1 Иоанның 2:1 - Наа Молҷағ

¹ Палаларым! Мин сірерге, чазых итпезіннер тіп, пу нимені пасчам. Че сірернің пірееңер чазых ит салза, Худай Пабаның алнында пістің алныбыс алҷаң Иисус Христос пар. Ол ах-арығ нооза.

1 Иоанның 2:1 ပူးပေါင်းရင်းမြစ်များ

Лука 10:22

Анаң, ӱгренҷілерінзер айланып, чоохтанған: – Пабам прай нимені Мағаа пирген. Кем Оолғы полчатханын, Пабазынаң пасха пірдеезі пілбинче. Кем Пабазы полчатханын даа, Оолғынаң пасха пірдеезі пілбинче. Кемге Оолғы Аны ас пирерге хынча, олар ла пілче.

Иоанн 10:15

Пабам Мині хайди пілче, Мин дее Пабамны іди пілчем. Хойларның ӱчӱн Позымның тынымны пирчем.

Иоанн 13:33

Харындастарым! Мағаа сірернең хада поларға ӱр халбады. Сірер Мині тілирзер, че иудейлерге чоохтаан нимені сірерге дее чоохтап пирим: «Мин парчатхан чирзер сірер чит полбассар».

Иоанн 14:16

Мин Пабамнаң сурынарбын, Ол, тізең, сірернең хада хаҷан даа полҷаң, алныңарға турҷаң пасха Турысчыны сірерге ыс пирер.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 21:5

Оолларым! Чииске пірее ниме тудып алдар ба? – сурған Иисус. – Чох, – нандырғаннар олар. –

Иоанн 5:14

Соонаң Иисус ағаа храмда тоғас парған. – Амды син чазыл пардың. Мыннаң мындар улам хомай пол парбас ӱчӱн, паза чазых итпе, – чоохтанған ағаа.

Иоанн 5:36

Минде, тізең, Иоанның киречілеенінең дее улуғ киречілес пар: Пабам Мағаа итчең нимелер пирген, оларны толдырчатханым Пабамның Мині ысханын таныхтапча паза киречілепче.

Иоанн 6:27

Сірер ардап парчатхан чиис ӱчӱн нимес, че мӧгі чуртас пирчеткен чиис ӱчӱн тоғынарға кӱстеніңер. Кізі Оолғы, Ағаа Худай-Пабазы ӱлгӱ пиргеннеңер, ол чиисті сірерге пир полар. –

Иоанн 8:11

Чох, Хан-пигім, пірдеезі! – нандырған ипчі. – Мин дее сині пыролабинчам. Пар, чазых паза итпе, – теен Иисус.

Илҷілернің 7:52

Ухаанҷыларның хайзын сірернің ӧбекелерің сӱрбееннер? Олар пеер Арығ Чӱректіг Кізінің килерінеңер искірген ухаанҷыларны ӧдір салғаннар, сірер дее Аны, садып, ӧдірген кізілер пол пардыңар амды.

Римдегілерге 5:10

Піс Худайнаң ыырласхан туста Ол піснең Позының Оолғының ӧлімінең пастыра чарас салған. Ам, тізең, чарас салғаныбыста, Аның чуртазы пастыра улам арачылан поларбыс.

Римдегілерге 6:15

Нимедір зе, чахығның холында ниместе, Худайның паарсазында чӧрчеткенібісте, чазых идерге кирекпіс пе? Чох, андағ нимес.

Римдегілерге 8:34

Кем чарғылир? Пірдеезі. Христос Иисус ӧл парған, че тіріл парған. Ол Худайның оң саринда одырча паза пістің алныбысты алча.

1 Коринфтегілерге 15:34

Пос сағызын алыныңар паза чазых итпеңер. Уйатха, сірернің піреелері Худай пілбинчелер.

2 Коринфтегілерге 5:21

Чазығы чох Христосты Худай пістің чазыхтарыбыс ӱчӱн хатығлап салған. Аннаңар піс, Христосха киртінчетсебіс, Худайның алнында арығ кӧңніліг полчабыс.

Галат чиріндегілерге 4:19

Палаларым, сірерде Христостың омазы іле кӧрін парбаанҷа, сірернің ӱчӱн мин, тӧрітчеткен чіли, пазох ирееленчем.

Ефестегілерге 2:18

Аннаңар Христостың пастыра прайзыбыс, иудейлер дее, пасха даа чоннар, пір Хуттығ полып, Пабабысха чағын кір поларбыс.

Ефестегілерге 4:26

Тарынзаңар даа, чазых итпеңер: ӧкпеңер кӱн хонғанҷа тӱс парчатсын.

1 Тимофейге 2:5

Худайыбыс чалғыс. Кізілерні Худайнаң піріктірчеткен кізі, Позын, прайзының ӱчӱн толығ идіп, пирінген Христос Иисус чалғызох. Іди идіп, Ол кирек туста Худайның кӧңнін киречілеен.

1 Тимофейге 3:14

Мыны, тӱрчедең килеріме ізеніп, че сынап, тудыл парзам, тізең, сірерні Худай ибінде хайди тудынарын пілзіннер тіп пасчам. Ол иб – сын тіріг Худайның тигірибі. Ол тигіриб сын ӱгредігнің чӧлее паза тӧстее полча.

Еврейлерге 9:24

Христос, тигірдегізін сомнапчатхан, кізі холы иткен иң ызых отахха кірбеен. Ол, амды пістің ӱчӱн Худайның алнында турызарға тіп, тигірге кірген.

Иаковтың 1:27

Худай Пабабысха арығ, пырозы чох пазырғаны – ол ӧкістердеңер паза чалғыс чарым халған ипчілердеңер сағыссырааны паза посты пу чуртастың хынығыстарынаң хайраллааны.

Иаковтың 3:9

Анынаң піс Худайны паза Пабабысты алғапчабыс, анынаңох Худайны сомнап чайалған кізілерні харғапчабыс.

1 Петрның 2:22

Ол пір дее чазых итпеен. Аның ахсынаң чой чоох сыхпаан.

1 Петрның 3:18

Христос пір хати пістің ӱчӱн иреелен парған. Орта чуртапчатхан Позы сайбағҷыларның ӱчӱн ирееленген. Ол анзын пісті Худайзар ағыларға тіп иткен. Христос кізі чіли ӧдірт салған, че Худынаң тіріл парған.

1 Иоанның 3:18

Палаларым! Тілнең не, сӧснең не нимес, че киректерібіске тӧстенчеткен сын хыныснаң хынызааңар.

1 Иоанның 3:5

Сірер пілчезер, Иисус Христос пістің чазыхтарыбысты позыдарға килген. Аның Позында пір дее чазых чоғыл.

1 Иоанның 3:7

Палаларым! Сірерні пірдеезі хаңыртпазын. Иисус Христос чіли орта итчеткен кізі позы даа орта кізі.

1 Иоанның 4:4

Палаларым! Сірер Худайдаңзар, сірерде полчатхан Худай Худы чир ӱстӱндегі хуттаң улуғ, аннаңар сірер чой ухаанҷыларны утып алғазар.

1 Иоанның 5:17

Полған на саба ниме – чазых, че пар ӧлімге апарбинчатхан чазыхтар.

1 Иоанның 5:21

Палаларым! Постарыңны тайма худайлардаң хайраллаңар. Аминь.

3 Иоанның 1:4

Мағаа палаларымның Сынға киртінчеткеннерінеңер истердең артых ӧрініс чоғыл.