Yakubu 3:16 - Hdi

¹⁶ Ma vli ta gə draku nda ɗvuta ghəŋ ta mgham ná, mamu hwazlaɓaku nda inda mndərga ghwaɗaka slnaha tani.

Yakubu 3:16 ပူးပေါင်းရင်းမြစ်များ

Zlrafta 11:9

Ka tsanaftá lu ta hga tsa luwa ya ka Babila, kabga hada hwazlaɓanafta Yawe ta gwaɗa ta haɗik demdem. Hada wutsanatá Yawe ta həŋ ta inda ghəŋa haɗik.

Zlrafta 38:9

Ama nda sna Unaŋ kazlay nzata a tsa zivir ya ka ŋa ni wu kəʼa. Tsaya tama, ma hanay ni ta hani nda tsa marakw ya, pghiŋta ni ta vgha ni ta haɗik ŋa kwala ni yanatá zwaŋ ta tsa zwaŋama ni ya.

Markus 3:25

Ka dgavap dga həga mndu his ná, ta dzaʼa Nzəgla nza tsa həga ya ra?

Slna gwal ghunay 19:29

Ka sliʼavaftá vli kuɗukuts ma luwa demdem, ka hwaya da vla katskatsu, ka ksədanaghatá həŋ ta graha Pwal ta nzakway ka i Gayus nda Aristarkus, tsa hahəŋ his ta nzakway ka mnduha la Mekaduniya ya.

La Ruma 2:8

Ŋa gwal ta ga sidi nda Lazglafta, ka kwalaghutá sna kahwathwata ka laghu da maga ghwaɗaka skwiha ya ná, dzaʼa ghuzlanaŋghuzla Lazglafta ta iri ta həŋ.

1Kwa 14:33

Nza a Lazglafta ka Lazglafta hwazlaɓaku wa, Lazglafta zɗaku ya. Manda va ya ta mag miʼaha ma Igliz nda ghuɓa ya,

1Kwa 3:3

kabga manda nzakwa mnduha ma ghəŋa haɗik tata nzakwa kuni ta nzaku. Ka si tata draku kuni, tata zlərɗa wi kuni mataba ghuni katsi ya ní, nzaku manda ŋa mnduha ma ghəŋa haɗik a ta nzaku kuni nda tsa ra? Manda ŋa taŋ tata nzakwa kuni.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

Galat 5:20

wya skwi, maga mndu nda ghwani, nzaku ka ghuma, zlərɗa wi, draku, ɓasa ŋuɗuf, ɗva ghəŋ, daga vgha, kwal kul guya ghəŋ,

Yakubu 3:14

Ama ka ndughundughwa ŋuɗufa ghuni nda draku, nda ya nda ɗva ghəŋ katsi, ma ghərɓə kuni ta ghərɓaku ka bətbət, ma tsakalana kuni ta wi ta kahwathwata.

1 Yuhwana 3:12

Yaha amu da nzakway manda Kayinu. Tsatsi ná, nda nza ka zwaŋa halaway, ka dzatá tsi ta zwaŋama ni. Kabgawu kəl tsi ka dzata na? Kabga ghwaɗaka skwi ŋa Kayinu ta magay, tɗukwa skwi ŋa tsa zwaŋama ni ya ta magay, kəl tsi ka valafta tida ka dzata.