыңны тастас турыңар.

Колоссадағыларға 1:14

Оолғының ханы пастыра Худай пісті пос ит салған паза чазыхтарыбысты позытхан.

1 Иоанның 1:4

ӧріністерің толдыра ползын тіп, сірерге пу пічікті пасчабыс.

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.

1 Иоанның 1:9

Чазыхтарыбыстаңар пыросынзабыс, Худай, Позының сӧзіне турыстығ полып, орта нимее хынып, піске чазыхтарыбысты позыдар паза ноо даа чой нимедең пісті арығлир.

1 Иоанның 2:1

Палаларым! Мин сірерге, чазых итпезіннер тіп, пу нимені пасчам. Че сірернің пірееңер чазых ит салза, Худай Пабаның алнында пістің алныбыс алҷаң Иисус Христос пар. Ол ах-арығ нооза.

1 Иоанның 2:21

Мин сірерге сын ӱгредігні пілбинчеткеннерің ӱчӱн паспаам. Сірер ол ӱгредігні пілчезер. Ол ӱгредігдең пір дее чой ниме сыхпазын даа пілчезер.

1 Иоанның 2:7

Хынғаннарым! Мин сірерге наа чахығны нимес, че иргі чахығны пасчам. Пу пурунғы чахығ, сірер Христосха киртін сыххан тустох искен чахсы хабар.