Yakubu 2:8 - Hdi

⁸ Ka sna sna kuni ta zlaha Lazglafta, manda ya nda vinda kazlay: Ɗvu ɗva ta mnda səla manda va ghəŋa gha kəʼa ya ná, maga maga kuni ta skwi ɗina.

Yakubu 2:8 ပူးပေါင်းရင်းမြစ်များ

1Mgh 8:18

Ama ka Yawe nda da ɗa Dawuda mantsa: “Kum kuma ka ma ŋuɗufa gha ta baftá həga ŋa hga ɗa, ɗina tsa kumafta gha ya.

2Mgh 7:9

Ka həŋ mataba taŋ mantsa: « Maga a mu ta skwi nda tva ni wa. Nana fitik gita na ná, fitika lfiɗa gwaɗa ya. Ka nza nza mu tsəriɗ ka kəzla tsaɗata vli ga sərɗək katsi ná, dzaʼa ksaf ksa dmaku ta amu. Sawuwa, mbaɗma ka mnanaŋta mu ta gwal ga mgham, » ka həŋ.

La Levi 19:18

Ma zbə kuni ta planamtá mndu, ma nza kuni nda dgun ma ŋuɗuf nda kutumkuha ghuni, ama ɗvuta ghuni ta mnda səla manda ghəŋa ghuni. Iʼi ná, Yawe yu.

La Levi 19:34

Ka ngha kuni manda zwaŋa haɗik, ka ɗvuta kuni manda ghəŋa ghuni, kabga si la mayəm kaghuni guli ta haɗika Masar. Iʼi Yawe, Lazglafta ghuni.

Yunusa 4:4

« Ra gha ki ɓasay gha ta ŋuɗuf na? » ka Yawe nda tsi.

Yunusa 4:9

Ka Lazglafta nda Yunusa mantsa: « Ra gha ki ɓasay gha ta ŋuɗuf dabga na ghughula na na? » kaʼa. « Mantsa nzakwa ni, riha ra ɓasay ɗa ta ŋuɗuf ha prək ka mtuta ɗa! » ka Yunusa.

Mata 22:39

Mamu mahisa ni manda tsaya guli: “Ɗvu ɗva ta mnda səla manda va ghəŋa gha” kəʼa.

Mata 25:21

Ka daŋahəga ni həga ni nda tsi mantsa: “Ɗina tsa, ŋərma kwalva ka! Manda va tsa nzakwa gha ka ŋərma mndu ma skwi kwitikw ya, ta vlagha vla yu ta skwi dagala. Saghu sa gha da rfu kawadaga nda iʼi,” kaʼa.

Mata 25:23

Ka daŋahəga ni həga ni nda tsi mantsa: “Ɗina tsa, ŋərma kwalva ka. Manda va tsa nzakwa gha ka ŋərma ni ma skwi kwitikw ya, ta vlagha vla yu ta skwi dagala guli. Saghu sa gha da rfu kawadaga nda iʼi,” kaʼa.

Mata 7:12

« Inda skwi má ta kum kaghuni ta magaghunata mnduha ya, maganawa maga kaghuni guli ta hahəŋ, kabga tsaya klatá ghəŋa zlaha Musa, nda gwaɗa la anabi. »

La Ruma 13:10

Haɗ ɗvu ta maga ghwaɗaka skwi ŋa mndu wa. Ɗvu ta dzanaghata ghəŋa zlahu.

Galat 5:14

Inda zlahu ná, ma gwaɗa turtuk gwamta tsi ta vgha, ta mnə lu kazlay: Ɗvu ɗva ta mnda səla manda va ya ta ɗvuta ka ta ghəŋa ghakəʼa ya.

Galat 6:2

Katuvuswa vgha ma kərta ndəgaku sani nda sani. Ma magay ghuni mantsa ya, dzaʼa nzakwa kuni ka gwal snatá zlaha *Kristi.

Filip 4:14

Dər má mantsa ya nzakwa ni mndani, ɗina na skwi maga kuni, ka katihata ma ghuya ɗaŋwa ɗa na.

1Tes 4:9

Ta ghəŋa ɗvuvusta ghuni ta ghəŋa ghuni ná, ta dzaʼa vindaghunafta nda vinda a lu wu, kabga ghada ghada Lazglafta ka ghəŋa ni ta taghaghunafta.

Yakubu 1:25

Ama mndu ya ta faftá ira ni ta zlahuha Lazglafta, zlahuha ya ta vlamata flauʼwatá vgha, ka ndiʼafta vgha tɗukwa tida, kul haɗ ta zanaptá gwaɗa tahula snaŋta ni, ta ksay ta slna nda tsi ná, dzaʼa nzakway tsa mndu ya nda rfu ma inda skwiha ni ta mag tsi.

Yakubu 2:12

Tsaya kəl yu ka mnay ŋa ghuni kazlay: Gwaɗawa gwaɗa ta gwaɗa, ka ndana kuni ta ndanu, manda vərɗa mnduha dzaʼa tsanaghata lu ta guma ta həŋ nda ma zlahu ya ta vlamatá flauʼwatá vgha kəʼa ya.

Yakubu 2:19

Zlghaf zlgha kagha kazlay: Turtuktuk Lazglafta kəʼa, mantsa nzakwa ni, ta ŋa gha tsa. Ama ɗina ka snaŋta kagha guli kazlay: Zlghaf zlgha ghwaɗaka sulkumha guli manda va tsaya kəʼa, ta ghudzaku həŋ da zləŋ.

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.