Yakubu 2:19 - Hdi

¹⁹ Zlghaf zlgha kagha kazlay: Turtuktuk Lazglafta kəʼa, mantsa nzakwa ni, ta ŋa gha tsa. Ama ɗina ka snaŋta kagha guli kazlay: Zlghaf zlgha ghwaɗaka sulkumha guli manda va tsaya kəʼa, ta ghudzaku həŋ da zləŋ.

Yakubu 2:19 ပူးပေါင်းရင်းမြစ်များ

Yunusa 4:4

« Ra gha ki ɓasay gha ta ŋuɗuf na? » ka Yawe nda tsi.

Yunusa 4:9

Ka Lazglafta nda Yunusa mantsa: « Ra gha ki ɓasay gha ta ŋuɗuf dabga na ghughula na na? » kaʼa. « Mantsa nzakwa ni, riha ra ɓasay ɗa ta ŋuɗuf ha prək ka mtuta ɗa! » ka Yunusa.

Mata 8:29

Ka gi dzə həŋ ta lawlaw. Ka həŋ mantsa: « Nya mataba mu nda kagha ní Zwaŋa Lazglafta? Sagha da ghuyaŋnaftá ka ta kul magaku fitika ni ra? » ka həŋ.

Markus 1:24

« Yesu zwaŋa la Nazaret, nu gwaɗa gha nda aŋni, sagha ka da zaɗa aŋni? Wya nda sna ŋni kazlay: Mndu nda ghuɓa daga da Lazglafta kagha kəʼa na? » kaʼa.

Markus 12:29

Ka Yesu nda tsi mantsa: « Wya mali mida: Snawa ɓa la Israʼila! Mgham ta nzakway ka Lazglafta ná, tsatsi turtuktuk Mgham.

Markus 5:7

ka wahu nda lwi dagala. « Yesu Zwaŋa Lazglafta Dagala: Nya mataba ɗa nda kagha na? Ta ndəɓa dzvu yu da kagha nda həga Lazglafta, ma ghuyɗip ka ta ɗaŋwa, » kaʼa.

Markus 7:9

« Nda hiɗa kuni kahwata ta wuɗiŋtá zlahuha Lazglafta, ka ŋanatá ŋa ghuni ma skwa dzidzí.

Lukwa 4:34

« Aya! *Yesu zwaŋa la Nazaret, nu gwaɗa gha nda aŋni sagha ka da zaɗa aŋni? Wya nda sna yu mndu nda ghuɓa daga da Lazglafta kagha kəʼa, kaʼa »

Yuhwana 17:3

Hafu ŋa kɗekedzeŋ ná, tsaya snaŋta taŋ ta kagha. Kagha vərɗa Lazglafta turtuktuk, nda snaŋta taŋ ta mndu ya ghunaga ka ta nzakway ka Yesu *Kristi.

Slna gwal ghunay 16:17

Ka gi mbaɗ tsi mista ŋni nda i Pwal. « Nana mnduha na ná, gwal ksanatá slna ta Lazglafta Dagala ya, tva mbaku ta mnaghunata həŋ! » kaʼa ta dzaʼa nda gugɗay.

Slna gwal ghunay 19:15

Ma sana fitik, ka tsa ghwaɗaka sulkum ya nda həŋ mantsa: « Wya nda sna yu ta Yesu, nda sna yu ta Pwal guli, wa kaghuni tama? » kaʼa nda həŋ.

Slna gwal ghunay 24:25

Ka zlraftá Pwal ta zwa gwaɗa ta ghəŋa nzaku ya ta zɗəganatá Lazglafta, nda gwaɗa ta nghuta mndu ta ghəŋa ni, nda gwaɗa ta ghəŋa ya ka Lazglafta dzaʼa tsa guma ta ghəŋa mnduha. Ka Feliks ksur tsi ka zləŋ mantsa: « La tama, baɗu mutsafər yu ta fitik ya guli ná, hgəgəlta ɗa ta kagha tsa, » kaʼa.

La Ruma 3:30

kabga turtuktuk Lazglafta. Tsatsi dzaʼa nanafta ka gwal tɗukwa ta gwal nda tsa fafaɗa taŋ nda ma zlghay nda ŋuɗufa taŋ. Tsatsi dzaʼa nanafta ka gwal tɗukwa ta gwal kul nzakway ka la Yahuda nda ma zlghay nda ŋuɗufa taŋ guli.

1Kwa 8:4

Ta ghəŋa skwi ta nghanatá za sluʼa skwa wuyay, wya tsi: nda sna amu skwi ka bətbət na skwa wuyay ma ghəŋa haɗik kəʼa. Turtuktuk Lazglafta guli.

1Kwa 8:6

Dər ma mantsa tsi, ŋa amu ná, turtuktuk Lazglafta ta nzakway ka Da mu, ta zlaganapta inda skwi ma ghəŋa haɗik. Ŋa ni amu guli. Turtuktuk mghama mu guli, tsaya *Yesu *Kristi zlaganap Lazglafta ta inda skwiha nda ma tsatsi ya, ma tsatsi nzata amu nda hafu guli.

Galat 3:20

Mataba mnduha his ta nzakwa mndu matabu tazlay, ama haɗ mndu ta nzakway matabu ma fitika tanafta Lazglafta ta imi ta sləməŋ ta Abraham wa.

Vrafta ta zlahu 6:4

Sna ɓa Israʼila! Yawe na Lazglafta mu, Yawe turtuktuk.

1Tim 2:5

Na nzakwa ni ná, turtuktuk Lazglafta. Turtuktuk mndu ta guyanaftá mndu nda Lazglafta guli. Tsa mndu ya ná, *Yesu *Kristi ya

Yakubu 2:8

Ka sna sna kuni ta zlaha Lazglafta, manda ya nda vinda kazlay: Ɗvu ɗva ta mnda səla manda va ghəŋa gha kəʼa ya ná, maga maga kuni ta skwi ɗina.

Yuda 1:4

Klə yu ka mna tsaya ná, nda ndəgha mnduha ta kɗikadamta da taba ghuni, ka ɓadza zɗakatahuɗa Lazglafta. « Lma a Lazglafta ta magay mndu ta ghwaɗaka skwi ta kum mndu wu, » ka həŋ ta mnay. Mantsa ya vziŋta həŋ ta *Yesu *Kristi ta nzakway ka Mgham ta ghəŋa amu. Mndərga tsa mnduha ya ná, nda ghada vinda ta tsatá guma ta ghəŋa taŋ daga ghalya.

Yuda 1:6

Havak kuni guli ta mnduha Lazglafta ta *Pak vla ga mgham vlaŋ lu ta həŋ, ka zlanavatá tsa vli si vlaŋ Lazglafta ta həŋ ya. Ta ghəŋa tsaya kəl Lazglafta ka hlaftá həŋ ka tsamta, ka zlaŋtá həŋ ma vəl tɗika ŋa kəzla kɗiŋta Lazglafta ta tsatá guma ta ghəŋa taŋ baɗu tsa fitik dagala ya.

Suna Yuhwana 20:10

Ka gi klaftá lu ta tsa halaway ta nana həŋ ya ka vzaghata da duda vu ghandand ma vli hada tsa nimtak nda ghwaɗaka anabi ya, ŋa giri ŋa taŋ hada nda fitik tani, nda rviɗik tani ha ŋa kɗekedzeŋ.