Yəhusuwa 9:10 - Hdi

¹⁰ Snaŋnagha sna inda skwi magana tsi guli ta mghamha la Amuru his ta təv sana ɓla zala Yardeŋ: I Sihuŋ mghama Hesbuŋ, nda Ghug mghama Basaŋ ma Ghastarut ya.

Yəhusuwa 9:10 ပူးပေါင်းရင်းမြစ်များ

Zlrafta 14:5

Ta maghwaŋpəɗ fwaɗa vaku, ka sliʼaftá mgham Kədurlaghumer nda mghamha kawadaga nda tsi, da vulu. Ka zatá həŋ ta la Rafa, ma luwa Ghastərut Karnayim, nda la Zuz ma luwa Ham, nda la Im, ma luwa Savekiriyatayim,

Mbsak 20:14

Daga ma Kades, ka ghunaftá Musa ta gwal ghunay da mghama Idum da mnanata: « Wya ka zwaŋama gha Israʼila: “Nda sna ka ta inda ghuya ɗaŋwa ta slaŋnaghata.

Vrafta ta zlahu 1:4

Magu maga tsaya tahula kwarafta ni ta i Sihuŋ mghama la Amuru ta nzakw ma Hesbuŋ, nda Ghug mghama Basaŋ ta nzakw ma Ghastarut nda Idreghi.

Vrafta ta zlahu 2:30

Ama ka kwalaghutá Sihuŋ, mghama Hesbuŋ ta vlamatá tvi ŋa laba mu nda ga taŋ, kabga təŋanaf təŋa Yawe, Lazglafta mu ta ghəŋa ni kulis nda ŋuɗufa ni, ŋa vlamata ni ma dzva ghuni manda na nzakwa ni gita na.

Yəhusuwa 12:4

Tsa sana mgham ya guli ná, Ghug ya, tsatsi sani mataba pɗakwa mndəra la Rafa. Tsatsi si ta ga mgham ma Basaŋ, si ka nzatá tsi ma Ghastarut nda ya ma Idreghi.

Yəhusuwa 13:31

Mida rita kwakwara Gilghat, nda luwaha Ghastarut, nda Idreghi, luwaha ga mghama Ghug ma Basaŋ. Inda tsa kwakwar ya vlaŋ lu ta rita mndəra la Mahir zwaŋa Mənase ta uʼa taŋ ta uʼa taŋ.

Yəhusuwa 2:10

kabga snaŋnagha sna kinawu ka Yawe ghwaliŋtá drəfa Zaŋwafi ta kəma ghuni ta sab kuni ma Masar. Snaŋnagha sna guli na skwi ya magana kuni ta i Sihuŋ nda Ghug, mghamha la Amuru his ta ɓla zala Yardeŋ, zaɗana kuni ɗekɗek ta həŋ ya.

Yəhusuwa 2:9

Kaʼa nda həŋ mantsa: « Nda sna yu kazlay na vlaghuna vla Yawe ta na haɗik na kəʼa. Nda ksa ŋni da zləŋ katakata, nda ghudza inda mnduha ta na haɗik na dabga kaghuni,

Yəhusuwa 9:11

Ka vlaŋnatá la galata mndu nda inda mnduha ma haɗika ŋni ta hiɗaku kazlay na: “Klafwa kla ta skwa zay ŋa zay ghuni ta tvi, ka dzaʼa kuni slanaghatá la Israʼila ŋa mnanata ghuni ta həŋ kazlay kwalva ghuni ŋni, dzrafwa wi nda aŋni” kəʼa.

Yəhusuwa 9:9

Ka həŋ nda tsi mantsa: « Aŋni kwalvaha gha ya ta sliʼafta ta haɗik diʼiŋ katakata, kabga snaŋnagha sna kula hga Yawe, Lazglafta gha, nda inda skwi maga tsi ma Masar.