Yəhusuwa 22:18 - Hdi

¹⁸ Ndana guli ná, wana mbəɗanata kaghuni ta hul ta Yawe, kwalaghu kwala kaghuni ta snatá gwaɗa ni! Ka ndanana, ta pgha ghəŋ kuni nda tsi katsi, mahtsim ná, ta ghəŋa inda guyatá ghəŋa la Israʼila dzaʼa ɓasanavata tsi ta ŋuɗuf.

Yəhusuwa 22:18 ပူးပေါင်းရင်းမြစ်များ

2Sam 24:1

Ka ɓasglaftá Yawe ta ŋuɗuf ta ghəŋa la Israʼila. Ka tiŋwaftá tsi ta Dawuda ŋa dika taŋ, kaʼa mantsa: « La ka mbəɗafta ka ta mbsaka la Israʼila nda la Yuda, » kaʼa.

1Mgh 9:6

Ama ka mbəɗaghu mbəɗa kuni ta vgha ta vata iʼi, kaghuni nda zivirha ghuni, ka ŋana a kuni ta zlahuha ɗa nda tva skwiha ŋa magay ya vlaghuna yu, ka laghu la kuni maganatá slna ta sanlaha ma lazglaftaha, ka tsəlɓu ta kəma taŋ katsi,

2Mgh 17:21

Ma fitika zluʼanata Yawe ta kwakwar ta la Israʼila mista ga mghama la ga Dawuda ná, ka famtá la Israʼila ta Yaruvgham, zwaŋa Nəvat da mgham. Ka mbəɗiŋtá Yaruvgham ta la Israʼila diʼiŋ nda Yawe, ka hlamtá həŋ da mghama dmaku.

1Rus 21:1

Ma sana fitik, ka zbə Halaway ta maganatá ghwaɗaka skwi ta la Israʼila. Ka tiŋwaftá tsi ta Dawuda ŋa mbəɗaftá mbsaka la Israʼila.

1Rus 21:14

Mantsa tama, ka ghunədanaghatá Yawe ta zləmnda ta la Israʼila, ka rwutá mnduha dəmbuʼ ndəfáŋ mbsak (70.000) ma Israʼila.

2Rus 25:27

Daga ma tsa fitik ya, ka mbəɗanatá Amatsiya ta hul ta Yawe, ka dzraftá lu ta wi má ŋa dzata ma Ursalima, ka hwayaghatá tsi da Lahis. Ama ka ghunaftá lu ta mnduha da zbiŋta ma Lahis, ka dzatá lu hada.

2Rus 34:33

Ka hliŋtá Yusiya ta inda manzakɗaway ta inda kwakwara la Israʼila. Ka mblaftá tsi ta inda gwal ma Israʼila ŋa maga slna ŋa Yawe, Lazglafta taŋ. Ma inda nzakwa ni, mbəɗana a həŋ ta hul ta Yawe, Lazglafta dzidzíha taŋ wa.

La Levi 10:6

Tahula tsa, ka Musa nda Haruna, nda ya nda zwana ni, i Ilghazar nda Itamar mantsa: « Ma zlana kuni ta swida ghuni kwitsar, ma kwahiŋ kuni ta lgutha ghuni ka ŋizla taw, dá rwutá kaghuni guli, dá tɗanaktá kuni ta ɓasanavatá ŋuɗufa Yawe ta guyatá ghəŋa mnduha demdem. Ama zwana ma ghuni, guyatá ghəŋa la Israʼila demdem ya, dzaʼa taway hahəŋ ta tsa gwal dəghwaɗu vwa Yawe ya.

Mbsak 16:22

Ka zlambatá i Musa nda Haruna zluzlumbruh ta haɗik, ka həŋ mantsa: « Lazglafta ɗa, Lazglafta ta ŋanatá hafa inda skwi ta hafu. Mndu turtuk ta gatá dmaku ná, ka dzaʼa ka da ɓasanavatá ŋuɗuf ta inda guyatá ghəŋa mnduha rki! » ka həŋ.

Mbsak 32:15

Ka mbəɗaghu mbəɗa kuni ta vgha ka zlanatá mista ni wu katsi, tsatsi guli, dzaʼa mbəɗava mbəɗa ka zləglanatá la Israʼila ma mtak. Kaghuni dzaʼa klaktá zaɗakwa inda mnduha nda tsa tama, » kaʼa.

