Yəhusuwa 4:19 - Hdi

¹⁹ Baɗ maghwaŋa fitik ma taŋtaŋa tili tsughwaɗapta la Israʼila ta Yardeŋ. Ka fata həŋ ta ghuɓa taŋ ma Gilgal, nda ta təv safa fitik ma Yeriku.

Yəhusuwa 4:19 ပူးပေါင်းရင်းမြစ်များ

2Mgh 2:1

Baɗ klaghata Yawe ta Iliya ta luwa ma mghama falak ná, ta mbaɗa i Iliya nda Ilisa ta tvi manda sliʼafta taŋ ma Gilgal.

Vrafta ta zlahu 1:3

Baɗ taŋtaŋa fitik ma tila maghwaŋpəɗ ndeŋ, ta mafwaɗ mbsaka vaku tahula saba taŋ ma Masar, ka mnanatá Musa ta la Israʼila ta inda skwi manda va ya mnanaf Yawe ŋa mnanatá həŋ.

Vrafta ta zlahu 11:30

Nda ta ɓla Yardeŋ tsa ghwáha ya, nda təv sana slərpa tvi nda təv dɗakwa fitik ma haɗika la Kanʼana, gwal ta nzakw ma Gharava mbəŋ nda Gilgal, ndusa nda halalaya fuha Mure.

Yəhusuwa 10:43

Ka vraghutá i Yəhusuwa nda inda la Israʼila da ghuɓa taŋ ma Gilgal.

Yəhusuwa 10:6

Ka tsəghanaftá la Givghuŋ ta lwi ta Yəhusuwa ma ghuɓu ma Gilgal, ka həŋ nda tsi mantsa: « Yaha ka kwalaghuta kataŋtá kwalvaha gha, sawi misimmisim da hiŋnistá dzvu, ka mbaŋnafta ka! Wana gwaŋnagha gwa inda mghamha la Amuru ta ghwá ta vgha, » ka həŋ.

Yəhusuwa 15:7

Ka lafa tsi nda ma Dəvir ndusa nda didiŋa Akur, ka mbəɗavata nda ga mazlay təv Gilgal mbəŋ nda zlərɗa Adummim ma suda lika. Ka lab tsi nda təv dzuɓayha Ghensemes, ka laghwi da guya vgha nda Gheŋʼrugel.

Yəhusuwa 24:11

Ka tsughwaɗaptá kuni ta Yardeŋ, ka ɓhadaghatá kuni da Yeriku. Ka gəmatá la Yeriku nda vulu nda kaghuni, mantsa ya la Amuru, nda la Periz, nda la Kanʼana, nda la Het, nda la Girgas, nda la Hiv, nda la Yəbus, ama ka zlaghunaŋtá yu ta inda taŋ ma dzva ghuni.

Yəhusuwa 4:18

Na gi saba tsa gwal ta dra skwi ŋa Lazglafta ta kla akwata dzratá wa Yawe ya ma takataka Yardeŋ, ka zlraftá zala ta mbaɗa, ka ndəghafta pesleʼ pesleʼ manda va si nzakwa ni taŋtaŋ.

Yəhusuwa 5:10

Ka fatá la Israʼila ta ghuɓa taŋ ma Gilgal. Ka skalu həŋ ta skala Pak ga hawu baɗ maghwaŋpəɗ fwaɗa fitik ma tili, ma daɓi ndusa nda Yeriku.

Yəhusuwa 5:9

Ka Yawe nda Yəhusuwa mantsa: « Gita, mbəsaghu mbəsa yu ta hula ya sab kuni nda tsi daga ma Masar, » kaʼa. Tsaya kəl lu ka tsanaftá hgu ta tsa vli ya ka Gilgal. Nda tsa hgu ya ta hga lu ta tsa vli ya kulam gita.

Yəhusuwa 9:6

Ka lagha həŋ da ghuɓu ma Gilgal. Ka həŋ nda Yəhusuwa, nda ya nda la Israʼila mantsa: « Sliʼaf diʼiŋ ŋni, ka sagha ŋa dzrafta ghuni ta wi nda aŋni, » ka həŋ.

1Sam 10:8

Tahula tsa, tiŋəl kagha dzaʼa laha da Gilgal ka iʼi, ŋa laha ɗa slaghaghata dazlay, ŋa vla skwiha pla ghəŋ ŋa dray tsuh tsuh, nda skwiha pla ghəŋa zɗaku. Ndəfáŋ fitik dzaʼa ka magata ta kəzla iʼi, ha ka laha ɗa da slaghaghata, ŋa snaghamta ɗa ta skwi dzaʼa ka da magay, » kaʼa.

1Sam 15:33

Ka Samuyel mantsa: « Manda va ya dgana kafaya gha ta ndəghatá miʼaha nda zwana taŋ ya, manda va tsaya dzaʼa dgata ma gha ta vgha nda zwaŋa ni guli! » kaʼa. Ka ɗatsanaptá Samuyel ta Agag ta kəma Yawe, ma Gilgal.