Yunusa 1:9 - Hdi

⁹ Kaʼa nda həŋ mantsa: « Mnda la Hebru yu, Yawe, Lazglafta ta luwa ta zləŋ yu. Tsatsi ta magaftá drəf nda haɗik, » kaʼa.

Yunusa 1:9 ပူးပေါင်းရင်းမြစ်များ

Zlrafta 1:10

Ka hgə Lazglafta ta tsa ghwalatá vli ya, ka haɗik. Tsa tsəkatá imiha ya ná, ka hgə tsi ka drəf. Kəʼa ka Lazglafta nda tsa skwiha ya ná, ɗina.

Zlrafta 14:13

Ka hwayaktá sana mndu ta ndapta ma tsa vulu ya, da mnanatá Abram mnda la Hebru ta nzutá nzakwa ni ndusa nda fuha dagala dagala ma Mamre. Mamre ná, si mnda la Amuru ya, zwaŋama ni ma i Iskwal nda Ghaner. Ka dzraftá tsa mnduha ya ta wi nda Abram.

Zlrafta 24:7

Yawe, Lazglafta ta luwa, ta klagaptá iʼi ma həga ga da ɗa, ta haɗika mndəra ini. Ka gwaɗgihata tsi, ka waɗihata vlaŋtá na haɗik na ta zivirha ɗa. Dzaʼa ghunaga ghuna vərɗa tsatsi ta duhwala ni ta kəma gha, Hada dzaʼa klanakta ka ta marakw ta zwaŋa ɗa.

Zlrafta 39:14

ka hagadamtá tsi ta gwal ga taŋ, kaʼa nda həŋ mantsa: « Nghawa ɓa, ka kləgamaghata lu ta mnda la Hebru ná, ŋa ghuɓasa u. Iʼi ndiɗis tsi, ŋa hanata nda iʼi, ama ka dzatá yu ta lawlaw.

2Mgh 17:25

Tsaw ma fitika zlrafta taŋ ta nzata hada, tsəlɓa a həŋ ta tsəlɓu ŋa Yawe wa. Ka ghunadaghatá Yawe ta rveriha dika həŋ, ka pslatá ndəghata mnduha mataba taŋ.

2Mgh 17:28

Mantsa tama, ka sliʼaftá sani turtuk ma gwal dra skwi ŋa Lazglafta ya si hlagaghu lu ta həŋ ma Samari, ka lagha tsi nzata ma Betel, ka tagha tva zləŋa Yawe ŋa taŋ.

Izra 1:2

« Wya skwi mna Sirus mghama Persiya: Inda vli ta gə lu ta mgham ta haɗik ná, vliha vla Yawe, Lazglafta ta luwa ma dzva ɗa. Vərɗa tsatsi ta zbaptá iʼi kazlay: “Biɗifba ta həga ma Ursalima ta haɗika Yuda” kaʼa.

Izra 5:11

Wya ká həŋ zlghaŋnaftá wa ni: “Aŋni gwal ta maganatá slna ta Lazglafta ŋa ni luwa nda haɗik ŋni. Ta vrəglanafta baftá na həga si kəɗiŋ mgham dagala ma Israʼila ta bafta daga ghalya na ŋni.

Nəhemiya 1:4

Na snaŋta ɗa ta tsa gwaɗa ya, ka nzata yu, ka taw yu ta taw, kidaghi fitika ɗa ma taw, ka sumə yu ta suma, ka mag yu ta duʼa ta kəma Lazglafta ta luwa,

Nəhemiya 2:4

Ka mgham nda iʼi mantsa: « Nu ta ɗaw ka da iʼi tama ɓa? » kaʼa. Ka gi mag yu tsa duʼa da Lazglafta ta luwa.

Nəhemiya 9:6

Kagha turtukwa gha Yawe! Kagha ta zlagigiŋtá luwa, luwa ta ghəŋa luwa nda inda skwiha tida tani. Kagha ta zlagigiŋtá haɗik nda inda skwiha mida tani. Mantsa ya drəfha guli nda inda skwiha mida. Kagha ta famtá hafu ma inda tsa skwiha ya. Ta tsəlɓu inda skwiha ta luwa ta kəma gha.

Sabi 1:15

Mamu sana miʼaha his ta ya mndu mataba la Hebru, Sifra hga sani, Pugha hga sani. Ka fanatá mghama Masar ta zlahu ta həŋ, kaʼa mantsa:

Sabi 2:13

Ga mahtsima ni, ka vrəgladaghatá Musa, ka nghaŋtá tsi ta la Hebru his ta lmu guli. Kaʼa nda tsa mndu ta gatá gwaɗa ya mantsa: « Kabgawu ta kəl ka ka dza zwaŋama gha na? » kaʼa.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Slna gwal ghunay 14:15

« Nawawanawa zwana ma, nahgani na dzaʼa kuni magay na? Mndu aŋni manda va kaghuni tane. *Lfiɗa Gwaɗa ŋa aŋni ta kləgaghunaghata, ka zlaŋta kuni ta skwa wuyayha ka mbəɗakta kuni ta vgha təv Lazglafta ya nda hafu mida, ya ta magaftá luwa nda haɗik, nda inda skwiha mida tani.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

Filip 3:5

Kəl yu ka mnay mantsa na: Ɓuzula la *Hebru iʼi, zivira la Israʼila, mndəra la Biŋyamiŋ. Ta má tghasa fitik manda yata lu ta iʼi tsihata lu ta fafaɗa ɗa. Təv zlaha la *Yahuda guli ná, tekw iʼi mataba la *Farisa.

Suna Yuhwana 11:13

Gi ma va tsa fitik ya, ka gigɗavafta haɗik katakata ka hwanzaɓanapta faway turtuk ma dgatá tsa luwa ya ghwaŋ. Ka rwuta mnduha dəmbuʼ ndəfáŋ ma gigɗavafta tsa haɗik ya. Ka ksuta zləŋ katakata ta gwal ta pɗaku, ka zləzlvu həŋ ta Lazglafta ya ta nzaku ta luwa.

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.

Suna Yuhwana 16:11

Ka raz həŋ ta Lazglafta ta luwa ta ghəŋa lukwa taŋ, nda ghuya ɗaŋwa taŋ. Ka kwalaghutá həŋ ta paya tva taŋ ma slnaha taŋ.