Yəhusuwa 22:20 - Hdi

²⁰ Guv ga Ghahaŋ zigha Zerah ta krughuvi dagala ma hlafta ni ta skwi ya mna lu ŋa hwanzaɓiŋta, nda sna vərɗa kaghuni. Ta ghəŋa inda guyatá ghəŋa la Israʼila dɗafta gatá sida Yawe. Ta ghəŋa tsa krughuva ni ya ná, turtukwa ni a mtuta Ghahaŋ ta ghəŋa dmakwa ni wa,” » ka həŋ.

Yəhusuwa 22:20 ပူးပေါင်းရင်းမြစ်များ

2Rus 24:18

Ka zlanavatá həŋ ta həga Yawe, Lazglafta dzidzíha taŋ, ka laghwi da maganatá slna ta skwa wuyay Asera nda skwa wuyayha. Ka gufaftá ŋuɗufa Yawe ta ghəŋa la Yuda nda la Ursalima, dabga tsa dmaku ga həŋ ya.

La Levi 10:6

Tahula tsa, ka Musa nda Haruna, nda ya nda zwana ni, i Ilghazar nda Itamar mantsa: « Ma zlana kuni ta swida ghuni kwitsar, ma kwahiŋ kuni ta lgutha ghuni ka ŋizla taw, dá rwutá kaghuni guli, dá tɗanaktá kuni ta ɓasanavatá ŋuɗufa Yawe ta guyatá ghəŋa mnduha demdem. Ama zwana ma ghuni, guyatá ghəŋa la Israʼila demdem ya, dzaʼa taway hahəŋ ta tsa gwal dəghwaɗu vwa Yawe ya.

1Kwa 10:6

Tsa skwiha ta luta ya ná, nda nza ŋa snamamta ŋa kwala amu kul maga ghwaɗaka skwiha manda tsa maga hahəŋ ya.

Yəhusuwa 22:21

Ka tsa la Rubeŋ, nda la Gat, nda rita la Mənase ya zlghanaftá wa tsa la zəʼala həga mataba la Israʼila ta uʼa taŋ ya mantsa:

Yəhusuwa 7:1

Lagha la Israʼila ka ɓlanaptá zlahu ma ksaŋta taŋ ta skwi ya mna lu ŋa zaɗanata. Mamu sana la Israʼila mataba mndəra la Yahuda ta nzakway ka Ghahaŋ zwaŋa Karmi, Karmi zwaŋa Zavdi, Zavdi guli na zwaŋa Zerah, ka hlaftá tsi ta sanlaha ma skwiha ŋa zaɗanata nekwnekw. Tsaya kəl Yawe ka ɓasanavatá ŋuɗuf katakata ta la Israʼila.

Yəhusuwa 7:18

Ka gavadanaghatá lu ta tsaha ya ta zəʼala həga ta zəʼala həga. Ka dɗaftá tsi ta Ghahaŋ zwaŋa Karmi, Karmi zwaŋa Zavdi, Zavdi zwaŋa Zerah ma mndəra la Yahuda.

Yəhusuwa 7:24

Ka klaftá i Yəhusuwa nda inda la Israʼila ta Ghahaŋ zwaŋa Zerah, nda tsa tsedi ya tani, nda tsa lgut ya tani, nda tsa rita kiluʼ a dasu ya tani. Ka hlaftá həŋ ta zwana zgwana ni nda kwagha ni tani, nda slaha ni tani, nda kəɗihha ni tani, nda rina fisika ni tani, nda tumpula ni tani, nda inda skwiha ya ta nzakway ka ŋa ni tani. Ka hlaghatá həŋ da didiŋa Akur.

Yəhusuwa 7:5

Ka pslatá la Ghay ta mnduha ta maga hkən mbsak mkuʼ mida mataba taŋ. Ka ŋawaftá həŋ ta sanlaha mataba taŋ daga ta wa tgha luwa kuyaʼ da Sebarim, ka pslatá həŋ ta həŋ ta vala vli. Ka rwanatá tsi ta vgha rabadakw ta həŋ.

2 Piyer 2:6

Mantsa ya tsanaghata tsi ta guma ta luwa *Sədum nda Ghamura guli, ka zaɗanatá tsi ta həŋ nda vu, ka niŋtá həŋ ka hutiɗif. Mantsa ya maranaŋta tsi ta gwal ta maga ghwaɗaka skwi kəʼa dzaʼa slanaghatá həŋ.