Yakubu 4:5 - Hdi

⁵ Ta grə kuni ná, ka bətbət skwi mna defteri ta mnay kazlay: Ɗvu ɗva Lazglafta katakata ta tsa sulkum fam tsi ma amu ya kəʼa ya ra?

Yakubu 4:5 ပူးပေါင်းရင်းမြစ်များ

Zlrafta 26:14

Ka mutsaftá tsi ta bra rina fisik nda bra slaha, mamu kwalvaha ni nda ndəgha guli. Ka drə la Filisti ta Izak.

Zlrafta 30:1

Nghadapta Rasel ta kwala ni kul yanatá zwaŋ ta Yakubu ná, ka drə tsi ta makuma ni. Kaʼa nda Yakubu mantsa: « Vliha vla ta zwani, ka mantsa a tsi wu, mtuha yu! » kaʼa.

Zlrafta 37:11

Ka drə zwana ma ni. Ama ka famtá da ni ta tsa gwaɗa ya ma ghəŋa ni.

Zlrafta 38:9

Ama nda sna Unaŋ kazlay nzata a tsa zivir ya ka ŋa ni wu kəʼa. Tsaya tama, ma hanay ni ta hani nda tsa marakw ya, pghiŋta ni ta vgha ni ta haɗik ŋa kwala ni yanatá zwaŋ ta tsa zwaŋama ni ya.

Zlrafta 6:5

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

Mbsak 11:29

Ama ka Musa nda tsi mantsa: « Ta draku ka ŋa ɗa ra? Má ka nuna inda mnduha Yawe ka anabi, ka gwal fanam Yawe ta sulkum katək ɓa! » kaʼa.

Mbsak 23:19

Mnda səla a Lazglafta ŋa tsakalay ni ta wi wa. Zwaŋa mnda səla a ŋa mbəɗanaftá skwi kura tsi wa. Ta gwaɗay ta gwaɗa ŋa kwal kul magata ra? Ta gwaɗay ta gwaɗa ŋa kwal kul ksa slna nda tsi ra?

Yuhwana 10:35

Nda sna mu kazlay: Haɗ mndu dzaʼa laviŋtá hərɗiŋta skwi nda vinda ma deftera Lazglafta wu kəʼa. Tsaw lazglaftaha kuni ka Lazglafta tsanaftá hgu ta mnduha ta mnə tsi ta gwaɗa ni ŋa taŋ.

Yuhwana 19:37

Ka lu vindafta ma sana vli guli ná, « dzaʼa nghanava ngha həŋ ta tsa mndu sliglanava həŋ nda gupa ya » kəʼa.

Yuhwana 7:42

“Ma zivira Dawuda ma luwa Betʼlehem ta nzakway ka luwa Dawuda” a dzaʼa saba Kristi, ka vindata ni ma gwaɗa Lazglafta kay ra? » ka sanlaha.

Slna gwal ghunay 7:9

« Ka drə dzidzíha mu ta Yusufu, ka skwaptá həŋ. Ka klaghatá lu da ga vuʼa ma luwa Masar. Nziya nza tsi, kawadaga Lazglafta nda tsi.

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

La Ruma 9:17

Wya ka Lazglafta mnanatá Firʼawna, ka vindaftá lu ma defteri: « Faf fa yu ta kagha ka mgham ŋa maravata mbrakwa ɗa ta kagha, nda ya ŋa tiŋtá hga ɗa ta ghəŋa haɗik demdem. »

1Kwa 6:19

Sna a kuni kazlay: Sluʼuvgha ghuni ná, həga Sulkum nda ghuɓa ya kəʼa ra? Lazglafta ta vlaghunata ŋa nzaku ma kaghuni, ta ka ŋa ghuni a vgha ghuni tama wa.

2Kwa 6:16

Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

Galat 3:8

Ka gwaɗa Lazglafta ghada ta mnata ná, Lazglafta dzaʼa nanaftá gwal kul nzakway ka la *Yahuda ka gwal tɗukwa ta wa ira ni ma zlghafta taŋ nda ŋuɗuf, kaʼa. Ka Lazglafta ghada ta mnanatá Abraham guli na: « Dzaʼa tfanagha tfa yu ta wi ta inda mndəra mndu nda ma kagha, » kaʼa.

Titus 3:3

kabga si ka rgha dər amu ghalya, haɗ mu si ta sna gwaɗa da mndu wa. Si nda zaɗa mu, ka nzaku mu ka vuʼa maga ghwaɗaka skwi nda haraʼu ta iri. Ta nzaku nda sidi kawadaga nda ghudzaku mu ta nzaku, prək má ka mbiɗa amu. Ta husaŋ husa amu ta mnduha, ta husamahusa mnduha guli.