Yəhusuwa 6:2 - Hdi

² Ka Yawe nda Yəhusuwa mantsa: « Ngha ɓa, vlagha vla yu ta Yeriku ma dzva gha: Nda mghama ni tani, nda sludziha ni ka mbirim tani.

Yəhusuwa 6:2 ပူးပေါင်းရင်းမြစ်များ

2Sam 5:19

Ka ɗawaŋtá Dawuda da Yawe, kaʼa nda tsi mantsa: « Ka ŋla yu da vulu nda la Filisti ra? Dzaʼa vla vla ka ta həŋ ma dzva ɗa ra? » kaʼa. Ka Yawe nda Dawuda mantsa: « Ŋla, kabga dzaʼa vla vla yu kahwathwata ta la Filisti ma dzva gha, » kaʼa.

Nəhemiya 9:24

Ka lam həŋ ka zutá tsa haɗik ya ŋa taŋ. Ka raghwanatá ka ta kəma taŋ ta la Kanʼana ta nzaku tsa haɗika ya. Ka vlatá ka ma dzva taŋ ta mghamha taŋ, nda mnduha ma tsa haɗik ya, ŋa magay taŋ ŋa taŋ ta skwi manda ya kumaŋ həŋ.

Danyel 2:21

Tsatsi ta mbəɗanaftá fitika skwi, nda skwi ta magaku tani. Tsatsi ta klagiŋtá mghamha ta pala, tsatsi ta faftá həŋ guli. Tsatsi ta vla ɗifil ŋa gwal nda ɗifil, nda snaŋtá skwi ŋa gwal nda mahizl ma ghəŋa taŋ guli.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

Vrafta ta zlahu 7:24

Dzaʼa vlaghuna vla ta mghamha taŋ ma dzva ghuni. Ka hərɗiŋta ghuni ta hga taŋ ta ghəŋa haɗik. Haɗ ya dzaʼa sladata ta kəma ghuni wu, dzaʼa zaɗana zaɗa kuni ta həŋ demdem.

Yəhusuwa 12:9

Wya luwaha tsa mghamha za lu ya: Yeriku, nda Ghay ndusa nda Betel,

Yəhusuwa 2:24

Ka həŋ nda Yəhusuwa mantsa: « Kahwathwata na, vlama vla Yawe ma dzva mu ta inda tsa haɗik ya. Dər gwal ma tsa haɗik ya guli ná, nda ghudza həŋ da zləŋ, ŋaŋta a həŋ da amu wu, » ka həŋ.

Yəhusuwa 2:9

Kaʼa nda həŋ mantsa: « Nda sna yu kazlay na vlaghuna vla Yawe ta na haɗik na kəʼa. Nda ksa ŋni da zləŋ katakata, nda ghudza inda mnduha ta na haɗik na dabga kaghuni,

Yəhusuwa 20:1

Ka Yawe nda Yəhusuwa mantsa:

Yəhusuwa 6:1

Hahaghu haha lu ka ŋərzlafta ɗina ta wa tghaha luwa Yeriku dabga la Israʼila. Haɗ mndu ta lami wu, haɗ mndu ta sabi wa.

Yəhusuwa 6:3

Kagha nda inda sludziha gha tani, ka wa kuni ta luwa Yeriku. Inda fitik, turtuktuk dzaʼa wanafta kuni. Ka maga ka mantsa ya ha fitik mkuʼ.

Yəhusuwa 8:1

Ka Yawe nda Yəhusuwa mantsa: « Ma zləŋ ka ta zləŋ, ma rwu mala gha, hlaf hla ta inda gwal vulu kawadaga nda kagha, ka dzaʼa ka da gruŋtá luwa Ghay. Ngha ɓa, vlagha vla yu ta mghama Ghay ma dzva gha. Zlaghaŋ zla yu ta mnduha ni, nda luwa ni, nda haɗika ni tani.

Gwal tsa guma 11:21

Ka vlatá Yawe, Lazglafta la Israʼila ta Sihuŋ nda inda mnduha ni tani ma dzva la Israʼila, ka zatá həŋ ta ghwa ta ghəŋ taŋ. Ka klaghutá la Israʼila ŋa taŋ ta inda haɗika la Amuru ta nzakw ma tsa haɗik ya.

Gwal tsa guma 11:24

Haɗ kagha ta ŋanatá ya vlagha Kəmus, lazglafta gha, ka ŋa gha wu ra? Haɗ aŋni dzaʼa klaghuta ka ŋa ŋni guli ta ya vlaŋna Yawe, Lazglafta ŋni ta kəma ŋni, ka laviŋta ŋni ta klaghuta ŋa ŋa ŋni wu ra?