Yəhusuwa 17:11 - Hdi

¹¹ Ma kwakwara Yisakar nda Aser ná, ka tsuʼaftá mndəra la Mənase ta luwa Betseʼaŋ nda zwana luwaha ni, nda Yivlegham nda zwana luwaha ni, nda la Dur ta hgə lu guli ka Nafat, nda zwana luwaha ni, nda la Ghendur nda zwana luwaha ni, nda la Taghnak nda zwana luwaha ni, nda la Məgidu nda zwana luwaha ni.

Yəhusuwa 17:11 ပူးပေါင်းရင်းမြစ်များ

2Sam 21:12

Ka laghu Dawuda da hlakta ghudzifa Sawulu, nda ŋa Yunataŋ zwaŋa ni da la Yaves ma Gilghat. Tsaw si hlaf hla tsaha ya ta badawa ma Betʼsaŋ, ma tsa vli hahaga la Filisti tahula zata ghwa ta ghəŋa Sawulu ma Gilbuwa ya.

1Mgh 9:15

Wya skwi ta nghanatá mnduha ta maga slna mbraku pgham mgham Salumuŋ ŋa ba həga Yawe, nda həga ga mgham ni, nda ghərzla ta hgə lu ka Milu, nda matsaka Ursalima, nda luwa Hatsur, nda luwa Məgidu, nda luwa Gezer.

2Mgh 9:27

Nghanata Ahaziya, mghama la Yuda ta skwi ta magutá, ka hwayaghatá tsi nda ta tva dzaʼa da Betʼhagaŋ. Ama ka zbiŋtá Yehu, kaʼa mantsa: « Dzawa dza ta tsatsi guli, » kaʼa. Ka hatá lu ma mwata plisa ni ta ŋla vli ma Gur, ndusa nda Yivlegham. Ka hwayaghatá tsi da Məgidu, ka mtuta tsi hada.

1Rus 7:29

Ya ma dzva la Mənase na: Tsaya Betseʼaŋ, nda luwaha ta wanafta, nda Taghnak, nda luwaha ta wanafta, nda Məgidu, nda luwaha ta wanafta, nda Dur, nda luwaha ta wanafta. Ma tsa luwaha ya ta nzakwa zwana Yusufu, zwaŋa Israʼila.

2Rus 35:22

Ama ka kwalaghutá Yusiya ta mbəɗatá vgha, ka slahwaftá tsi ta vgha ŋa vulu nda tsi, kul fanatá sləməŋ ta Nəhu ŋa sna gwaɗa ta sagha da Lazglafta. Ka laha tsi ŋa gumata nda vulu nda tsi ma didiŋa Məgidu.

Yəhusuwa 11:2

nda ya da mghamha ma kwakwarha ta ghwáha nda təv mazlay, nda daɓa Gharava təv suda Kineret, nda ya ta kwakwarha ta kuɗuŋur, nda ya ma Dur təv dɗakwa fitik,

Yəhusuwa 12:21

nda Taghnak, nda Məgidu,

Yəhusuwa 12:23

nda Dur ta wa drəf, nda Guyim ma kwakwara Gilgal,

Yəhusuwa 16:9

Ka sganaghatá lu ta la Ifrayim guli, ta sanlaha ma luwaha nda zwana luwaha ta nzakway ka skwa za həga taŋ ma kwakwara mndəra la Mənase.

Yəhusuwa 17:10

Mantsa tama, ka nzatá la Ifrayim hada ka zaghata nda ga maghura, ta nzatá la Mənase ka zaghata nda ga mazlay. Ka nzaku drəf Dagala ka mukuma taŋ. Ka nzatá mndəra la Aser nda təv mazlay. Ta nzatá mndəra la Yisakar nda təv safa fitik.

Yəhusuwa 17:16

Ka la Yusufu mantsa: « Slaghuta a kwakwar ta ghwá ka ŋa ŋni wa. Ama inda la Kanʼana ta nzaku ma daɓi ná, mamu mwata plis ka kfur da hahəŋ. Mantsa ya la Betseʼaŋ, nda gwal ta wanaftá həŋ ma didiŋa Yizrəghel guli, » ka həŋ.

Gwal tsa guma 1:27

Ka traptá la Mənase ta ghəzlaftá la Betseʼaŋ, nda la Taghnak, nda la Dur, nda la Yivlegham, nda la Məgidu, nda luwaha ya ta wawanaftá həŋ. Ka nzata la Kanʼana ka mbraku ma tsa haɗik ya.

Gwal tsa guma 5:19

Ka sliʼaktá mghamha, ka vulu həŋ ta vulu. Ka vulu mghamha la Kanʼana ta vulu, ma Taghnak ndusa nda ghwa Məgidu, ama mutsaf a həŋ ta zləɗatá tsedi wa.

1Sam 28:7

Ka Sawulu nda kwalvaha ni mantsa: « Zbaɗifwa zba ta marakw ta laviŋtá gwaɗa nda sulkuma gwal ma haɗik, ka dzaʼa yu da ɗawaŋta da tsi, » kaʼa. Ka kwalvaha ni nda tsi mantsa: « Mamu sana marakw ma Ghendur ta laviŋtá gwaɗa nda sulkuma gwal ma haɗik, » ka həŋ.

1Sam 31:10

Ka pghamtá həŋ ta huzla vula Sawulu ma həga Ghasturetha, ka hbagatá həŋ ta mbla ni ta vata matsaka luwa Betʼsaŋ.

1Sam 31:12

ka sliʼaftá inda gwal ta dra ŋuɗuf. Tahula hana taŋ ta mbaɗa, ka tsahagatá həŋ ta mbla i Sawulu nda zwana ni ta vata matsaka luwa Betʼsaŋ. Tahula tsa ka vradaghatá həŋ da Yaves, hada, ka driŋtá həŋ ta həŋ.