Yəhusuwa 22:27 - Hdi

²⁷ Skwi kumaŋ aŋni kweŋkweŋ ná, ka nzakwa na gwir na ka masləmtsək mataba aŋni nda kaghuni, nda ya nda zivira aŋni nda zivira kaghuni. Nana gwir na ná, dzaʼa maray kazlay mamu aŋni nda tvi ŋa maga slna ta kəma Yawe, nda ma pla ghəŋ ŋa dray tsuh tsuh, nda ma vlaŋtá sanlaha ma skwa pla ghəŋ, nda ya nda skwa pla ghəŋa zɗaku. Nda ma tsa magata mantsa ya ná, haɗ zivira kaghuni dzaʼa mnay ŋa zivira aŋni kazlay: “Haɗ mayaka kaghuni ma Yawe wu,” kəʼa.

Yəhusuwa 22:27 ပူးပေါင်းရင်းမြစ်များ

Zlrafta 31:48

Ka Lavaŋ mantsa: « Masləmtsək mataba ɗa nda kagha na ŋir na gita, » kaʼa. Tsaya ta kəl lu ka hgay ka Galeʼed.

Zlrafta 31:52

Na ŋira pala na ná, masləmtsək ya. Na dzugwatá pala na guli ná, masləmtsək ya. Haɗ iʼi dzaʼa tsughwaɗaghutá na ŋira pala na ŋa dzaʼa nda da kagha wa. Haɗ kagha dzaʼa tsughwaɗaghutá na ŋira pala na nda na dzugwatá pala na guli ŋa dzaʼa da iʼi, ŋa maga ghwaɗaka skwi wa.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Yəhusuwa 22:10

Ka ɓhadaghatá mndəra la Rubeŋ, nda mndəra la Gat, nda rita mndəra la Mənase da didiŋa Yardeŋ ma haɗika Kanʼana. Hada, ka baftá həŋ ta gwir dagala ka skwa nghay ta wa tsa ghwa ya.

Yəhusuwa 22:26

Tsaya kəl aŋni ka kurata baftá na gwir na, ama ŋa pla ghəŋ ŋa dray tsuh tsuh a wu, ŋa vla dər wati ma skwi a guli wa.

Yəhusuwa 22:28

Wya skwi ndan aŋni: Ka dzaʼa mnay mnduha dazlay ŋa aŋni, nda ya ŋa zwana aŋni mantsa ya katsi, ka aŋni dzaʼa zlgha wa ni na: “Nghawa ta tsatá na gwir magaf dzidzíha mu na ɓa! Nda nza manda gwira Yawe. Nza a ŋa dra skwa pla ghəŋ tsuh tsuh, nda ya ŋa vla skwa pla ghəŋ tida wu, ama nda nza ka masləmtsək mataba aŋni nda kaghuni.”

Yəhusuwa 22:34

Ka i la Rubeŋ, nda la Gat mantsa: « Nda nza na gwir na ka masləmtsək mataba amu demdem kazlay na Yawe ná, Lazglafta ya! » kəʼa ka həŋ. Ka tsanaftá həŋ ta hgu ta tsa gwir ya, ka Masləmtsək.

Yəhusuwa 24:27

Ka Yəhusuwa nda inda mnduha mantsa: « Nana pala na masləmtsək mataba amu, kabga da sna tsatsi ta inda tsa gwaɗaha mnama Yawe ya. Tsatsi masləmtsək mataba ghuni, ŋa pya kaghuni ta dzaʼa maganatá skwi kul raku ta Lazglafta ghuni, » kaʼa.

1Sam 7:12

Ka klaftá Samuyel ta pala ka dzugwata ma takataka Mitspa nda Seŋ, ka hgə tsi ka Iveŋghazer, kaʼa mantsa: « Ha da hadna katamata Yawe, » kaʼa.