Yəhusuwa 23:11 - Hdi

¹¹ Nghuwa ngha ta ghəŋa ghuni, ɗvuwa ɗva ta Yawe, Lazglafta ghuni.

Yəhusuwa 23:11 ပူးပေါင်းရင်းမြစ်များ

Sabi 20:6

Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

Lukwa 21:34

« Ɗaswa ka kuni da laghu kuni dzamtá ghəŋ ma skwi ŋa zay nda za, nda skwi ŋa say nda sa, nda ndana nzaku ma ghəŋa haɗik, da sagha tsa fitika sagha *Zwaŋa mndu ya ksaghunaghata dluk.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

1Kwa 16:22

Inda mndu kul ɗva Mgham Yesu ná, ka nza tsi ka mndu nda ksiʼa. Maranata! (Mghama ŋni ta sagha!)

1Kwa 8:3

Ka ɗvu ɗva mndu ta Lazglafta katsi, tsa mndu ya ná, nda sna Lazglafta ta tsatsi.

Afisus 5:15

Mantsa tama, ɗasuwa ka kuni nda nzaku ta nzaku kuni. Ma nzaku kuni manda la rgha, nzawa nza manda gwal nda mahizl ma ghəŋa taŋ.

Vrafta ta zlahu 30:16

Skwi ya ta mnaghunafta yu gita ná, ɗvuwa ɗva ta Yawe, Lazglafta ghuni ka ksa kuni ta tva ni, ka ŋanata kuni ta gwaɗaha ni, nda zlahuha ni, nda tva skwiha ŋa magay, kada nzata kuni nda hafu, ŋa nuta ghuni tusak, ŋa tfaghunaghata Yawe, Lazglafta ghuni ta wi ta haɗik dzaʼa kuni lami dida ŋa nzakwa ni ka ŋa ghuni.

Vrafta ta zlahu 30:20

Ka ɗvuta kuni ta Yawe, Lazglafta ghuni, ka snata kuni ta gwaɗa ni, ka ndiʼanavata kuni ta vgha, kabga ma dzva ni hafa ghuni, tsatsi ta slranaghatá fitika ghuni ta haɗik ya waɗana Yawe ta vlaŋtá dzidzíha ghuni i Abraham, nda Izak, nda Yakubu ya, » kaʼa.

Vrafta ta zlahu 4:15

« Ɗasuwa ka kuni nda ghəŋa ghuni! Baɗ tsa gwaɗgaghunata Yawe ma vu ta ghwá Hwarev ya ná, haɗ tsatá dər wati ma skwi nghaŋ kuni wa.

Vrafta ta zlahu 4:9

Ama ɗasuwa ka kuni, ka nghuta kuni ta ghəŋa ghuni, ma zanap kuni ta skwi ya nghaŋ kuni nda ira ghuni, dá zliŋtá kuni ŋa saghwa ni ma ŋuɗufa ghuni ma inda nzakwa ghuni. Ka rusa kuni ŋa zwana ghuni nda ya ŋa zighiha ghuni.

Hebru 12:15

Ɗasuwa ka kuni yaha mndu dər turtuk da mbəɗanatá hul ta zɗakatahuɗa Lazglafta. Yaha ya dər ka turtuk da nzakway manda slrəŋ ɗahɗaha da ɗyamta ka ɓadza ndəghata mnduha.

Yəhusuwa 22:5

Ama ka snata kuni ɗina ta inda zlahu, nda skwiha ya taghaghunaf Musa kwalva Yawe. Ka ɗvuta kuni ta Yawe, Lazglafta ghuni, ka mbaɗa kuni ta mbaɗa manda ya kumaŋ tsi. Ka ksa kuni ta slna nda zlahuha ni. Ka ndiʼafta kuni ta vgha tida. Ka ŋanata kuni nda inda ŋuɗufa ghuni, nda inda hafa ghuni, » kaʼa.

Yəhusuwa 23:10

Mndu turtuk mataba ghuni ná, mndu dəmbuʼ ta ŋawafta tsi, kabga Yawe, Lazglafta ghuni ta vulaghunatá tsa vulu ya, manda va ya mnaghuna tsi.

Yəhusuwa 23:12

Ama ka vraghu vra kuni nda hul, ka laghu da ndiʼaftá vgha nda na mndəra mnduha ta nzaku ma səla ghuni na, ka dzrafta ghuni ta kluvtá makwa mataba ghuni, ka laɓamta ghuni ta vgha, kaghuni nda hahəŋ katsi,