Yunusa 1:14 - Hdi

¹⁴ Ka wahu həŋ ta wahu da Yawe, ka həŋ mantsa: « Ari Yawe! Ma zaɗaŋna ka ta ghəŋa dabga na mndu na, kdəkkdək! Ma masaŋnam ka ma dzvu ta usa mndu kul haɗ dmakwa ni, kabga kagha Yawe ná, maga maga ka ta skwi manda ya ta zɗəgaghata, » ka həŋ.

Yunusa 1:14 ပူးပေါင်းရင်းမြစ်များ

Zlrafta 9:6

Ka pghiŋ pgha mndu ta usa mndu katsi, mndu dzaʼa pghiŋtá usa tsa mndu ya guli, kabga magaf maga Lazglafta ta mndu ŋa gara vgha nda tsatsi.

Yunusa 1:13

Ka ŋavata tsa mnduha ya ta swa kwambalu, ŋa dzaʼa ksaftá haɗik, ka traptá həŋ, kabga ta sgaku nda sga vavalakwa drəf nda həŋ.

Yunusa 1:16

Tahula tsa, ka sgavaghatá zləŋay tsa mnduha ya ta Yawe katakata. Ka vlatá həŋ ta skwi ŋa planatá ghəŋ, ka tanaftá həŋ ta imi ta sləməŋ nda waɗu.

Yunusa 1:5

Ka ksaftá zləŋ katakata ta gwal ta maga slna ma kwambalu. Inda taŋ ta wahu da lazglafta taŋ nda lwi dagala dagala. Ka vazə həŋ da drəf ta inda huzla ma tsa kwambalu ya, ŋa htanaghutá ndəgaku. Ma tsaya ná, valagha vala Yunusa da mndəra kwambalu, ka hanata, ka tshutá hana ni.

Yunusa 3:8

Ka pghavata mnduha ta buhu, ka pghanavata lu ta rini guli, ka waha həŋ ta wahu nda mbraku nda mbraku da Lazglafta. Ka zlaŋta inda taŋ ta ghwaɗaka nzaku ta nzaku həŋ, ka ksanata həŋ ta dzva taŋ ta maga ghwaɗaka skwi.

Mata 11:26

Manda va tsa nzakwa ni Da, ta rfay yu ta kagha, ma zɗakwa gha nzakwa tsi mantsa.

Slna gwal ghunay 28:4

Nghay gwal ma tsa luwa ya ta tsa mupuha ya kzəghəla ta dzva Pwal, ka həŋ mataba taŋ mantsa: « Ta psla mndu na mndu na kahwathwata. Zlah zlah katagapta tsi ta vgha ma drəf kay guli ná, ta zlighisa a yu wu, ba va ta dzaghata ɗa ka guma Lazglafta nda tsi, » ka həŋ.

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Vrafta ta zlahu 21:8

Ar Yawe, slərɓanap slərɓa ta zughu ta mnduha gha la Israʼila varagap ka ta həŋ. Ma faŋnagha ka ta dmakwa pghiŋtá usa mndu kul haɗ dmakwa ni ta mnduha gha la Israʼila,” ka həŋ dazlay. Mantsa ya dzaʼa slərɓapta lu ta zughu ma tsa dmakwa pghiŋtá us ya.