Yəhusuwa 6:4 - Hdi

⁴ Ndəfáŋ tsa gwal ta dra skwi ŋa Lazglafta ya dzaʼa labi ta kəma akwata dzratá wi. Inda taŋ nda klatá dula maŋazak. Baɗ mandəfáŋa fitik ya, ndəfáŋ səla dzaʼa wanafta kuni ta luwa. Ta dzaʼa gwal dra skwi ŋa Lazglafta nda vya dula taŋ.

Yəhusuwa 6:4 ပူးပေါင်းရင်းမြစ်များ

Zlrafta 2:3

Mantsa tama, ka tfanaghatá Lazglafta ta wi ta fitik baɗu mandəfáŋ, ka fatá tsi nda ghuɓa, kabga baɗu tsa fitik ya mbiʼa tsi ta vgha ma slnaha demdem zlagigiŋ tsi.

1Mgh 18:43

Kaʼa nda duhwala ni mantsa: « Laf la ka nghadapta ka nda təv drəf Dagala! » kaʼa. Ka laf tsi, ka nghadaptá tsi, kaʼa mantsa: « Haɗ sana skwi wu, » kaʼa. Ndəfáŋ səla Iliya ta mnay ŋa ni kazlay: « Vradaf vra! Vradaf vra! » kəʼa.

2Mgh 5:10

Ka ghunagaptá Ilisa ta mndu da tsi, kaʼa nda tsi mantsa: « La da mbazaghutá mbaza ndəfáŋ səla ma Yardeŋ, ŋa nzata vgha gha kləwəɗ, ŋa nzakwa gha nda tsaɗa, » kaʼa.

2Mgh 5:14

Mantsa tama, ka laha Naghamaŋ da Yardeŋ, ka lami tsi dida ndəfáŋ səla taɓta gwaɗa mnda Lazglafta. Ka nzatá vgha ni manda ŋa zwaŋ, ka nzatá tsi nda tsaɗa.

2Rus 13:12

Wana kawadaga Lazglafta nda aŋni, tsatsi mghama ŋni, nda paya vgha gwal dranatá skwi ŋa vya duli ŋa dzaʼa guyata nda kaghuni. Ariwa Israʼila! Ma vulu kuni ta vulu nda Yawe, Lazglafta dzidzíha ghuni, kabga haɗ kuni dzaʼa zatá ghwa wu! » kaʼa.

2Rus 20:17

Kaghuni a dzaʼa vula tsa vulu ya wa. Payavata kaghuni ŋa ghuni, sladawa slada hada, dzaʼa nghay kuni ká Yawe dzaʼa katatá kaghuni. La Yuda nda la Ursalima, ma zləŋ kuni ta zləŋ, yaha kuni da ghudzafta. Mahtsim, ka sliʼagapta kuni da guyata nda həŋ, kawadaga Yawe nda kaghuni,” kaʼa, » kaʼa.

2Rus 20:19

Ka sliʼaftá la Levi mataba la Kehat nda la Kurah ŋa zləzləva Yawe, Lazglafta la Israʼila nda lwi dagala dagala.

2Rus 20:21

Tahula tsa, ka dzərkavatá tsi nda mnduha, ka zabaftá tsi ta gwal fa laha ŋa Yawe ŋa zləzləvay taŋ ta sgita ghuɓata ni. Ka lab həŋ ta kəma gwal vulu nda hbatá vgha nda huzla vulu, ka həŋ mantsa: « Zləzləvawa Yawe! Ta gɗava gɗa zɗakwa ni ŋa ɗekɗek! » ka həŋ.

La Levi 14:16

Dzaʼa tsughumam tsughuma mnda dra skwi ŋa Lazglafta ta ndəfiŋa dzva zeghwa ni ma tsa rɗi ma guɗekwa dzva zlaɓa ni ya, ka wutsikatá tsa rɗi ya ndəfáŋ səla ta kəma Yawe.

La Levi 4:6

Ka ɗaʼata mnda dra skwi ŋa Lazglafta nda ndəfiŋ ta tsa us ta kəma Yawe ya, ka wutsikafta ndəfáŋ səla ta vata zlala nda ma vli nda ghuɓa.

Mbsak 23:1

Ka Bilgham nda Balak mantsa: « Dzihwaɗif dzihwa ta gwirha ndəfáŋ hadna, ka payifta ka hadna ta lghəŋha ndəfáŋ, nda maŋazakha ndəfáŋ, » kaʼa.

Yəhusuwa 6:13

Ka sliʼiglaftá tsa gwal ta dra skwi ŋa Lazglafta ndəfáŋ nda dula maŋazak ya, ka mbaɗa ta kəma tsa akwata Yawe ya, ka dzaʼa nda vya duli. Ka dzaʼa gwal vulu ta kəma gwal dra skwi ŋa Lazglafta, ta dzaʼa sanlaha ma gwal vulu ta hula akwata Yawe. Ta mbaɗ həŋ ta mbaɗa ya, ta dzaʼa həŋ nda vya duli nda tɗanaghatá lwa ni.

