Yəhusuwa 23:16 - Hdi

¹⁶ Baɗ da ɓlanapta kuni ta dzratá wi ya mnaghunaf Yawe ŋa snata ghuni, ka mbəɗaghuta ghuni ta vgha təv sanlaha ma lazglaftaha ka tsəlɓu ŋa taŋ katsi, tsaya tama, dzaʼa gufaghunava gufa Yawe ta ŋuɗuf ŋa zwaɗuta ghuni gi misimmisim, ma na haɗik ta ɗinuta vlaghuna tsi na, » kaʼa.

Yəhusuwa 23:16 ပူးပေါင်းရင်းမြစ်များ

1Mgh 14:15

Dzaʼa zlghuŋ zlgha Yawe ta la Israʼila ŋa nzakwa ni manda gagaɗak ta gigiɗaku ma imi. Dzaʼa rtiŋ rta ta la Israʼila ta tsa ɗinakwa haɗik si vlaŋ tsi ta dzidzíha taŋ ya, ka wutsiŋta ni ta həŋ ta sana ɓla zala Yufratis, kabga gufanafta taŋ ta ŋuɗuf ta Yawe nda ma tsatsafta taŋ ta skwa wuyay Asera.

1Mgh 9:6

Ama ka mbəɗaghu mbəɗa kuni ta vgha ta vata iʼi, kaghuni nda zivirha ghuni, ka ŋana a kuni ta zlahuha ɗa nda tva skwiha ŋa magay ya vlaghuna yu, ka laghu la kuni maganatá slna ta sanlaha ma lazglaftaha, ka tsəlɓu ta kəma taŋ katsi,

1Mgh 9:7

dzaʼa hliŋ hla yu ta la Israʼila ta haɗik ya vlaŋ yu ta həŋ, dzaʼa vzidiŋ vza yu diʼiŋ nda iʼi ta na həga fa yu ŋa vlaŋtá sgit ta hga ɗa na, dzaʼa nzakway la Israʼila ka skwa ghuɓasay, ka skwa gagay mataba inda mndəra mnduha.

2Mgh 17:7

Magu maga manda tsaya, kabga ganata la Israʼila ta dmaku ta Yawe, Lazglafta taŋ, ta hlagaptá həŋ ma haɗika Masar ma dzva Firʼawna, mghama Masar, nda ya kabga laghwa taŋ da tsəlɓu ŋa sanlaha ma lazglaftaha.

2Mgh 24:20

Maga maga manda tsaya dabga gufatá ŋuɗufa Yawe ta ghəŋa la Ursalima nda la Yuda. Ɓasaf ɓasa ta ŋuɗuf katakata ha ka pghiŋtá tsi ta həŋ diʼiŋ nda tsi. Ka ganavatá Tsidkiya ta sidi ta mghama Babila.

Mbsak 33:56

Skwi ya si ndanap yu ta maganatá həŋ ná, ŋa kaghuni dzaʼa magaghunata yu, » kaʼa.

Vrafta ta zlahu 17:3

ka laghwi maganata slna ta sanlaha ma lazglaftaha, ka tsəlɓu ta kəma taŋ, dər ta kəma fitik, dər ta kəma tili, ka dər ta kəma tsatá sana skwi ta luwa a tsi, ya kul mnaftá yu.

Vrafta ta zlahu 28:15

Ama ka kwalaghu kwala kuni ta snatá gwaɗa Yawe, Lazglafta ghuni, ŋanata a kuni ka maga slna nda inda tsa gwaɗaha ni nda zlahuha ta vlaghunata yu gita na wu katsi, wya inda ksiʼiha dzaʼa slaghunaghata:

Vrafta ta zlahu 6:15

kabga Yawe, Lazglafta ghuni ta nzakw mataba ghuni ná, Lazglafta draku ya. Ɗasuwa ka kuni, dá gufaftá ŋuɗufa Yawe, Lazglafta ghuni ta ghəŋa kaghuni ŋa zaɗaghunata ni ta ghəŋa haɗik.

Gwal tsa guma 2:14

Ka gufaftá ŋuɗufa Yawe ta ghəŋa la Israʼila. Ka vlatá tsi ta həŋ ma dzva gwal zləɗu, ka zləɗatá həŋ ta həŋ. Ka dzawaptá tsi ta həŋ ŋa ghumaha taŋ ta wanaftá həŋ, lavgliŋ a həŋ ta sladata ta kəma tsa ghumaha taŋ ya wa.

Gwal tsa guma 2:20

Ka gufaftá ŋuɗufa Yawe ta ghəŋa la Israʼila, kaʼa mantsa: « Tsəhala ɓlanap ɓla na mnduha na ta dzratá wa ɗa, ya si mnanaf yu ta dzidzíha taŋ, ka kwalaghutá həŋ ta snihatá ya,

1Sam 12:25

Ama ka gɗa gɗa kuni ta maga ghwaɗaka skwi, dzaʼa zaɗaghuna zaɗa lu, kaghuni nda mghama ghuni tani, » kaʼa.