Yəhusuwa 24:15 - Hdi

¹⁵ Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.

Yəhusuwa 24:15 ပူးပေါင်းရင်းမြစ်များ

Zlrafta 18:19

Zbap zba yu ŋa mnanaftá zwana ni, nda gwal ma həga ga taŋ ta hula tsatsi, ŋa ŋanata taŋ ta tva skwi ta mnə Yawe, ŋa magay taŋ ta skwi tɗukwa nda ya ka kahwathwata. Mantsa ya tama, dzaʼa magana maga Yawe ta skwi ya tanaf tsi ta imi ta sləməŋ ta Abraham, » kaʼa.

Zlrafta 35:2

Ka Yakubu nda la ga taŋ, nda ya nda inda gwal kawadaga nda tsi mantsa: « Hliŋwa hla ta inda lazglaftaha ka mayəm mataba ghuni. Ka hliŋta kuni ta skwi ta tsaɗ lu ta kaghuni, ka mbəɗapta kuni ta lgutha ghuni,

1Mgh 18:21

Ka gavadaghatá Iliya ta vata mnduha demdem, kaʼa mantsa: « Ha ŋa Yawu dzaʼa gwafta kuni ta tvi his na? Ka si Yawe na Lazglafta katsi, lawa la mista ni, ala ka Baghal tsi guli ya, lawa la mista ni! » kaʼa. Ama pslanaf a mnduha ta wi dər teʼ wa.

1Rus 1:14

Ma tsatsi saba la Yəbus, nda la Amuru, nda la Girgas,

Sabi 23:2

Yaha kuni da dzaʼa mista ndəghata mnduha ŋa maga ghwaɗaka skwi. Ta kəma guma ná, yaha kuni da ga masləmtsəka skwi ta zɗəganatá ndəghata mnduha ŋa mbəɗiŋtá kahwathwata.

Sabi 23:24

Yaha kuni da tsəlɓu ŋa lazglaftaha taŋ, dər maganatá slna ta həŋ. Yaha kuni da maga mndərga skwiha ta mag həŋ. Ama ka hwanzaɓiŋta kuni ta tsa lazglaftaha taŋ ya, dzaɓiŋha kuni ta tsa palaha dzagwa həŋ ya.

Sabi 34:15

Ma dzraf kuni ta wi nda mnduha ma tsa haɗik ya. Hahəŋ ná, ta maga sliʼiŋsliʼiŋ həŋ nda ma tsəlɓu ŋa lazglaftaha taŋ. Ta pla ghəŋ həŋ ŋa lazglaftaha taŋ guli. Kawayaka skwi dzaʼa hga gha hga sana mndu mataba taŋ, dzaʼa zuza ka ta skwa pla ghəŋa taŋ.

Danyel 3:18

Rvera ɗa, dər katá a tsi ta aŋni guli wu, skwi ŋa snaŋta gha ná, haɗ aŋni ta dzaʼa mista lazglaftaha gha, ka tsəlɓu ŋa tsa skwi dzugwa ka dzahumaʼ ka dasu ya wu, » ka həŋ.

La Levi 14:42

Dzaʼa hlaf hla lu ta sanlaha ma palaha, ka dzihwamta da vla tsa palaha zlaɗgiŋ lu ya. Dzaʼa hlaf hla lu ta sana rɓisl ka sləhatá huɗa tsa həga ya.

Slna gwal ghunay 11:23

Manda ɓhadaghata ni, ka nghaŋtá tsi ta zɗakatahuɗa Lazglafta, ka rfu tsi ta rfu. Ka vlaŋtá tsi ta mbraku ta həŋ ŋa gɗavata taŋ nda fatá ŋuɗufa taŋ ta Mgham Yesu.

Vrafta ta zlahu 13:7

Ka lagha zwaŋama gha, zwaŋ ya ya ma gha, ka zwaŋa gha a tsi, ka makwa gha a tsi, ka markwa ghuni ta han ka ta ghuva nda tsi a tsi, ka gra gha tegeɗ tegeɗ a tsi, da mnaghata kɗekkɗek kazlay na: “Mbaɗa tsəlɓu ŋa sanlaha ma lazglaftaha” kəʼa, lazglaftaha ya kul snaŋta kaghuni, dər dzidzíha ghuni,

Vrafta ta zlahu 29:18

Tahula snaŋta mndu ta na gwaɗaha waɗu na, yaha mndu mataba ghuni da ghuba ghəŋa ni, ka mnay kazlay: “Dzaʼa mutsay yu ta zɗaku, dər má kɗaŋ kɗa yu ta maga skwi ta kum yu” kəʼa. Dzaʼa zaɗiŋ zaɗa tsaya ta gwal kul haɗ dmakwa taŋ nda vərɗa tsatsi tani.

Yəhusuwa 24:16

Ka mnduha zlghanaftá wi mantsa: « Kadzeŋkadzeŋ! Haɗ aŋni dzaʼa zlanatá Yawe ka laghu da tsəlɓanatá tsəlɓu ta sana lazglaftaha wa!

Gwal tsa guma 6:10

Ka yu nda kaghuni na: Iʼi Yawe, Lazglafta ghuni. Yaha kuni da tsəlɓu ŋa lazglaftaha la Amuru nza kuni ma haɗika taŋ ya, ka yu. Ama sniha a kuni wu,” » kaʼa.