Yəhusuwa 24:14 - Hdi

¹⁴ Ka Yəhusuwa sganaghata guli mantsa: « Ndanana tama, zləŋawa Yawe, ka maganata kuni ta slna manda ya ta raku nda inda kahwathwata. Ka hliŋta kuni mataba ghuni ta lazglaftaha ya si ta tsəlɓu dzidzíha ghuni ta tsəlɓu ŋa taŋ ta tsa ɓla zala Yufratis, nda ya ma Masar ya. Ka tsəlɓa kuni ta tsəlɓu kuni ta Yawe.

Yəhusuwa 24:14 ပူးပေါင်းရင်းမြစ်များ

Zlrafta 17:1

Təmbay mbsak təmbay mida ima Abram, ta maravatá Yawe da tsi. Kaʼa nda tsi mantsa: « Iʼi Lazglafta ta Mbruta. Nza nza ta nzaku ɗina ta kəma ɗa, ka maga ka ta skwi ta zɗəgihata.

Zlrafta 35:2

Ka Yakubu nda la ga taŋ, nda ya nda inda gwal kawadaga nda tsi mantsa: « Hliŋwa hla ta inda lazglaftaha ka mayəm mataba ghuni. Ka hliŋta kuni ta skwi ta tsaɗ lu ta kaghuni, ka mbəɗapta kuni ta lgutha ghuni,

2Mgh 20:3

« Ar Yawe, havap hava ka mbaɗa ya mbaɗ yu kahwathwata ta kəma gha ma hya hya ŋuɗufa ɗa, ka magatá yu ta skwi ɗina ta wa ira gha, » kaʼa. Ka hərɓ Hizkiya ta taw katakata.

Izra 9:11

ya mnaŋna ka nda ma wa kwalvaha gha la anabi. Ka ka mantsa: “Tsa haɗik dzaʼa lam da dzva ghuni ya ná, ghuɓa a wu, kabga ghuɓa a mndəra mnduha ta nzaku mida wa. Inda vli mida ranaf ra həŋ dikw dikw nda manzakɗawayha taŋ.

La Levi 17:7

Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.

Lukwa 8:15

Sanlaha ma mnduha guli, manda gənək həŋ, snaŋta taŋ ta gwaɗa Lazglafta, ka zlghaftá həŋ nda ŋuɗuf turtuk, ka ŋanatá həŋ ka ksa slna nda tsi ka dihavata mida. »

Slna gwal ghunay 9:31

Ma tsa fitik ya, lefɗekw nzata nzakwa guyatá ghəŋa gwal zlghay nda ŋuɗuf ta haɗika Zudiya, nda ya ta haɗika Galili, nda ya ta haɗika Samari. Ta mbray həŋ ta vgha ka nzaku nda hanatá ghəŋ mista Mgham Yesu. Ta sgaku nda sga həŋ nda zɗakatahuɗa Sulkum nda ghuɓa.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

Afisus 6:24

Ka vlaŋ vla Lazglafta ta zɗakatahuɗa ni ta inda gwal ta ɗvutá Mghama mu Yesu Kristi nda ɗvu ya kul haɗ ta kɗaku.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

Vrafta ta zlahu 18:13

Kaghuni, ka nzata kuni ka ŋərma mndu ta kəma Yawe, Lazglafta ghuni.

Vrafta ta zlahu 6:13

Yawe, Lazglafta ghuni dzaʼa kuni da zləŋay, ŋa ni dzaʼa tsəlɓa kuni ta tsəlɓu, nda hga ni dzaʼa waɗa kuni ta waɗu.

Filip 1:10

ŋa snaŋta ghuni ta zbaptá skwi ɗina ŋa magay ghuni ta slna nda tsi. Kada nzakwa kuni ka gwal tɗukwa kul haɗ rutsak ta kaghuni ha baɗu vragata Kristi.

Yəhusuwa 24:2

Ka Yəhusuwa nda inda mnduha mantsa: « Wya ka Yawe, Lazglafta la Israʼila: “Ghalya ná, si ta a ɓla zala Yufratis a ta nzakwa dzidza ghuni, i Terah, da ni ma i Abraham nda Nahur. Sanlaha ma lazglaftaha si ta tsəlɓu həŋ ta tsəlɓu ŋa ni.

Yəhusuwa 24:23

Ka Yəhusuwa nda mnduha mantsa: « Ala, ndana tama hliŋwa hla ta sanlaha ma lazglaftaha mataba ghuni, ka ndiʼafta kuni ta ŋuɗufa ghuni ta Yawe, Lazglafta la Israʼila, » kaʼa nda həŋ.

1Sam 12:14

Ka zləŋa zləŋa kuni ta Yawe, ka maganata ghuni ta slna, ka snata ghuni ta gwaɗa ni, ka ganava a kuni ta sidi ta gwaɗa Yawe wu, kaghuni nda mgham ta ga mgham ta ghəŋa ghuni ka ndiʼafta ghuni ta vgha ta Yawe, Lazglafta ghuni, dzaʼa nza nza kuni ləŋləŋ.

1Sam 12:24

Katkata ni ná, zləŋawa zləŋa ta Yawe, ka maganata kuni ta slna nda kahwathwata, nda ŋuɗuf turtuk. Nghadapwa ngha ta skwi dagala maga tsi mataba ghuni!

1Sam 7:3

Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.