Yuhwana 9:30 - Hdi

³⁰ Ka tsa mndu ya mantsa: « Wanawa mandərmimi kay tama! Sna a kuni ta vli ka ga sagha tsi wu? Wana guniha guna ta ira iʼi taɗa tsa.

Yuhwana 9:30 ပူးပေါင်းရင်းမြစ်များ

Mata 11:5

Nda ngha gwal si nda ghulpa ta vli. Ta mbaɗa gwal si nda raghwa səla taŋ. Nda mbamba gwal si nda rɗa mndu ta həŋ. Nda sna gwal si ka matghəm ta sləməŋ. Sliʼagap sliʼa gwal si ta rwuta. Mnana mna lu ta *Lfiɗa Gwaɗa ta gwal ka pɗu.

Mata 21:42

Ka Yesu nda həŋ guli mantsa: « Ta walaŋ a kuni ta dzaŋafta skwi vindaf lu ma defteri ra? “Tsa pala wuɗidiŋ gwal ba həga ya, tsaya ta nuta ka vərɗa palaka tughwa həga. Tsaya ná, Lazglafta ta ɗvaftá nzakwa ni mantsa. Nda nza ka mazəmzəm ta wa ira amu.”

Markus 6:6

Ka ndərmim Yesu nda ndərmima ta tsa kwala taŋ kul zlghaftá tsatsi nda ŋuɗuf ya. Tahula tsa, ka sliʼaftá Yesu ka laghu da ra zwana luwa ta hula Nazaret. Ka tatagha skwi ŋa mnduha.

Lukwa 7:22

Kaʼa nda həŋ mantsa: « Lawa la mnanata Yuhwana ta inda skwiha nghaŋ kuni, nda inda skwiha sanaŋ kuni. Gwal si nda ghulpa nda ngha həŋ ta vli, ta mbaɗa gwal si nda raghwa səla taŋ, kwandlaŋkwandlaŋ mbambatá gwal si nda rɗa mndu ta həŋ, nda gwana sləməŋa gwal si ka rgha si kul snaŋtá sləməŋ. Gwal si nda rwa, varamvara həŋ nda hafu. Mananamana lu ta *Lfiɗa Gwaɗa ta gwal ka pɗu.

Yuhwana 12:37

Kulam nda tsa mazəmzəmha mamaga tsi ta wa ira taŋ ya, ka kwalaghutá həŋ ta zlghafta.

Yuhwana 3:10

Ka Yesu nda tsi mantsa: « Kagha mndu ta tagha skwi ŋa la Israʼila ná, sna a ka ta tsa ra?

Yuhwana 9:29

Nda sna amu kazlay: Gwaɗgana gwaɗa Lazglafta ta Musa kəʼa. Tsa mndu ya, sna a aŋni ka sagha ga tsi wu, » ka həŋ.

Yuhwana 9:31

Skwi ya snaŋ amu ná, zlgha a Lazglafta ta wa skwi ta ɗawu mnda dmaku wa. Mndu ya ta vla glaku ŋa ni, ta snanatá ŋa ni, ta zlghə tsi ta wa ni.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.