Yəhusuwa 18:28 - Hdi

²⁸ nda Tsela, nda Haʼelef, luwa la Yəbus ta nzakway ka Ursalima, nda Givgha, nda Kiriyat. Ghwaŋpəɗ fwaɗ gwagwata tsa luwaha ya nda zwana luwaha taŋ tani. Inda tsaya haɗika skwa za həga taŋ ta la Biŋyamiŋ ta uʼa taŋ, ta uʼa taŋ.

Yəhusuwa 18:28 ပူးပေါင်းရင်းမြစ်များ

2Sam 21:14

Ka paɗamtá lu ta ghudzifa Sawulu nda ŋa Yunataŋ ta kwakwara la Biŋyamiŋ, ma Tsela, ma kula Kis, da ni ma Sawulu. Ka magatá lu ta inda skwi mnaf mgham. Tahula tsa, ka nzatá ŋuɗufa Lazglafta zɗa ta ghəŋa tsa haɗik ya.

2Sam 23:29

nda Helev, zwaŋa Baghana mnda la Nətufa, nda Itay, zwaŋa Rivay mnda la Givgha ma kwakwara la Biŋyamiŋ,

2Sam 5:6

Ka sliʼaftá mgham Dawuda nda mnduha ni ka lagha da Ursalima ka liŋtá la Yəbus ta nzakway ta tsa haɗik ya nda vulu. Ka həŋ nda Dawuda mantsa: « Haɗ ka dzaʼa sami da hadna wa. Dər gwal nda ghulpa nda gwal ta dzəgiɗi ná, prək ka ghəzlaftá kagha, » ka həŋ kabga haɗ Dawuda dzaʼa sami da hadna wu, ka həŋ ta ndanay.

2Sam 5:8

Baɗ tsaya, ka Dawuda mantsa: « Ka ta kumay mndu ta zatá la Yəbus katsi, dzaʼa lam nda ta ghuruma saba imi lu, ŋa dɗanaghatá tsa gwal nda ghulpa nda gwal ta dzəgiɗi, gwal ta husaŋtá Dawuda ya, » kaʼa. Tsaya ta kəl lu ka mnay kazlay na: Haɗ gwal nda ghulpa nda gwal ta dzəgiɗi dzaʼa lami da həga Lazglafta wu kəʼa ya.

1Rus 8:28

Inda tsaha həŋ ya mala ga həgaha ma zivira taŋ. Ta nzakw ma Ursalima həŋ.

Mbsak 26:38

Zivira Biŋyamiŋ ta uʼa taŋ: Ma Belagh, saba mndəra la Belagh ta uʼa taŋ. Ma Asbel saba mndəra la Asbel ta uʼa taŋ. Ma Ahiram, saba mndəra la Ahiram ta uʼa taŋ.

Mbsak 26:54

Gwal dagala mbsaka taŋ ya, dagala dzaʼa vlaŋta ka ta haɗika za həga taŋ. Ka kiʼa mbsaka taŋ, kiʼa dzaʼa vlaŋta ka ta ŋa həŋ. Inda taŋ, dzaʼa vlaŋ vla lu ta haɗika za həga taŋ taɓta mbsaka taŋ.

Mbsak 33:54

Ka daguvusta kuni ta tsa haɗik ya ta uʼa ghuni nda ma vzaftá vindima. Gwal dagala ta uʼa taŋ ya, ka vlaŋta kuni ta mayak dagala. Gwal ya kiʼa ta uʼa taŋ ya, ka vlaŋta kuni ta mayak kiʼa. Dər wa dzaʼa mutsay ta haɗika za həga ni ma tsa vli dzaʼa vlaŋta lu nda ma vzaftá vindima ya. Mataba kaghuni ma mndəra ghuni dzaʼa mutsa kuni ta haɗika za həga ghuni.

Yəhusuwa 15:63

Ama la Yəbus ma Ursalima ya ná, trap tra la Yahuda ta ghəzlaftá həŋ. Ha gita ta kawadaga tsa la Yəbus ya nda mnduha la Yahuda ma tsa vli ya.

Yəhusuwa 15:8

Ka laf tsa mukuma ya nda ma didiŋa Benʼhinum, nda ta vata vli təv suda kuɗuŋura Yəbus. Ma tsa vli ya Ursalima. Ka ŋladafta nda ta bɗəma ghwá nda təv dɗakwa fitik ta nzatá lu ta kɗavakta didiŋa Hinum nda ya nda ga mazlay ta nzatá lu ma didiŋa la Rafa.

Yəhusuwa 18:16

Sliʼafta tsa mukuma ya hada guli ná, ka laha dista ghwá mbəŋ nda didiŋa Benʼhinum ma mazlaya didiŋa la Rafa. Ka lab tsi nda ma didiŋa Hinum nda təv maghura ta vata kuɗuŋur da la Yəbus, ka laha dikw da Gheŋʼrugel.

Yəhusuwa 18:27

nda Rekem, nda Yirpeʼel, nda Tarʼala,

Yəhusuwa 19:1

Mahisa mayak ya vla lu nda vza vindima guli ná, tsaya ŋa mndəra la Simghuŋ ta uʼa taŋ, ta uʼa taŋ. Ka wanaftá haɗika za həga la Yahuda ta kwakwara taŋ.

Gwal tsa guma 1:21

Ama ka traptá la Biŋyamiŋ ta ghəzlaftá la Yəbus ta nzakw ma Ursalima ya. Ka nzatá tsaha ya ha gita ma Ursalima kawadaga nda la Biŋyamiŋ.

Gwal tsa guma 19:10

Ama vəgla a tsa mndu ya ta hanay hada wa. Ka sliʼaftá tsi ka laghwi. Ka ɓhadaghatá tsi ndusa ta kəma Yəbus, tsaya Ursalima, nda tsa kəɗih his ya, nda skwa nzakuha ta həŋ, nda tsa markwa sanagha ni ya.

1Sam 10:26

Ka laghu Sawulu dzagha ni ma Givgha. Ka pghaftá gwal nda sgit, gwal kasaŋ Lazglafta ta ŋuɗufa taŋ kawadaga nda tsi.