Yəhusuwa 22:16 - Hdi

¹⁶ « Wya ka inda guyatá ghəŋa mnduha Yawe: “Gaga kuni ta krughuvi dagala ta wa ira Lazglafta la Israʼila. Mbəɗana mbəɗa kuni ta hul ta Yawe. Fitika banafta ghuni ta gwir ta ghəŋa ghuni ya, maraŋ mara tsaya kazlay ta ga sidi kuni nda tsi kəʼa. Nya kəl kuni ka maga ta skwi manda tsa?

Yəhusuwa 22:16 ပူးပေါင်းရင်းမြစ်များ

Izra 8:22

Má dzaʼa ksay hula ta iʼi da mgham, ka má ta ɗawaŋtá yu ta sludziha nda gwal ta plis ta plis, má ŋa katá amu da ghuma ma mbaɗa mu ta tvi. Tsaw wya ka mu mnanatá mgham: « Ta katay Lazglafta mu ta inda mndu ya ta zbaŋta, ama dagala gatá sida ni nda gwal ta kwalaghuta. »

La Levi 17:8

Ka ka nda həŋ na: Ka lagha mnda Israʼila, ka mataba gwal ka mayəm ta nzakw mataba ghuni a tsi, ka vlatá skwa pla ghəŋ ŋa dray tsuh tsuh, ka sana skwa pla ghəŋ a tsi,

Mbsak 32:15

Ka mbəɗaghu mbəɗa kuni ta vgha ka zlanatá mista ni wu katsi, tsatsi guli, dzaʼa mbəɗava mbəɗa ka zləglanatá la Israʼila ma mtak. Kaghuni dzaʼa klaktá zaɗakwa inda mnduha nda tsa tama, » kaʼa.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Yəhusuwa 22:11

Ka snaŋtá la Israʼila ta mnay kazlay na: « Waʼa baf ba mndəra la Rubeŋ, nda mndəra la Gat, nda rita mndəra la Mənase ta gwir ma didiŋa Yardeŋ ta mukuma Kanʼana təv amu la Israʼila, » kəʼa.

Yəhusuwa 22:15

Ka lagha həŋ slanaghatá mndəra la Rubeŋ, nda mndəra la Gat, nda rita mndəra la Mənase ta haɗika Gilghat. Ka həŋ nda həŋ mantsa:

1Sam 15:11

« Ta hagay yu ta madər nda fata ɗa ta Sawulu ka mgham, kabga mbəɗaghu mbəɗa ta vgha ta vata iʼi. Haɗ ta maga slna nda gwaɗaha ta mnata yu wu, » kaʼa. Ka kuzlanaftá tsi ta Samuyel ta ŋuɗuf, ka han tsi ta wahu ta kəma Yawe petsuweɗ vli.