Yəhusuwa 23:12 - Hdi

¹² Ama ka vraghu vra kuni nda hul, ka laghu da ndiʼaftá vgha nda na mndəra mnduha ta nzaku ma səla ghuni na, ka dzrafta ghuni ta kluvtá makwa mataba ghuni, ka laɓamta ghuni ta vgha, kaghuni nda hahəŋ katsi,

Yəhusuwa 23:12 ပူးပေါင်းရင်းမြစ်များ

Zlrafta 2:24

Tsaya dzaʼa kəl zgun ka zlaŋtá da ni nda ma ni ka laghwi ndiʼanavatá vgha ta markwa taŋ, ŋa nzakwa taŋ ka sluʼuvgha turtuk.

Zlrafta 34:3

Ka laghu tsa Dina makwa Yakubu ya da ŋuɗufa ni, ka ɗvutá tsi ta tsa makwa ya, ka ɗvutá tsa makwa ya guli.

1Mgh 11:2

Nda nza həŋ ka ɓuzula la mayəm ya mnə Yawe ŋa la Israʼila kazlay na: « Yaha kuni da ndiʼa vgha nda həŋ, yaha hahəŋ guli da ndiʼa vgha nda kaghuni kəʼa ya həŋ. Ka mantsa a tsi wu, dzaʼa mbəɗiŋ mbəɗa həŋ ta ŋuɗufa ghuni ŋa famta taŋ ta kaghuni da tsəlɓu ŋa lazglaftaha taŋ, » kaʼa. Tsaw ta kwagha tsa mnduha ya ndiʼafta Salumuŋ ta vgha, tɗagha ɗvu.

1Mgh 11:4

Ma fitika haluta Salumuŋ, ka mbəɗiŋtá tsa miʼaha ya ta ŋuɗufa ni təv sanlaha ma lazglaftaha, fəglana a tɗukwa ta hya hya ŋuɗufa ni ta Yawe, Lazglafta ni, manda ŋa da ni Dawuda wa.

Mata 12:45

yawa da! kəʼa dzaʼazlay ŋa vraghuta ni, ŋa hlanakta ni ta sanlaha ma ghwaɗaka sulkumha ndəfáŋ ta malaghutá tsatsi nda sidi. Ŋa lama taŋ da tsa həga ya ka nzamta mida. Mantsa tama, dzaʼa nzakway ɓadzatá nzakwa tsa mndu ya ka malaghutá nzakwa ni taŋtaŋ. Manda va tsaya dzaʼa nzakwa tsi nda na mnduha ta na ghwaɗaka fitik na, » kaʼa.

Yuhwana 6:66

Tahula mnata Yesu ta tsa gwaɗa ya, nda ndəgha sanlaha ma duhwalha ni ta vraghuta, ka kwal kul dzaʼagəlta mista ni.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

Vrafta ta zlahu 6:15

kabga Yawe, Lazglafta ghuni ta nzakw mataba ghuni ná, Lazglafta draku ya. Ɗasuwa ka kuni, dá gufaftá ŋuɗufa Yawe, Lazglafta ghuni ta ghəŋa kaghuni ŋa zaɗaghunata ni ta ghəŋa haɗik.

Vrafta ta zlahu 7:3

Ma kluvus kuni ta makwa mataba ghuni nda həŋ. Ma vlaŋ kuni ta kwagha ghuni ta zwana taŋ, ma klanaf kuni ta kwagha taŋ ka marakw ta zwana ghuni,

Vrafta ta zlahu 7:4

kabga dzaʼa mbəɗiŋ mbəɗa həŋ ta zwana ghuni ŋa zlanatá Yawe, ka laghwa taŋ da tsəlɓu ŋa sanlaha ma lazglaftaha. Dzaʼa gufaf gufa ŋuɗufa Yawe ta ghəŋa kaghuni ŋa gi zaɗaghunata.

Yəhusuwa 23:11

Nghuwa ngha ta ghəŋa ghuni, ɗvuwa ɗva ta Yawe, Lazglafta ghuni.

1 Yuhwana 2:9

Ka « ma tsuwaɗak yu » ka mndu ta gray, tata husaŋ husa zwaŋama ni ta nzakway ma zlghay nda ŋuɗuf katsi ná, ta ma grum tsa mndu ya manda va nzakwa ni ghalya.

Gwal tsa guma 14:3

Ama ka i ma ni, nda da ni nda tsi mantsa: « Haɗ makwa mataba kwagha mndəra amu, nda ya mataba mnduha mu demdem, dzaʼa kəl ka ka dzaʼa kla makwa la Filisti, gwal kul tsaku fafaɗa taŋ wu ra? » ka həŋ. Ama ka vriŋta Simsuŋ ta mnay ŋa da ni, kaʼa mantsa: « Klaɗif kla, kabga tsatsi ta zɗəgihata, » kaʼa.

Gwal tsa guma 3:6

Ka hlaftá həŋ ta kwagha tsa mnduha ya ka miʼa taŋ, ka vlatá hahəŋ ta kwagha taŋ ŋa zwana tsa mnduha ya, ka tsəlɓu həŋ ta tsəlɓu ŋa lazglaftaha taŋ.