1 Иоанның 1:8 - Наа Молҷағ

⁸ Пісте чазых чоғыл тіпчетсебіс, андада піс позыбысты алаахтырчабыс, паза пісте сын ниме чоғыл.

1 Иоанның 1:8 ပူးပေါင်းရင်းမြစ်များ

Иоанн 8:44

Пабаңар сайтан, сірер аның кӧңніне кірчеткен нимелерні толдырарға тимдезер. Ол прай ниме наа ла чайалчатхан тустардох кізі ӧдіреечі полған паза, аның чӱреенде Сын чох полғаннаңар, ол Сынның саринда халбаан. Ол чойланчатса, ол ӧӧн позынаң чоохтанча. Ол чой паза чойның пабазы.

Римдегілерге 3:10

Пазылых нооза: «Орта чоллығ пір дее кізі чоғыл».

Римдегілерге 3:23

Прайзы чазых иткен, прайзы Худайның сабланызы чох халған нооза.

1 Коринфтегілерге 3:18

Пос посты пірдеезі алаахтырбазын. Кем пу тустарда хыйға чӧрерге сағынчатхан полза, ол, хыйға полары ӱчӱн, сағызы чох ползын.

Галат чиріндегілерге 6:3

Пір дее нимее чарабинчадып, позын кӧдірчеткен кізі позы позын алаахтырча.

1 Тимофейге 6:5

Тик тартыстар сағыстаң кинем, сын ӱгредігдең оортах турған кізілердең тӧріпчелер. Олар Худайға салынғаны парыс аларына кирек тіп сағынчалар. Андағлардаң оортах тудын.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

Иаковтың 1:22

Посты алаахтырып, сӧсті истееҷік полбаңар, че аны толдырчатхан кізі полыңар.

Иаковтың 1:26

Худайға орта пазырчам тіп сағынып ала, олох туста тіліңе сыданминчатсаң, син позың позыңны алаахтырчазың паза синің пазырғаның пір дее нимее турбинча.

Иаковтың 3:2

Прайзыбыс таа кӧп чазых идедірбіс нооза. Кем сӧсте чазых итпинче, ол толдыра кізі, позының прай даа иді-сӧӧгіне сыдан полар.

2 Петрның 2:13

Олар постары иткен сайбағларының ӱчӱн хатығладарлар. Кӱн хараанаң чалтанмин, постарының хыҷыхтаныстарына салынчалар, кӧңнілерін тосхырчалар. Олар сірерні уйатха сухчалар паза, сірернең хада азыранып, сірернӧк кірнең порап салчалар. Олох туста сірерні алаахтырып алғаннарына ӧрінчелер.

1 Иоанның 1:10

Чазых итпеебіс тіп чоохтанчатсабыс, андада Худайны чойға санапчабыс, чӱреебісте, тізең, Аның сӧзі чох поладыр.

1 Иоанның 1:6

Худайнаң палғалызыбыс пар тіп чоохтанчатсабыс, че постарыбыс харасхыда чӧрчетсебіс, андада піс чойланчабыс паза сын ниме итпинчебіс.

1 Иоанның 2:4

Пірее кізі «Мин Худайны пілчем» тіпчетсе, че Аның чахығларын толдырбинчатса, ол чой кізі, анда сын ниме чоғыл.

1 Иоанның 4:20

«Мин Худайға хынчам» тіпчеткен, че харындазын хырт кӧрчеткен кізі – чой. Харах кӧзіндегі харындазына хынминчатхан кізі кӧрінминчеткен Худайға хайди хынар.

2 Иоанның 1:2

Ол Сын пісте паза піснең хада хаҷан даа полар.

3 Иоанның 1:3

Харындастар, киліп, синің киртінізіңнеңер искіргеннер. Синің Сынға хынчатханыңнаңар паза аны толдырчатханыңнаңар истіп, мин уғаа ӧрін парғам.