Yəhusuwa 6:23 - Hdi

²³ Ka sliʼaftá tsa duhwalha ta vitsanatá tsa haɗik ya, ka lami da həga, ka klagaptá həŋ ta i Rahab nda da ni, nda ma ni, nda zwana ma ni, nda inda gwal ma həga ga taŋ. Ka hligiŋtá həŋ ta inda gwal ga taŋ, ka pghatá həŋ ta hula ghuɓa la Israʼila.

Yəhusuwa 6:23 ပူးပေါင်းရင်းမြစ်များ

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

Zlrafta 18:24

Kawayaka skwi mamu tɗukwa mnduha ta maga hutaf mbsak ma tsa luwa ya. Dzaʼa va zaɗana zaɗa ka ta tsa luwa ya ra? Plinista a ka ta dmakwa ni dabga gwaɗa ta tsa tɗukwa mnduha hutaf mbsak mida ya ra?

Zlrafta 19:29

Ma zaɗanata Lazglafta ta tsa luwaha ma daɓi ya, ka havaptá tsi ka Abraham, ka kligiŋtá tsi ta Lut ma tsa zaɗaku ma zaɗanata ni ta tsa luwaha si nza Lut mida ya.

Mbsak 31:19

Kaghuni, nzawa nza ta hula ghuɓu ka fitik ndəfáŋ. Inda tsa kaghuni ta pslatá mndu, ka ksaŋtá mbli ya a tsi, ka ghuɓiŋta kuni ta nzakwa ghuni baɗ mahkən fitik, nda ya baɗ mandəfáŋ fitik, kaghuni, nda vuʼaha ghuni tani.

Slna gwal ghunay 10:28

Kaʼa nda həŋ mantsa: « Nda sna kuni ná, pyaf pya lu ta guyay mnda la Zudiya ta vgha nda la mayəm, ɓalavakata lam da həga ga taŋ. Tsaw haɗ mnda səla ya ŋa mnay kazlay: *Nda ghuɓa yeya, ghuɓa a yeya ka guya vgha nda tsi wu kəʼa wu, ka Lazglafta marihata.

Slna gwal ghunay 27:24

Kaʼa nda iʼi ná, “ma zləŋ ka ta zləŋ Pwal, dzaʼa lagha la ka sladata ta kəma mgham Sezar. Wya guli zɗaghaŋ zɗa Lazglafta ta huɗi, dzaʼa zlaŋ zla ta na gwal kawadaga nda kagha na nda hafu,” kaʼa.

1Kwa 5:12

Nu gwaɗa iʼi nda gwal kul sagha zlghaftá Kristi ná, Lazglafta a dzaʼa tsa guma ta ghəŋa tsaha ya ra. Gwal mataba kaghuni ŋa ghuni dzaʼa tsa guma ta ghəŋa taŋ. Ka defteri na: « Ghzlapwaghzlap ta mndu ta maga ghwaɗaka skwi mataba ghuni, » kaʼa.

Afisus 2:12

Havakwahava kazlay: Ma tsa fitik ya ná, sna a kuni ta Kristi wu kəʼa. Nza a kuni tekw mataba mnduha ta haɗika Israʼila wa. Tekw a kaghuni mataba gwal dzraf Lazglafta ta wi nda həŋ ka tanaftá imi ta sləməŋ ta həŋ ya wa. Ma nzakwa ghuni ma na ghəŋa haɗik na ná, haɗ skwi faf kuni ta ghəŋ tida wu, sna a kuni ta Lazglafta guli wa.

Hebru 11:31

Nda ma zlghay nda ŋuɗuf tsuʼafta Rahab, sana marakw ta hla iri ta mnduha la Israʼila ta lab da vitsa luwa taŋ. Ma lagha la Israʼila da rwanatá gwal pgha ghəŋ nda Lazglafta, ka zlanatá həŋ ta tsatsi nda hafu.

Hebru 11:7

Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

Yəhusuwa 2:13

Dzaʼa zlana zla kuni nda hafu ta i da ɗa, nda ma ɗa, nda zwana ma ɗa, nda kwaghama ɗa, nda inda gwal ka ŋa taŋ. Ka zlaŋnata kuni ŋa kwal kul pslaŋnata, » kaʼa.

Yəhusuwa 2:16

Kaʼa nda həŋ mantsa: « Lawa ɗifaghuta ta ghwá, kabga yaha tsa gwal ta hwayighunista ya da guyughunusta. Ka ɗifaghuta kuni hada ka fitik hkən, ha ka vragaghuta taŋ. Tahula tsa, ŋa ksay ghuni ta tva ghuni, » kaʼa.

Yəhusuwa 2:18

Baɗ dzaʼa saghar ŋni ta na haɗik na, ka hbagata ka ta na təɓaŋ ka dva na ta na finitir faga ka ta aŋni tida na. Ka tskanata ka ta vata kagha ma həga ga ghuni, ta i da gha, nda ma gha, nda zwana ma gha, nda ya nda inda gwal ma həga ga da gha.

Gwal tsa guma 1:25

Ka maranatá tsi ta həŋ ta tvi ŋa lama taŋ da tsa luwa ya. Ka rwanatá həŋ nda kafay ta gwal ma tsa luwa ya, ama ka zliŋtá həŋ nda hafu ta tsa mndu ya nda inda gwal ta uʼa ni tani.