Yəhusuwa 22:25 - Hdi

²⁵ Kaghuni la Rubeŋ nda la Gat, vərɗa Yawe a ta fatá Yardeŋ ka mukuma mataba mu, aŋni nda kaghuni ra? Haɗ mayaka ghuni ma Yawe wu kəʼa!” Mantsa ya tama, kawayaka skwi dzaʼa tiŋway zwana kaghuni ta zwana aŋni ŋa kwalaghutá zləŋa Yawe.

Yəhusuwa 22:25 ပူးပေါင်းရင်းမြစ်များ

2Sam 20:1

Mamu sana falaya mndu hada ma Gilgal ta hgə lu ka Seva, zwaŋa Bikri, mnda la Biŋyamiŋ ya. Ka vyatá tsi ta duli, kaʼa mantsa: « Haɗ skwi ta nghaŋnaghatá aŋni nda Dawuda wa. Haɗ aŋni ta zuvustá həga nda tsa zwaŋa Yisay ya wa. Ariwa la Israʼila, ka vra dər wa dzagha ni! » kaʼa.

1Mgh 12:16

Nghadapta inda la Israʼila ná, fana a mgham ta sləməŋ ta həŋ ka sna skwi ta ɗaw həŋ wu, ka mnduha zlghanaftá wi ta mgham mantsa: « Nahgani ŋa ŋni nda Dawuda na? Haɗ ŋni ta zuvustá həga nda tsa zwaŋa Yisay ya wa! Ariwa la Israʼila, ka vra dər wa dzagha ni! Ndanana, nghap ngha ka həga gha a Dawuda! » ka həŋ. Ka varaghutá la Israʼila dzagha taŋ.

1Mgh 14:16

Dzaʼa zlanava zla Yawe ta la Israʼila dabga dmakuha maga Yaruvgham, nda ya dabga hlamta ni ta la Israʼila dida, » kaʼa.

1Mgh 15:30

Magu maga manda tsaya kabga ŋranafta Yaruvgham ta ŋuɗufa Yawe, Lazglafta la Israʼila nda dmakuha ni, nda ya nda hlamta hlam tsi ta la Israʼila da magay.

Nəhemiya 2:20

Ka yu zlghanaftá həŋ mantsa: « Lazglafta ta luwa ka ghəŋa ni dzaʼa nzata ta hula ŋni. Aŋni kwalvaha ni ya, dzaʼa sliʼaf sliʼa ŋni maga slna ka bəglafta luwa. Haɗ ŋa ghuni mida wu, nzanagha a kaghuni ta ghəŋa Ursalima wu, haɗ mndu dzaʼa havakta ka kaghuni ma na luwa na guli wu, » ka yu.

Slna gwal ghunay 8:21

Haɗ ŋa gha ma na skwi na wu, haɗ ima gha mida guli wu, kabga slada a ŋuɗufa gha dar ta kəma Lazglafta wa.

Yəhusuwa 22:24

Ama mantsa ya a wu! Skwi kəl aŋni ka magata mantsa ná, nzaku ta kəma, dá mnə zwana kaghuni nda zwana aŋni kazlay: “Nya ta guyanaftá kaghuni nda Yawe, Lazglafta la Israʼila na?

Yəhusuwa 22:26

Tsaya kəl aŋni ka kurata baftá na gwir na, ama ŋa pla ghəŋ ŋa dray tsuh tsuh a wu, ŋa vla dər wati ma skwi a guli wa.

Yəhusuwa 22:27

Skwi kumaŋ aŋni kweŋkweŋ ná, ka nzakwa na gwir na ka masləmtsək mataba aŋni nda kaghuni, nda ya nda zivira aŋni nda zivira kaghuni. Nana gwir na ná, dzaʼa maray kazlay mamu aŋni nda tvi ŋa maga slna ta kəma Yawe, nda ma pla ghəŋ ŋa dray tsuh tsuh, nda ma vlaŋtá sanlaha ma skwa pla ghəŋ, nda ya nda skwa pla ghəŋa zɗaku. Nda ma tsa magata mantsa ya ná, haɗ zivira kaghuni dzaʼa mnay ŋa zivira aŋni kazlay: “Haɗ mayaka kaghuni ma Yawe wu,” kəʼa.

1Sam 26:19

Ndanana, kdəkkdək, ka fa fa mgham rvera ɗa ta sləməŋ ka sna gwaɗa kwalva ni. Ka Yawe ta famtá kagha ŋa ŋawa iʼi katsi, ka tsuʼaf tsuʼa tsi ta mbəha urdi! Ama ka mnduha tsi katsi, ka nza həŋ nda ksiʼa ta kəma Yawe. Ta ghəzla iʼi həŋ gita ŋa bəghiɗta ma za həga Yawe nda mnay kazlay na: “La da maganatá slna ta sana lazglaftaha!” kəʼa.