Yəhusuwa 17:1 - Hdi

¹ Ka mutsaftá mndəra la Mənase, zumala Yusufu, nda ma vzafta vindima ta ŋa taŋ kwakwar. Ka nzakw kwakwara Gilghat, nda Basaŋ ŋa Mahir, zumala Mənase da ni ma Gilghat ya, kabga nzakwa ni ka mndu viɗviɗ ma vulu.

Yəhusuwa 17:1 ပူးပေါင်းရင်းမြစ်များ

Zlrafta 41:51

Ka tsanaftá Yusufu ta hga zumala ni ka Mənase, « Lazglafta ta magata kəl yu ka zanaptá inda ghuya ɗaŋwa ɗa, nda inda la ga da ɗa, » kaʼa.

Zlrafta 41:52

Ka tsanaftá tsi ta hgu ta mahisa ni ka Ifrayim, kaʼa mantsa: « Vliha vla Lazglafta ta zwani ma na haɗika ghuya ɗaŋwa ɗa na, » kaʼa.

Zlrafta 46:20

Ka mutsaftá Yusufu ta zwani his i Mənase nda Ifrayim, ta haɗika Masar, yayana markwa taŋ Asnat makwa Pwatifera mnda dra skwi ŋa lazglaftaha ma luwa Una.

Zlrafta 48:17

Nghay Yusufu ta fafta da ni ta dzva zeghwa ni ta ghəŋa Ifrayim, zɗəgana a wa. Ka ŋanatá tsi ta dzva da ni, ŋa klaghuta ta ghəŋa Ifrayim, ka fafta ta ghəŋa Mənase.

Zlrafta 48:18

Ka Yusufu nda da ni mantsa: « Mantsa a da da ɗa wu, nana na ta nzakway ka zumali, faf fa ta dzva zeghwa gha ta ghəŋa ni, » kaʼa.

Zlrafta 50:23

Nda ngha Yusufu ta yayatá lu ta zwana Ifrayim ha zigha papah. Zwana Mahir ta nzakway ka zwaŋa Mənase ná, yaya ta karama Yusufu lu ta həŋ.

2Sam 2:9

Ka famtá tsi ka mgham ta ghəŋa la Gilghat, nda la Asur, nda la Yizrəghel, nda la Ifrayim, nda la Biŋyamiŋ, klata ghəŋa ná, ta ghəŋa inda la Israʼila.

1Rus 2:23

Ama ka hlaghutá la Gesur nda la Aram ta zwana luwaha Yaʼir, nda luwa Kenat, nda luwaha mista ni. Luwaha mkuʼ mbsak gwagwata ni. Inda gwal ta nzakw mida ná, mndəra la Mahir, da ni ma Gilghat həŋ.

Mbsak 26:29

Zivira Mənase: Ma Mahir, saba mndəra la Mahir ta uʼa taŋ, ka yatá Mahir ta Gilghat. Ma Gilghat, saba mndəra la Gilghat ta uʼa taŋ.

Mbsak 27:1

Ka lagha kwagha Tsəlufahat zwaŋa Hefer, zigha Gilghat, zigha ndindliŋa Mahir, zigha papaha Mənase, ta uʼa la Mənase zwaŋa Yusufu həