Yəhusuwa 7:1 - Hdi

¹ Lagha la Israʼila ka ɓlanaptá zlahu ma ksaŋta taŋ ta skwi ya mna lu ŋa zaɗanata. Mamu sana la Israʼila mataba mndəra la Yahuda ta nzakway ka Ghahaŋ zwaŋa Karmi, Karmi zwaŋa Zavdi, Zavdi guli na zwaŋa Zerah, ka hlaftá tsi ta sanlaha ma skwiha ŋa zaɗanata nekwnekw. Tsaya kəl Yawe ka ɓasanavatá ŋuɗuf katakata ta la Israʼila.

Yəhusuwa 7:1 ပူးပေါင်းရင်းမြစ်များ

Zlrafta 34:27

Ka lagha pɗakwa sanlaha ma zwana Yakubu da hlatá skwiha ta gwal nda rwa, ka hlaghatá inda skwi ma luwa, kabga ɓadziŋta lu ta makuma taŋ.

2Sam 24:1

Ka ɓasglaftá Yawe ta ŋuɗuf ta ghəŋa la Israʼila. Ka tiŋwaftá tsi ta Dawuda ŋa dika taŋ, kaʼa mantsa: « La ka mbəɗafta ka ta mbsaka la Israʼila nda la Yuda, » kaʼa.

2Mgh 5:24

Ɓhadaghata taŋ ta sana kuɗuŋur, ka zlghaghutá Gehazi ta tsa mbəhu ya ma dzva taŋ, ka pghata ga taŋ, ka vriŋtá tsi ta tsa mnduha ya, ka laghu həŋ.

1Rus 21:7

Zɗəgana a tsa skwi ya ta Lazglafta wu, ka tsanaghatá tsi ta guma ta la Israʼila.

2Rus 24:18

Ka zlanavatá həŋ ta həga Yawe, Lazglafta dzidzíha taŋ, ka laghwi da maganatá slna ta skwa wuyay Asera nda skwa wuyayha. Ka gufaftá ŋuɗufa Yawe ta ghəŋa la Yuda nda la Ursalima, dabga tsa dmaku ga həŋ ya.

Izra 9:6

Ka yu mantsa: « Lazglafta ɗa, nda kəɓa yu, nda ksa yu katakata da hula, laviŋ a yu ta walaŋta maraghaŋtá kuma ɗa wa. Lazglafta ɗa! kabga fərtu fərta dmakuha ŋni, laghu la ŋni guɗem dida, tskaf tska ta vgha ha ka lafi dikw ta luwa.

Danyel 9:7

Ar Rvera ɗa, kagha ná, tɗukwa ka, ksu ksa hula ta aŋni ta kəma gha. Mantsa nzakwa ni. Ndanana ná, hbu hba hula ta inda gwal ta haɗika Yahuda, nda gwal ma Ursalima, nda inda la Israʼila, gwal ndusa ndusa, nda gwal diʼiŋ diʼiŋ tani, ma inda haɗikha ghazlam ka ta həŋ dida, dabga kwalaghuta taŋ ta ŋanatá gwaɗa gha manda ya ta raku.

La Levi 10:6

Tahula tsa, ka Musa nda Haruna, nda ya nda zwana ni, i Ilghazar nda Itamar mantsa: « Ma zlana kuni ta swida ghuni kwitsar, ma kwahiŋ kuni ta lgutha ghuni ka ŋizla taw, dá rwutá kaghuni guli, dá tɗanaktá kuni ta ɓasanavatá ŋuɗufa Yawe ta guyatá ghəŋa mnduha demdem. Ama zwana ma ghuni, guyatá ghəŋa la Israʼila demdem ya, dzaʼa taway hahəŋ ta tsa gwal dəghwaɗu vwa Yawe ya.

Yunusa 1:7

Ka tsa gwal ta maga slna ma kwambalu ya mataba taŋ mantsa: « Sawa ka vzafta mu ta vindima, kada snaŋta mu ta mndu ta klamaktá na zləmnda ta slamaghata na, » ka həŋ. Ka vzaftá həŋ ta vindima tama, ka dɗaftá tsa vindima ya ta Yunusa.

Yəhusuwa 22:16

« Wya ka inda guyatá ghəŋa mnduha Yawe: “Gaga kuni ta krughuvi dagala ta wa ira Lazglafta la Israʼila. Mbəɗana mbəɗa kuni ta hul ta Yawe. Fitika banafta ghuni ta gwir ta ghəŋa ghuni ya, maraŋ mara tsaya kazlay ta ga sidi kuni nda tsi kəʼa. Nya kəl kuni ka maga ta skwi manda tsa?

Yəhusuwa 22:18

Ndana guli ná, wana mbəɗanata kaghuni ta hul ta Yawe, kwalaghu kwala kaghuni ta snatá gwaɗa ni! Ka ndanana, ta pgha ghəŋ kuni nda tsi katsi, mahtsim ná, ta ghəŋa inda guyatá ghəŋa la Israʼila dzaʼa ɓasanavata tsi ta ŋuɗuf.

Yəhusuwa 22:20

Guv ga Ghahaŋ zigha Zerah ta krughuvi dagala ma hlafta ni ta skwi ya mna lu ŋa hwanzaɓiŋta, nda sna vərɗa kaghuni. Ta ghəŋa inda guyatá ghəŋa la Israʼila dɗafta gatá sida Yawe. Ta ghəŋa tsa krughuva ni ya ná, turtukwa ni a mtuta Ghahaŋ ta ghəŋa dmakwa ni wa,” » ka həŋ.