Yuhwana 11:2 - Hdi

² Tsa Mari ya tsa ta pghanaftá urdi ta səla ta Mgham *Yesu ka takaɗay nda swida ghəŋa ni ya. Zwaŋama ni tsa Lazar kul ɗughwanaku ya guli.

Yuhwana 11:2 ပူးပေါင်းရင်းမြစ်များ

Markus 14:3

Ma luwa Betani *Yesu ta nzaku ka za skwa zay ma həga ga Simuŋ si nda rɗa mndu tida ya, ka lam sana marakw slanaghata nda klatá hwaraka Albastra ndəghamə tsi ta urda sana fu ta hgu lu ka Nar. Nda bla dzva tsa urdi ya katakata. Ka ɓlaghutá tsi ta wa tsa hwarak ya, ka bərzləganatá tsa urdi ya ma ghəŋ ta Yesu.

Lukwa 7:13

Na nghaŋta Yesu ta tsa marakw ya, ka ksaftá tsi ka hiɗahiɗa. « Ma taw ka » kaʼa nda tsi.

Lukwa 7:19

Ka hgaftá Yuhwana ta gwal his mataba duhwalha ni, ka ghunaftá həŋ da Mgham *Yesu. Kaʼa nda həŋ mantsa: « Lawa la ɗawaŋta! Kagha tsa mndu snə ŋni dzaʼa sagha ya re, ari ka kəzla ŋni ta sana mndu a na? » ka kuni nda tsi.

Yuhwana 11:21

Ka Marta nda Yesu mantsa: « Mghama ɗa! Ka má hadna ka katsi ná, má mta a zwaŋama ɗa wa.

Yuhwana 11:3

Ka tsghaghatá tsa kwaghama ni ya ta lwi ŋa Yesu kazlay: Mghama ɗa, ɗughwana a tsa gra gha ya kay wu kəʼa.

Yuhwana 11:32

« Mghama ɗa! Ka má hadna ka ná, má mta a zwaŋama ɗa wu, » Ka Mari zləmbatá ma ghuva Yesu nghaŋər tsi manda ɓhadaghata ni da tsa vli nda tsi ya.

Yuhwana 12:3

Ka klaftá Mari ta hwaraka urda sana fu ta hgə lu ka Nar, nda bla dzva ni, ka rita litər. Ka pghə tsi ta səla Yesu, ka takaɗay nda swida ghəŋa ni. Ka vərtikanaftá tsa urdi ya ta vli ma inda tsa həga ya.

Yuhwana 13:13

“Mndu ta tagha skwi” ŋa ŋni ka, “mghama ŋni” ka, ka kuni ta hga iʼi. Ta ŋa ghuni tsaya, manda va tsaya yu.

Yuhwana 13:14

Ka si iʼi ta nzakway ka mgham, mndu ta tagha skwi ŋa mndu, mbaza ghuna mbaza yu ta səla ya ní, kaghuni guli ŋa mbazay ghuni mantsa ta ŋa sani nda sani.