Yəhusuwa 23:10 - Hdi

¹⁰ Mndu turtuk mataba ghuni ná, mndu dəmbuʼ ta ŋawafta tsi, kabga Yawe, Lazglafta ghuni ta vulaghunatá tsa vulu ya, manda va ya mnaghuna tsi.

Yəhusuwa 23:10 ပူးပေါင်းရင်းမြစ်များ

2Sam 23:8

Wya hga mnduha ka bikwira vulu ta maganatá slna ta Dawuda: Taŋtaŋa ni, tsaya Yusev Basevet, mnda la Tahkemuŋ, tsatsi mali ta ghəŋa maliha. Tsatsi ta rwanatá mnduha tghas dərmək (800) baɗ turtuk nda gwadama ni.

1Rus 5:20

Ka kataŋtá Lazglafta ta həŋ, ka zatá həŋ ta ghwa ta ghəŋa la Hagar, nda inda gwal mista taŋ, kabga ma tsa fitika vulu ya, ka tawata həŋ ta taw da Lazglafta, ka tsuʼanaftá tsi ta həŋ, kabga faf fa həŋ ta ghəŋ tida.

1Rus 5:22

Nda ndəgha la Hagar ta rwuta, kabga ŋa Lazglafta tsa vulu ya. Ka nzatá la Rubeŋ, nda la Gat, nda rita mndəra la Mənase ma vla taŋ ha ka lagha ta fitika hlaghatá həŋ da ga vuʼa.

Sabi 14:14

Yawe dzaʼa vulaghunatá vulu, nzata kaghuni tsəriɗ ŋa ghuni! » kaʼa.

La Levi 26:7

Dzaʼa ghəzlaf ghəzla kuni ta ghumaha ghuni, ka dzudzuɓanatá həŋ nda kafay.

La Levi 26:8

Mnduha ghuni hutaf dzaʼa ghəzlaftá ghumaha dərmək. Mnduha ghuni dərmək dzaʼa ghəzlaftá ghumaha dəmbuʼ ghwaŋ, ka dzudzuɓanatá həŋ nda kafay.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

Vrafta ta zlahu 20:3

Kaʼa dzaʼazlay na: “Snawa la Israʼila! Wana kuni dzaʼa gəmata nda vulu nda ghumaha ghuni gita. Yaha ŋuɗufa ghuni da tɗu. Yaha kuni da zləŋ, yaha kuni da tatamaku, yaha vgha ghuni da ghudzaku ta kəma taŋ,

Vrafta ta zlahu 20:4

kabga Yawe, Lazglafta ghuni ta mbaɗa kawadaga nda kaghuni ŋa gəmata nda vulu nda ghumaha ghuni ŋa mbaghunafta,” kaʼa dzaʼazlay.

Vrafta ta zlahu 28:7

Dzaʼa mbəɗana mbəɗa Yawe ta ghumaha ghuni ma sagha taŋ dika kaghuni. Təv turtuk dzaʼa sagha həŋ dika kaghuni, ŋa hwayafta taŋ nda ta təvha ndəfáŋ kavghakavgha.

Vrafta ta zlahu 3:22

Yaha kuni da zləŋa həŋ, kabga Yawe, Lazglafta ghuni dzaʼa lmaghunatá lmu”. »

Vrafta ta zlahu 32:20

Kaʼa mantsa: « Dzaʼa mbəɗaghu mbəɗa yu ta kuma ɗa ta vata həŋ, ka ngha yu ta kɗavakta nzakwa taŋ, kabga nda nza həŋ ka ghwaɗaka zivir, ŋərma zwani a həŋ wa.

Vrafta ta zlahu 32:30

Waká mndu turtuk dzaʼa ghəzlaftá gwal dəmbuʼ na? Waká mnduha his dzaʼa ŋawaftá gwal dəmbuʼ ghwaŋ na? Ka nza a tsi ka skwapta kutumba taŋ ta həŋ, ka nza a tsi ka vlata Yawe ta həŋ ma dzva taŋ.

Yəhusuwa 10:42

Turtuktuk guyata Yəhusuwa nda vulu nda tsa mghamha ya, nda haɗikha taŋ tani. Ka zaktá tsi ta həŋ, kabga Yawe, Lazglafta la Israʼila ta vulanatá vulu ta mnduha ni.

Yəhusuwa 23:11

Nghuwa ngha ta ghəŋa ghuni, ɗvuwa ɗva ta Yawe, Lazglafta ghuni.

Yəhusuwa 23:3

Nda ngha kaghuni nda ira ghuni ta inda skwi magana Yawe, Lazglafta ghuni ta inda mndəra mnduha ta na haɗik na dabga kaghuni, kabga Yawe, Lazglafta ghuni ta vula ta vulu ma vla ghuni.

Gwal tsa guma 15:15

Ka mutsaftá tsi ta paplama kəɗih ta ka mkwenek, ka klaftá tsi, ka pslatá mnduha dəmbuʼ (1.000) nda tsi.

Gwal tsa guma 3:31

Tahula Ihut guli, ka lam Samgar zwaŋa Ghanat da vla ni. Ka pslatá tsi ta la Filisti mkuʼ dərmək (600) nda dafa ngha sla, ka kataptá tsatsi guli ta la Israʼila.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.