Yəhusuwa 6:18 - Hdi

¹⁸ Ama ɗaswa ka kuni! Yaha kuni ksaŋtá skwiha nda fa ŋa zaɗanata nekwnekw, kabga ka klaf kla kuni ta skwiha má dzaʼa kuni hwanzaɓiŋta katsi, dzaʼa tɗanak tɗa kuni ta maswaɗaka ta ghuɓa la Israʼila, ŋa zaɗanata.

Yəhusuwa 6:18 ပူးပေါင်းရင်းမြစ်များ

2Sam 21:1

Ta fitika gay Dawuda ta mgham, ka slatá maya ka vaku hkən ta ghəŋ ta ghəŋ. Ka ɗawu Dawuda da Yawe. Ka Yawe nda tsi mantsa: « Nda nza dabga Sawulu, nda la ga taŋ gwal pghiŋtá us, kabga vəl pslata taŋ ta la Givghuŋ, » kaʼa.

Yunusa 1:12

Kaʼa nda həŋ mantsa: « Klafwa kla ta iʼi ka vzaghata kuni da drəf, dzaʼa lɓa lɓa drəf ta waghunafta, kabga nda sna yu kazlay dabga iʼi kəl na falak nda mbra na ka grughunusta kəʼa, » kaʼa.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

2Kwa 6:17

Tsaya kəl Lazglafta ka mnay ŋa mnduha ni kazlay: Sliʼapwa sliʼa mataba taŋ, ka dgaghuta kuni ta vgha nda həŋ, ma ksaŋ kuni ta skwi kul raku, tsaya dzaʼa kəl yu ka dzrafta nda kaghuni.

Afisus 5:11

Ma fam kuni ta ghəŋa ghuni da ghwaɗaka skwiha ta mag gwal ma grusl, haɗ ghəzliwa ni wa. « Na skwi ta mag kuni na ná, » ɗina a wu, ka kuni mnanaŋtá həŋ baŋluwa katək.

Vrafta ta zlahu 13:17

Ka tskanata kuni ma takataka dawadawa vli ta inda skwiha zləɗa kuni ma tsa luwa ya, ka driŋta tsa luwa ya nekwnekw nda vu kawadaga nda tsa skwiha zləɗa lu ya ŋa Yawe, Lazglafta ghuni. Dzaʼa nzakway tsa luwa ya ka ŋira kufik ŋa ɗekɗek, haɗ mndu dzaʼa walglaŋta bəglafta wa.

Vrafta ta zlahu 23:10

« Ka fa fa kuni ta ghuɓu ŋa vulu nda ghumaha ghuni, ɗasuwa ka kuni nda ghwaɗaka skwi.

Vrafta ta zlahu 7:26

Yaha ka da kladamta skwi ka manzakɗaway da həga ga ghuni, dá nzakw kaghuni guli ka skwi ŋa hwanzaɓiŋta manda tsatsi. Ka skwa manzakɗaway həŋ da kaghuni, ka mbiɗa kuni, kabga nda nza ka skwi ŋa hwanzaɓiŋta, » kaʼa.

Yakubu 1:27

Wya vərɗa dina ya ta nghə Lazglafta ka dina nda ghuɓa kul haɗ rutsak tida: Nghapta ka zwana tawakri nda wadguha ma ɗaŋwaha taŋ, nda nghay mndu ta ghəŋa ni ma ghwaɗaka skwiha ta ghəŋa haɗik da ŋəriŋta tsi ta ghəŋa ni.

Yəhusuwa 7:1

Lagha la Israʼila ka ɓlanaptá zlahu ma ksaŋta taŋ ta skwi ya mna lu ŋa zaɗanata. Mamu sana la Israʼila mataba mndəra la Yahuda ta nzakway ka Ghahaŋ zwaŋa Karmi, Karmi zwaŋa Zavdi, Zavdi guli na zwaŋa Zerah, ka hlaftá tsi ta sanlaha ma skwiha ŋa zaɗanata nekwnekw. Tsaya kəl Yawe ka ɓasanavatá ŋuɗuf katakata ta la Israʼila.

Yəhusuwa 7:13

Ndanana wa, sliʼaf sliʼa, la mnanatá mnduha ka ghuɓiŋta həŋ ta nzakwa taŋ. Ka ka nda həŋ na: “Ghuɓiŋwa ghuɓa ta nzakwa ghuni ŋa mahtsim, kabga wya ka Iʼi Yawe, Lazglafta la Israʼila ta mnanatá la Israʼila: Mamu skwiha ŋa zaɗanata nekwnekw ya pyaf yu ta kaghuni mataba ghuni. Haɗ kuni dzaʼa ŋəglaŋta da ghumaha ghuni, ka hwanzaɓiŋ a kuni ta tsa huzlaha ya wa.

Yəhusuwa 7:15

Mantsa tama, mndu ya dzaʼa ɗikwafta Yawe kazlay kagha ta klaftá tsa huzla ŋa zaɗanata nekwnekw kəʼa ya, ŋa vzamta ghuni da vu, nda inda skwiha ni tani, kabga ɓlanap ɓla ta dzratá wa Yawe. Gaga ta mghama dmaku mataba la Israʼila,”» kaʼa.

Yəhusuwa 7:25

Ka Yəhusuwa nda Ghahaŋ mantsa: « Kabgawu kəl ka ka klaŋnaktá ɓadzaku na? Ndana tama, dzaʼa klaghak kla Yawe ta ɓadzaku guli ta kagha gita, » kaʼa. Ka zlambatá la Israʼila nda pala, ka dzata. Manda va tsaya ka həŋ pslatá gwal ga taŋ guli. Ka driŋtá lu ta həŋ, nda inda skwiha ka ŋa ni.

1 Yuhwana 5:21

Zwana ɗa, ɗasuwa ka kuni, yaha kuni da ŋana vgha nda skwa wuyay.

1Sam 15:9

Ama ka zlanatá i Sawulu nda sludziha ni ta Agag, nda ya ɗina ɗina ma rina fisik, nda slaha, nda mahisa yakwa rini, nda slaɓalakwha maŋazakha, nda inda skwiha ya ɗina ɗina. Kumaŋ a həŋ ta pslatá həŋ wu, ama inda huzlaha ya kul haɗ sgita ni, nda ya kul ɗinaku, ka zaɗanatá həŋ nekwnekw ta həŋ.