Yəhusuwa 6:27 - Hdi

²⁷ Kawadaga Yawe nda Yəhusuwa, ya laghu hga ni da zərwa ta inda haɗik.

Yəhusuwa 6:27 ပူးပေါင်းရင်းမြစ်များ

Zlrafta 39:21

Kawadaga Yawe nda Yusufu, ka maranaŋtá tsi ta zɗakwa ni, ka vlaŋtá tsi ta zɗakatahuɗa ni ta wa ira mali ta ghəŋa gamak.

2Sam 7:9

Nza nza yu kawadaga nda kagha ma inda vli mbaɗ ka ta mbaɗa, ka zaɗanatá yu ta inda ghumaha gha ta kəma gha. Dzaʼa kapanaf kapa yu ta hga gha manda ŋa gwal dagaladagala ta ghəŋa haɗik.

1Rus 14:17

Ka laghu hga Dawuda da zərwa ta inda haɗik, ka pghamtá Yawe ta inda mndəra mndu da zləŋa Dawuda.

Asta 9:4

Tsaw, ka mndu dagala nzakwa Murduhay ma həga ga mgham, tutá hga ni ma inda haɗikha, kabga ta ŋəlaku nda ŋəla Murduhay.

Mata 14:1

Ma tsa fitik ya, ka snanaghatá gwaɗa ta *Yesu ta Hiridus ta nzakway ka ŋumna ta haɗika Galili. Kaʼa nda kwalvaha ni mantsa:

Mata 18:20

Ma vli ya guyava mnduha his ka hkən a tsi ma hga ɗa ná, mataba taŋ yu, » kaʼa.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Mata 4:24

Ka tutá gwaɗa wdiɗ ta ghəŋa Yesu ta inda haɗika Siri. Ka hlədanaghatá lu ta inda gwal ɗaŋwa, nda gwal ta ŋəra ɗaŋwaha kavghakavgha, nda gwal nda ksa da halaway, nda gwal nda ksa da seteni, nda gwal nda rwa səla taŋ. Ka mbambə Yesu ta həŋ.

Vrafta ta zlahu 31:6

Mbrawa vgha ka dihavata kuni, ma zləŋ kuni ta zləŋ, ma ghudzaku kuni ta ghudzaku ta kəma taŋ, kabga ta mbaɗa Yawe, Lazglafta ghuni kawadaga nda kaghuni, zlaghunata a wu, vzighunista a guli wu, » kaʼa nda həŋ.

2Tim 4:17

Tsaw nza nza Mgham Lazglafta kawadaga nda iʼi, ka vlihatá tsi ta mbraku, kəl yu ka kɗanaktá mna gwaɗa ni, ka snaŋtá inda gwal kul nzakway ka la *Yahuda. Katigipkata Lazglafta guli ma wa rveri.

2Tim 4:22

Ka nza Mgham Lazglafta nda kagha. Ka nza zɗakatahuɗa Lazglafta guli nda kaghuni demdem!

Yəhusuwa 1:5

Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Yəhusuwa 9:1

Snanaghatá tsa zaɗanata la Israʼila ta luwa Ghay ya, ta inda mghamha ma kwakwarha nda təv dɗakwa fitik ta nzatá lu ta wa zala Yardeŋ, nda kwakwarha ta ghwá nda kwakwarha ta kuɗuŋur, nda inda kwakwarha ta wa laghwa drəf dagala, ka laghu nda ma Ləvanuŋ, nda la Het, nda la Amuru, nda la Kanʼana, nda la Periz, nda la Hiv, nda la Yəbus ya,

Yəhusuwa 9:3

Snanaghatá skwi maga Yəhusuwa ma luwa Yeriku nda Ghay ta la Givghuŋ,

Yəhusuwa 9:9

Ka həŋ nda tsi mantsa: « Aŋni kwalvaha gha ya ta sliʼafta ta haɗik diʼiŋ katakata, kabga snaŋnagha sna kula hga Yawe, Lazglafta gha, nda inda skwi maga tsi ma Masar.

Gwal tsa guma 1:19

Ka nzatá Yawe kawadaga nda la Yuda. Ka hlaghutá həŋ ta vliha ta ghwá, ama ka traptá həŋ ta ghəzlaftá mnduha ma daɓi, kabga mamu hahəŋ nda mwataha plis ka kfur ka kfur.

1Sam 18:14

ta dzaʼa ta kəma ta kəma Dawuda ma inda skwi ta mag tsi, kawadaga Yawe nda tsi guli.

1Sam 2:30

Tsaya tama, ka Yawe, Lazglafta la Israʼila na: “Si mna mna yu kahwathwata kazlay na dzaʼa nzay gwal ga ghuni, nda zivira dzidzíha gha ŋa magihatá slna ŋa ɗekɗek kəʼa, ama ndanana, nzəglata a mantsa ya wu!” ka Yawe mnata. “Ta vlay yu ta sgit ŋa gwal ta vla sgit ŋa ɗa, ama gwal ta kfara iʼi ya, dzaʼa kfaraku hahəŋ guli.