Vrafta ta zlahu 7:4

kabga dzaʼa mbəɗiŋ mbəɗa həŋ ta zwana ghuni ŋa zlanatá Yawe, ka laghwa taŋ da tsəlɓu ŋa sanlaha ma lazglaftaha. Dzaʼa gufaf gufa ŋuɗufa Yawe ta ghəŋa kaghuni ŋa gi zaɗaghunata.

Yəhusuwa 22:15

Ka lagha həŋ slanaghatá mndəra la Rubeŋ, nda mndəra la Gat, nda rita mndəra la Mənase ta haɗika Gilghat. Ka həŋ nda həŋ mantsa:

Yəhusuwa 22:16

« Wya ka inda guyatá ghəŋa mnduha Yawe: “Gaga kuni ta krughuvi dagala ta wa ira Lazglafta la Israʼila. Mbəɗana mbəɗa kuni ta hul ta Yawe. Fitika banafta ghuni ta gwir ta ghəŋa ghuni ya, maraŋ mara tsaya kazlay ta ga sidi kuni nda tsi kəʼa. Nya kəl kuni ka maga ta skwi manda tsa?

Yəhusuwa 22:20

Guv ga Ghahaŋ zigha Zerah ta krughuvi dagala ma hlafta ni ta skwi ya mna lu ŋa hwanzaɓiŋta, nda sna vərɗa kaghuni. Ta ghəŋa inda guyatá ghəŋa la Israʼila dɗafta gatá sida Yawe. Ta ghəŋa tsa krughuva ni ya ná, turtukwa ni a mtuta Ghahaŋ ta ghəŋa dmakwa ni wa,” » ka həŋ.

Yəhusuwa 7:1

Lagha la Israʼila ka ɓlanaptá zlahu ma ksaŋta taŋ ta skwi ya mna lu ŋa zaɗanata. Mamu sana la Israʼila mataba mndəra la Yahuda ta nzakway ka Ghahaŋ zwaŋa Karmi, Karmi zwaŋa Zavdi, Zavdi guli na zwaŋa Zerah, ka hlaftá tsi ta sanlaha ma skwiha ŋa zaɗanata nekwnekw. Tsaya kəl Yawe ka ɓasanavatá ŋuɗuf katakata ta la Israʼila.

Yəhusuwa 7:11

Gaga la Israʼila ta dmaku. Mantsa, ɓlanap ɓla həŋ ta dzratá wi ya mnanaf yu ta həŋ. Hlaf hla həŋ ta skwiha ŋa zaɗanata nekwnekw ya mnana yu ta həŋ kazlay yaha kuni da klafta kəʼa. Ka ghalaftá həŋ, ka tsakalatá wi nda ma ɗifanata ma huzla taŋ.

Yəhusuwa 7:21

Ma skwiha zləɗa lu, ka slaftá yu ta sana lgut mndərga ŋa la Babila, ká ka nda ɗinakwa ni, nda tsedi ta maga kiluʼ his, nda rita kiluʼ a dasu. Ka magatá yu ta haraʼutiri, ka hlaftá yu. Dzaʼa slanagha sla kuni lam yu ma haɗik ma takataka tumpula ɗa, mista ni pəghiŋta yu guli ta tsa tsedi ya, » kaʼa.

1Sam 12:14

Ka zləŋa zləŋa kuni ta Yawe, ka maganata ghuni ta slna, ka snata ghuni ta gwaɗa ni, ka ganava a kuni ta sidi ta gwaɗa Yawe wu, kaghuni nda mgham ta ga mgham ta ghəŋa ghuni ka ndiʼafta ghuni ta vgha ta Yawe, Lazglafta ghuni, dzaʼa nza nza kuni ləŋləŋ.

1Sam 12:20

Ka Samuyel nda mnduha mantsa: « Ma zləŋ kuni ta zləŋ! Manda va tsaya nzakwa ni, gaga kuni ta inda tsa dmaku ya. Ama ma mbəɗana kuni ta hul ta Yawe. Maganawa maga ta slna ma hya hya ŋuɗufa ghuni.