Yəhusuwa 8:31 - Hdi

³¹ Ka baftá tsi manda va ya mnanaf Musa, kwalva Yawe ta la Israʼila. Nda vinda guli ma ɗelewera zlaha Musa kazlay tsa gwir ya ná, baf nda pala kul fiɗaŋtá lu nda kfur lu kəʼa. Tahula tsa, ka dranaftá lu ta skwa pla ghəŋ ŋa dray tsuh tsuh ta tsa gwir ya, ta Yawe. Ka vlaŋtá lu ta skwa pla ghəŋa zɗaku guli.

Yəhusuwa 8:31 ပူးပေါင်းရင်းမြစ်များ

2Mgh 14:6

Ama psla a ta zwana taŋ manda ya nda vinda ma deftera zlaha Musa wu, ka tsa zlaha Yawe ya mnafta na: « Pslata a lu ta dadaha dabga dmakwa zwana taŋ wa. Pslata a lu ta zwani dabga dmakwa dadaha taŋ wa. Dər wa ta gatá dmaku, tsatsi dzaʼa dzata lu, » kəʼa ya.

2Mgh 22:8

Ka Hilkiya, mali ta ghəŋa gwal dra skwi ŋa Lazglafta nda Safaŋ, mnda vindi mantsa: « Slaf sla yu ta deftera zlaha Musa ma həga Yawe, » kaʼa. Ka vlaŋtá Hilkiya ta tsa defteri ya ta Safaŋ, ka dzaŋaftá tsi.

2Rus 25:4

Ama psla a ta zwana taŋ manda ya nda vinda ma deftera zlaha Musa wu, ka tsa zlaha Yawe ya mnafta na: « Pslata a lu ta dadaha dabga dmakwa zwana taŋ wa. Pslata a lu ta zwani dabga dmakwa dadaha taŋ wa. Dər wa ta gatá dmaku, tsatsi dzaʼa dzata lu, » kəʼa ya.

2Rus 35:12

Ka pghaghutá həŋ ta sanlaha ma rini ŋa pla ghəŋ ŋa dray tsuh tsuh, ya dzaʼa lu dagafta taɓta dagatá la Israʼila ta uʼa taŋ ta uʼa taŋ, ŋa vlata taŋ ka skwa pla ghəŋ ŋa Yawe, manda ya nda vinda ma deftera Musa. Mantsa ya magata həŋ nda slaha guli.

Izra 6:18

Ka fafatá həŋ ta gwal ta dra skwi ŋa Lazglafta ma ghuɓa slna taŋ, ka dagaptá həŋ ta la Levi guli ma ghuɓa taŋ, ŋa maga slna ma həga Lazglafta ma Ursalima, manda ya nda vinda ma deftera Musa.

Nəhemiya 13:1

Ma tsa fitik ya, ka dzaŋaftá lu ta ɗelewera Musa ta wa sləməŋa mnduha, ka slanaghatá lu ta vinda ni kazlay na haɗ la Ghamuŋ nda la Muwav dzaʼa walaŋtá lami da taba guyatá ghəŋa mnduha Lazglafta wu kəʼa,

Sabi 18:12

Ka klaftá Yitru, dzidza Musa ta skwa pla ghəŋ ŋa dray tsuh tsuh, nda sanlaha ma skwa pla ghəŋ ŋa vlaŋtá Lazglafta. Mantsa tama, ka lagha i Haruna nda inda la galata mnduha la Israʼila, da za skwa zay kawadaga nda dzidza Musa ta kəma Lazglafta.

Sabi 24:5

Ka ghunaftá tsi ta sanlaha ma duhwalha la Israʼila ŋa draftá skwi ŋa pla ghəŋ ŋa dray tsuh tsuh. Ka vlaŋtá həŋ ta lghəŋha ta Yawe ŋa pla ghəŋa zɗaku.

Mata 12:26

Ka si ta ghəzlay halaway ta halaway katsi ná, dgavap dga tsa halaway ya nda tsa tama. Waká ga mghama ni dzaʼa sladglata tama na?

Vrafta ta zlahu 27:2

Baɗ da tsughwaɗadapta kuni ta zala Yardeŋ ŋa lam da haɗik ya vlaghuna Yawe, Lazglafta ghuni, ka hlafta kuni ta palaha dagala dagala ka dzagwata, ka ɓaɓapta kuni nda mamay.

Vrafta ta zlahu 27:8

Ka vindafta kuni ta inda gwaɗaha na zlahu na ta tsa palaha ya, ta nghaku ka vindata ni ɗina ɗina, » ka həŋ nda həŋ.

Yəhusuwa 1:8

Yaha na ɗelewera tagha skwi na da diʼiŋaghuta nda wubisima gha. Ka vrafta ka tida nda fitik tani, nda rviɗik tani, ŋa ŋavata gha ka snatá inda skwi ya nda vinda. Mantsa ya tama, dzaʼa mutsay ka ta skwi zbaŋ ka, ŋa dzaʼa gha ta kəma ta kəma.