Yakubu 2:13 - Hdi

¹³ Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

Yakubu 2:13 ပူးပေါင်းရင်းမြစ်များ

Zlrafta 42:21

Ka həŋ mataba taŋ mantsa: « Kahwathwata, plamagha pla vu ta ghəŋa skwi magana mu ta Yusufu zwaŋama mu. Nda ngha mu ta ghuyay ni ma fitika ndəɓay ni ta dzvu da amu, ka ɗawa zɗakatahuɗi, ama ka kwalaghutá mu, tsaya kəl na ghuya ɗaŋwa na ka slamaghata, » ka həŋ.

2Rus 28:11

Ndanana, fihawa fa ta sləməŋ, zlazliŋwa tsa zwana ma ghuni hlagagha kuni ka vuʼa ya, kabga nda gufa ŋuɗufa Yawe katakata ta ghəŋa kaghuni, » kaʼa.

Mata 5:7

Rfu da gwal ta tawa hiɗahiɗa ta mndu kabga dzaʼa taway Lazglafta ta hiɗahiɗa ta həŋ.

Mata 6:15

Ama ka haɗ kaghuni ta plinistá dmakwa mnduha ta magaghunata wu katsi, haɗ Da ghuni dzaʼa plighunistá dmakuha kaghuni guli wa. »

Lukwa 16:25

Ka Abraham nda tsi mantsa: “Sagəŋ! Havap hava ka za mghama gha si ta zə ka ma nzakwa gha nda iri ta ghəŋa haɗik, ta ghuy Lazar ta ɗaŋwa ni ya. Ndana tama nda lɓa ŋuɗufa tsatsi, ta ghuy kagha ta ɗaŋwa gha.

Lukwa 6:37

Ma tsanagha kuni ta guma ta mndu. Haɗ Lazglafta dzaʼa tsaghunaghatá guma guli wa. Ma ŋam kuni ta mndu ma ŋuɗuf, haɗ Lazglafta dzaʼa ŋamtá kaghuni ma ŋuɗuf guli wa. Pliniswa dmakwa mnduha, dzaʼa plighunis pla Lazglafta ta ŋa ghuni guli.

Yakubu 3:17

Taŋtaŋ karaku, ɗifil ya ta saha ta luwa ná, nda ghuɓa. Tahula tsa, ta klak kla ta zɗaku nzaku, leɓtekwa, ta dzra ghəŋ, dagala hiɗahiɗa da tsi, slna ɗina ɗina ta sabi da tsi, haɗ ta gala mndu wu, haɗ maɗgwirmaɗgwir da tsi wa.

Yakubu 5:4

Wya plana a kuni ta nisəla gwal ta ksaghunatá slna ma vwah wa. Ŋranafŋra kuni ta ŋuɗufa taŋ. Ta wahu həŋ. Ka snanaghatá tsa waha taŋ ya ta Lazglafta Mgham ya ta mbruta.

Gwal tsa guma 1:7

Ka Adunibezek mantsa: « Mamu si mghamha ndəfáŋ mbsak ɗatsaghu lu ta dadana dzvuha taŋ, nda səlaha taŋ, si ta tska wiwsa skwi mista tabəla ɗa. Skwi maga yu plaɗim Lazglafta, » kaʼa. Ka klaghatá lu da Ursalima, hada, ka mtuta tsi.

Gwal tsa guma 5:27

Ka ɓukwatá tsi ta kəma ni, ka zləmbatá tsi, ka hanata zərnaʼ mista səla Yaghel. Ma tsa vli la tsi dzuŋwaf ya, hada mtutá tsi.