Yakubu 4:6 - Hdi

⁶ Ta vlay katək ta zɗakatahuɗi ya ta fərtuta kəl defteri ka mnay kazlay: Ta pgha ghəŋ Lazglafta nda gwal ta gla ghəŋ, ama ta vlay ta zɗakatahuɗa ni ŋa gwal ta hanaganatá ghəŋa taŋ kəʼa ya.

Yakubu 4:6 ပူးပေါင်းရင်းမြစ်များ

2Rus 32:26

Mantsa tama, ka hanaganatá Hizkiya ta ghəŋ ma tsa gla ghəŋa ni ya, nda la Ursalima tani, ka kwal gufatá ŋuɗufa Yawe dɗanaghatá həŋ ta fitika nzakwa Hizkiya.

2Rus 33:12

Ma tsa nzakwa ni ma ghuya ɗaŋwa ya, ka zbə tsi ta lɓanatá ŋuɗuf ta Yawe, Lazglafta ni, ka hanaganatá tsi ta ghəŋ katakata ta kəma Lazglafta dzidzíha ni.

2Rus 33:19

Ndəɓa dzva ni, nda ya ká Lazglafta tsuʼanaftá tawa ni, inda dmakuha ni nda ghwaɗaka skwiha maga tsi, nda vliha ya babaf tsi ta vliha tskal tskala, nda dzagwatá skwa wuyayha Asera, nda tsatsatá skwa wuyayha makəɗ tsi ka hanaganatá ghəŋ ná, nda vivinda ma ɗelewera Huzay.

2Rus 33:23

Hanagana a ta ghəŋa ni ta kəma Yawe, manda ŋa da ni wa. Ama sgə nda sga tsatsi katək ta gá dmaku.

2Rus 34:27

Tsəhala ta haga madər ka, ka hanaganatá ka ta ghəŋa gha ta kəma Lazglafta ma snaŋta gha ta tsa gwaɗaha ta ghəŋa tsa vli ya, nda ya ta ghəŋa mnduha ni, kabga hanaganata gha ta ghəŋ ta kəma ɗa, ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

Sabi 18:11

Ndanana, nda sna yu kazlay na, malaghu mala Yawe ta inda lazglaftaha kəʼa, kabga zluʼagap zluʼa ta mnduha ni ma ghuya ɗaŋwa taŋ, da la Masar ta nzanaghatá həŋ, » kaʼa.

Mata 13:12

Ŋa mndu mamu skwi da tsi ta sganaghata lu, ŋa sgutani da tsi. Ama mndu ya kul haɗ skwi da tsi ná, dzaʼa kləgadanaghu kla lu ta va tsa kiʼa da tsi ya.

Mata 23:12

Inda mndu ta kapanaftá ghəŋa ni ná, dzaʼa dzagana dza lu. Inda mndu ta hanaganatá ghəŋa ni guli ná, dzaʼa kapanaf kapa lu, » kaʼa.

Lukwa 1:52

Ka slisliŋwiŋtá tsi ta sanlaha ma gwal dagala dagala ta dughurukwa dasu, ka kapanaftá tsi ta gwal nda hta,

Lukwa 14:11

Inda mndu ta glanaftá ghəŋa ni, dzaʼa vragana vra lu, inda mndu ta vraganatá ghəŋa ni dzaʼa kapanaf kapa lu, » kaʼa nda həŋ.

Lukwa 18:14

Ka iʼi ta mnaghunata, ta lagha tsa mndu ya dzagha ni, nda dzra ŋa ni nda Lazglafta. Mantsa a nzakwa ŋa tsa la Farisa ya wa. Nzakwa ni ná, dər wa ta kapanaftá ghəŋa ni, dzaʼa gwitsaganagwitsa lu. Ka hanana hana mndu ta ghəŋa ni, dzaʼa kapanaf kapa lu, » kaʼa.

Yakubu 4:10

Hanaganawa ghəŋa ghuni ta kəma Mgham, dzaʼa kapaghunaf kapa.

1 Piyer 5:5

Kaghuni guli duhwalha, hanaganawa ghəŋ mista la galata mndu ta ngha Igliz. Kaghuni demdem nzawa nza nda hanatá ghəŋ ma gwaya vgha ghuni, kabga « zɗəgana a gwal ta gla ghəŋ ta Lazglafta wu, ama ta zɗanaŋ zɗa ta huɗi ta gwal ta hanaganatá ghəŋ. »

1Sam 2:3

Ma bərfgiŋ kuni ta gwaɗa nda gla ghəŋ, ma səglap gwaɗa ghərɓaku ma wa ghuni, kabga Yawe ná, Lazglafta nda sna ta skwi demdem ya, tsatsi ta graftá ndəgakwa inda slna ta magata mndu.