Yakubu 4:12 - Hdi

¹² Lazglafta turtukwa ni ta vlatá zlahu, tsatsi guli ta tsa guma. Tsatsi ta laviŋtá mbanafta, tsatsi guli ta laviŋtá zaɗanata. Ama wa kagha tama, ta tsanaghatá guma ta zwaŋama gha?

Yakubu 4:12 ပူးပေါင်းရင်းမြစ်များ

Mata 10:28

Ma zləŋ kuni ta gwal ta dzatá sluʼuvgha ta kwal kul laviŋta dzatá hafu. Lazglafta ta laviŋta zaɗanatá sluʼuvgha nda hafu tani ma həga vu ya ŋa zləŋay katək.

Lukwa 12:5

Ka maraghuna mara yu ta mndu dzaʼa kuni zləŋay. Zləŋawa zləŋa ta Lazglafta. Tsatsi ta laviŋtá dzatá sluʼuvgha ghuni, mamu guli nda mbrakwa klafta kaghuni ka vzamta da vu. Mantsa ya nzakwa ni, tsatsi dzaʼa kuni zləŋay, ka yu ta mnaghunata.

La Ruma 14:13

Ma tsəglə mu ta guma ta ghəŋa sani nda sani mataba mu. Katək ná, ɗina ka ndanay dər wa kazlay: Yaha yu da nzakway ka skwa tuthun da zləmbiŋtá yu ta zwaŋama ɗa kəʼa.

La Ruma 14:4

Wa kagha ŋa tsay kagha ta guma ta kwalva sana mndu? Ka nda slada tsa mndu ya, ka nda zləmba a tsi, nghanatá daŋahəga ni həga ni tsaya. Zləmbuta a wu, kabga mamu Mgham *Yesu nda mbrakwa hinistá dzvu.

La Ruma 2:1

Kagha mndu ya ta nzakway ta tha mndu, dər waká, haɗ ka nda pslaftawi baɗu guma wu, kabga ma tsa tsay ta tsə kagha ta guma ta sanlaha ya ná, ta tsə ta ghəŋa gha ka. Tsa kagha ta tsanaghatá guma ta mndu ya ná, ta magay kagha ta va tsa skwiha ya.

La Ruma 9:20

Kagha mnda səla, wa hga gha ŋa zlərɗa ya kumaŋ Lazglafta na? Ta mnay skwi tsaf lu nda rɓisl ŋa mndu ya ta tsafta kazlay: Kabgawu kəl ka ka tsaftá iʼi manda na na kəʼa ra?

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

Yakubu 5:9

Zwana ma ɗa, ma ŋaɗə kuni ta ghəŋ ta ghəŋa sani nda sani kada kwala lu tsaghunaghatá guma. Ya wya mnda tsa guma ta wa tgha.

1Sam 25:10

Ka Naval nda kwalvaha Dawuda mantsa: « Wa Dawuda, wa zwaŋa Yisay na? Nda ndəgha kwalvaha gitana ta hwahwayapta ga daŋahəga taŋ.