Yunusa 1:16 - Hdi

¹⁶ Tahula tsa, ka sgavaghatá zləŋay tsa mnduha ya ta Yawe katakata. Ka vlatá həŋ ta skwi ŋa planatá ghəŋ, ka tanaftá həŋ ta imi ta sləməŋ nda waɗu.

Yunusa 1:16 ပူးပေါင်းရင်းမြစ်များ

Zlrafta 28:20

Ka waɗatá Yakubu, kaʼa mantsa: « Ka kawadaga Lazglafta nda iʼi, ka pghaf pgha tsi ta iʼi ɗughwana ma mbaɗa ɗa ta tvi, ka vliha vla tsi ta skwi ŋa zay, nda lgut ŋa suɗavata ɗa ta vgha,

Zlrafta 8:20

Lagha Nuhu ka dzihwanaftá gwir ta Yawe, ka kasaʼatá tsi mataba inda mndəra rini kul tsaɗ lu, nda mndəra ɗyakha nda zarakha kul tsaɗ lu, ka vlata ŋa pla ghəŋ ŋa dray tsuh tsuh ta gwir.

2Mgh 5:17

Ka Naghamaŋ mantsa: « Ka si kwalaghu kwala ka, vla vla ta tvi ka tsəɗaɗifta lu ta haɗika na vli na, ŋa iʼi kwalva gha. Ka tsəɗaɗifta lu prək ka hlay plisa ghwandala his, kabga iʼi kwalva gha ná, haɗ yu dzaʼa vləgəltá pla ghəŋ ŋa dray tsuh tsuh, dər sanlaha ma pla ghəŋ ŋa sanlaha ma lazglaftaha wu, ba ŋa Yawe kweŋkweŋ.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Yunusa 1:10

Ka ksaftá zləŋ katakata ta tsa mnduha ya, ka həŋ nda tsi mantsa: « Nahgani na maga ka? » ka həŋ. Nda sna tsa mnduha ya kazlay hwaya ta hway tsi diʼiŋ nda Yawe kəʼa, kabga rusanaf rusa ta həŋ.

Yunusa 1:14

Ka wahu həŋ ta wahu da Yawe, ka həŋ mantsa: « Ari Yawe! Ma zaɗaŋna ka ta ghəŋa dabga na mndu na, kdəkkdək! Ma masaŋnam ka ma dzvu ta usa mndu kul haɗ dmakwa ni, kabga kagha Yawe ná, maga maga ka ta skwi manda ya ta zɗəgaghata, » ka həŋ.

Markus 4:31

Tsa ga mghama Lazglafta ya ná, dzaʼa gray lu nda hya kramasa. Tsa hya kramasa ya ná, ndərzikw nzakwa ni mataba hulfaha ta ghəŋa haɗik, ama ka sləgam slga lu,

Slna gwal ghunay 5:11

Ka ksaftá tsi ka zləŋ ta gwal zlghay nda ŋuɗuf, nda hamata sanlaha ta snaŋtá tsa skwi ya.

Gwal tsa guma 13:16

Ka duhwala Yawe nda Manuwa mantsa: « Dər má ŋiha ka, haɗ yu dzaʼa za skwa zay gha wu, ama ka ta kumay ka ta vlatá pla ghəŋ ŋa dray tsuh tsuh, mbəha mbəha ta Yawe, » kaʼa. Sna a Manuwa kazlay na duhwala Yawe ya kəʼa wa.