Yəhusuwa 6:3

Kagha nda inda sludziha gha tani, ka wa kuni ta luwa Yeriku. Inda fitik, turtuktuk dzaʼa wanafta kuni. Ka maga ka mantsa ya ha fitik mkuʼ.

Yəhusuwa 6:5

Ka vyata həŋ ta dula taŋ ka tɗaŋtá lwa ni. Na gi snaŋta ghuni ta lwa tsa duli ya, ka dzata mnduha ta lawlaw, dzaʼa tɗu tɗa matsaka luwa. Mantsa tama, ŋa gi ŋla la Israʼila zur nda kəma taŋ, » kaʼa.

Suna Yuhwana 1:20

Wya klatá ghəŋa skwi ya nda ɗifa ma na tekwatsaha ndəfáŋ ta nghə ka ma dzva zeghwa ɗa, nda ya ma Pitirlaha dasu ndəfáŋ na: Tsa tekwatsaha ndəfáŋ ya ná, duhwalha Lazglafta ta ghəŋa ghuɓa *Igliz ndəfáŋ ya. Tsa pitirlaha ndəfáŋ ya guli ná, tsa Igliz ndəfáŋ yeya guli. »

Suna Yuhwana 1:4

Iʼi Yuhwana ta vinday ŋa ghuɓa Iglizha ndəfáŋ ta haɗika Asiya. Ka vlaghuna vla Lazglafta ta zɗakatahuɗa ni nda zɗakwa ni. Tsatsi Lazglafta daga manda ghalya, va tsa tsatsi ya guli ndanana, tsa tsatsi ya guli ta kəma. Ka vlaghuna vla tsa Sulkumha ni ndəfáŋ ta nzaku ta vata dughurukwa ni ya, ta zɗakatahuɗi nda zɗaku guli.

Suna Yuhwana 10:3

Ka hurgwatá tsi nda lwi dagala manda hurgwa rveri. Manda hurgwatani, ndəfáŋ ka luwa ŋəzlata.

Suna Yuhwana 15:1

Tahula tsa, ka nghaŋtá yu ta sana ŋizla dagala nzakwa ni ta ndərmim lu nda ndərmima. Ka nghaŋtá yu ta duhwalha Lazglafta ndəfáŋ nda ŋaŋatá ghuya ɗaŋwaha ndəfáŋ ma dzva taŋ guli. Tsaha ya kɗavakta ghuya ɗaŋwa, kabga tsaha ya dzatá ghəŋa ɓasa ŋuɗufa Lazglafta.

Suna Yuhwana 15:7

Ka hlaftá sani mataba tsa skwiha fwaɗ nda hafu ma həŋ ya kay ta leghwaha ndəfáŋ ka dasu ka dasu, ka vlaŋtá tsa duhwalha Lazglafta ndəfáŋ ya kay. Tsa leghwaha ya ná, nda ndagha nda ndagha həŋ nda ɓasa ŋuɗufa Lazglafta ta nzakway ŋa kɗekedzeŋ.

Suna Yuhwana 16:1

Ka snə yu ta sana lwi dagala ta sabi ma həga Lazglafta. Kaʼa nda tsa duhwalha Lazglafta ndəfáŋ ya mantsa: « Lawa la da pghadata ta haɗik ta tsa leghwa ɓasatá ŋuɗufa Lazglafta ndəfáŋ ya, » kaʼa.

Suna Yuhwana 5:1

Ka nghaŋtá yu ta mbsatá defteri vindaf lu ta vindi ta hula ni his his ma dzva zeghwa tsa mndu ta nzaku ta dughuruk ya. Ka ndiʼanaftá lu nda ŋizlaha ndəfáŋ.

Suna Yuhwana 5:6

Ka nghaŋta yu ma takataka tsa dughuruk ya, nda ya mataba tsa skwiha fwaɗ nda hafu mida ya, nda ya ma takataka tsa galata mnduha ya ta Zwaŋa Tuwak manda skwi si dza dza lu. Ndəfáŋ duliha ni, ndəfáŋ iriha ni ta nzakway ka Sulkumha Lazglafta ndəfáŋ ghunaf lu ta inda ghəŋa haɗik ya.

Suna Yuhwana 8:2

Ka nghə yu ta duhwalha Lazglafta ndəfáŋ ta sladu ta kəma ni. Ka vlaŋta lu ta duliha ndəfáŋ guli ta həŋ.

Suna Yuhwana 8:6

Ka hbə tsa duhwalha Lazglafta ndəfáŋ ta ŋaŋanatá duli ya kay ta vgha ŋa vyay.