Yəhusuwa 21:44 - Hdi

⁴⁴ Ka vlaŋtá Yawe ta mbiʼa vgha ta inda vli ta wanaftá həŋ, manda ya waɗana tsi ta dzidzíha taŋ. Inda ghumaha taŋ guli, haɗ ya ta laviŋtá sladata ta kəma taŋ wu, kabga zlanaŋ zla Yawe ta inda ghumaha taŋ ma dzva taŋ.

Yəhusuwa 21:44 ပူးပေါင်းရင်းမြစ်များ

2Rus 13:16

Ka tatá la Israʼila ta vgha nda hwaya ta kəma la Yuda, ka vlatá Lazglafta ta həŋ ma dzva la Yuda.

Sabi 23:31

Dzaʼa kwaraghuna kwara yu ta mukuma haɗika ghuni, sliʼafta ta wa drəfa Zaŋwafi ha ka lagha ta wa drəfa la Filisti, nda ya sliʼafta ta wa mtaka Sinay ha ka lagha ta wa ghwa Yufratis, dzaʼa vlaghuna vla yu ma dzva ghuni ta mnduha ta tsa haɗikha ya, ŋa ghazliŋta ghuni ta həŋ ta kəma ghuni.

Sabi 33:14

Ka Yawe mantsa: « Ta dzaʼa htsiŋa vərɗa iʼi kawadaga nda kagha, haɗ skwi ŋa ndanay gha ta ghəŋa ni wu, » kaʼa.

Vrafta ta zlahu 2:36

Zlrafta ni ma Gharugher ta vata vli ta ghəŋa zala Arnuŋ, nda luwa ma didiŋa zala, dikw da kwakwara Gilghat, haɗ luwa ya ta ŋaŋta da amu wu, kabga vlama vla Yawe, Lazglafta mu ta həŋ demdem ma dzva mu.

Vrafta ta zlahu 21:10

« Ka lab la kuni da vulu nda ghumaha ghuni, ka faghunam Yawe, Lazglafta ghuni ma dzva ghuni, ka hlaftá kuni ta vuʼaha,

Hebru 4:9

Tsaya tama ná, ta mamu tsa mbiʼa vgha ya ŋa mnduha Lazglafta manda va tsa fitika mbiʼa vgha baɗu mandəfáŋ ya.

Yəhusuwa 1:13

« Havakwa hava ta gwaɗa ya mnaghunaf Musa, kwalva Yawe. Kaʼa na: “Dzaʼa vlaghuna vla Yawe, Lazglafta ghuni ta mbiʼa vgha, dzaʼa vlaghuna vla ta tsa haɗik ya.”

Yəhusuwa 1:15

ha ka vlaŋta Yawe ta mbiʼa vgha ta zwana ma ghuni, manda ŋa kaghuni ya, ŋa zata hahəŋ guli ta haɗik ya vlaŋ Yawe, Lazglafta ghuni ta hahəŋ. Tahula tsa, ŋa vragaghuta ghuni zaktá haɗika ghuni ta ɓla zala Yardeŋ təv safa fitik ya vlaghuna Musa, kwalva Yawe ya, » kaʼa.

Yəhusuwa 1:5

Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Yəhusuwa 11:12

Ka zatá Yəhusuwa ta inda tsa luwaha ya, nda inda mghamha taŋ, ka pslatá həŋ nda kafay. Ka zaɗanatá tsi manda va ya mnaf Musa kwalva Yawe.

Yəhusuwa 11:23

Mantsa ya tama, ka zatá Yəhusuwa ta inda tsa haɗikha ya, manda ya mnanaf Yawe ta Musa. Tahula tsa, ka daganaftá Yəhusuwa ta tsa haɗik ya ta la Israʼila ŋa nzakwa ni ka skwa za həga taŋ, ta mndəra mndu ta mndəra mndu. Ka mbiʼi tsa haɗik ya ta vgha kul haɗ vulu.

Yəhusuwa 11:8

Ka zlanaŋtá Yawe ta həŋ ma dzva la Israʼila, ka pslatá həŋ, ka ŋawaftá həŋ ga mazlay tsəlak da Tsiduŋ luwa dagala, tsəlak da Misrefutmayim, tsəlak da didiŋa Mitspe nda ta tva safa fitik. Ka pslatá həŋ ta həŋ, haɗ ya ta ndapta dər turtuk nda hafu wa.

Yəhusuwa 2:24

Ka həŋ nda Yəhusuwa mantsa: « Kahwathwata na, vlama vla Yawe ma dzva mu ta inda tsa haɗik ya. Dər gwal ma tsa haɗik ya guli ná, nda ghudza həŋ da zləŋ, ŋaŋta a həŋ da amu wu, » ka həŋ.

Yəhusuwa 22:4

Ndanana, vlaŋ vla Yawe, Lazglafta ghuni ta mbiʼa vgha ta zwana ma ghuni, manda va ya mnana tsi ta həŋ. Vrawa vra tama dzagha ghuni ta haɗika ya vlaghuna Musa kwalva Yawe ta ɓla zala Yardeŋ.

Yəhusuwa 22:9

Ka sliʼaftá mndəra la Rubeŋ, nda mndəra la Gat, nda rita mndəra la Mənase ka vraghuta dzagha taŋ. Ka zlanatá həŋ ta sanlaha ma la Israʼila ma Silu ta haɗika Kanʼana, ka laghwi ta haɗika Gilghat, haɗik ya vlaŋ lu ta həŋ manda ya mnaf Yawe nda ma wa Musa.

Yəhusuwa 23:1

Nda ndəgha vakuha ta luta tahula vlaŋta Yawe ta mbiʼa vgha ta la Israʼila, da inda ghumaha taŋ ta waftá həŋ. Nda hala Yəhusuwa lula ima ni katakata.