Zlrafta 4:2 - Hdi

² Tahula tsa ka zlghəglaftá tsi ta huɗi, ka yatá tsi ta zwaŋ, ka tsanaftá tsi ta hga ni ka Abel. Manda galata həŋ, rini ŋa Abel ta nghay. Kayinu guli ná, hva ŋa ni ta həvay.

Zlrafta 4:2 ပူးပေါင်းရင်းမြစ်များ

Zlrafta 3:23

Mantsa tama ka ghəzlagaptá Yawe, Lazglafta ta mndu ma Gama Aden. Ka ghəzligiŋta ŋa dzaʼa ni da hva tsa haɗik kəl lu ka tsagapta ya.

Zlrafta 37:13

Ka Israʼila nda Yusufu mantsa: « Waʼa laghu la zwana ma gha da ngha rini ma Səkem, sawi ka ghuna yu ta kagha da həŋ, » kaʼa. « Wana yu! » ka Yusufu.

Zlrafta 4:1

Ka lam Adamu da markwa taŋ Hawa. Ka zlghaftá tsi ta huɗi, ka yatá tsi ta zwaŋ ka tsanaftá tsi ta hga ni ka Kayinu, kaʼa mantsa: « Nda zɗakatahuɗa Yawe mutsaf mutsa yu ta zwaŋ, » kaʼa.

Zlrafta 4:3

Ma sana fitik gufwak, ka hlaʼatá Kayinu ta skwi hva tsi nda hva, ka mbəhatá tsi ta Yawe.

Zlrafta 47:3

Ka Firʼawna nda tsa zwana ma ni ya mantsa: « Nahgani slna ghuni na? » kaʼa nda həŋ. Ka həŋ nda Firʼawna mantsa: « Kwalvaha gha ná, ngha rini slna ŋni manda ŋa ŋa dzidzíha ŋni guli, » ka həŋ.

Zlrafta 9:20

Ka zlraftá Nuhu ta hva haɗik, ka hvaftá tsi ta vwaha inabi.

Sabi 3:1

Ma sana fitik, ka nghə Musa ta rina fisika Yitru dzidza ni, mnda dra skwi ŋa Lazglafta ma Midyaŋ. Ka mbadaptá tsi ta bra rina ni da huɗa mtak, ka lagha tsi da Hwarev, ghwá Lazglafta.

Lukwa 11:50

Ta ghəŋa tsaya dzaʼa kəl lu ka ghuzlanaŋtá iri ta gwal ta na fitik na kabga pslata taŋ ta inda la anabiha daga zlrafta ghəŋa haɗik,

Lukwa 11:51

na zlrafta ta Abel, ka sagha ta Zakari dza lu ma takataka gwir nda vli nda ghuɓa ma həga Lazglafta ya. Mantsa tsaya, dzaʼa ghuzlanaŋghuzla lu ta iri ta gwal ma na fitik na ta ghəŋa vəl pslata taŋ ta tsa mnduha ya.

Yuhwana 8:44

Da ghuni ná, halaway ya. Ta kumay kuni ta maganatá skwi ta zɗəganata. Nda nza tsatsi ka mnda dzata mndu daga ma zlrafta. Ta walaŋ a ta sladafta ta kahwathwata wu, kabga haɗ kahwathwata da tsi wa. Vərɗa ŋa ni ma gwaɗa ta gwaɗagapta ná, tsakalawi ya, kabga tsakalawi tsatá fwa tsatsi. Da ni ma tsakalawi tsatsi guli.

1 Yuhwana 3:10

Dər wati ma mndu kul haɗ ta maga skwi tɗukwa, nza a tsa mndu ya ka Zwaŋa Lazglafta wa. Mantsa ya mndu kul ɗva zwaŋama ni guli. Ta tsaha ya ta tsatsafta lu ta nzakwa zwana Lazglafta nda nzakwa zwana halaway.

1 Yuhwana 3:12

Yaha amu da nzakway manda Kayinu. Tsatsi ná, nda nza ka zwaŋa halaway, ka dzatá tsi ta zwaŋama ni. Kabgawu kəl tsi ka dzata na? Kabga ghwaɗaka skwi ŋa Kayinu ta magay, tɗukwa skwi ŋa tsa zwaŋama ni ya ta magay, kəl tsi ka valafta tida ka dzata.

1 Yuhwana 3:15

Mndu husaŋ zwaŋama ni ná, mnda dzatá mndu tsa mndu ya. Nda sna kaghuni guli kazlay: Mndu ta dzatá mndu ná, ta mutsa a hafa ni ŋa kɗekedzeŋ wu kəʼa.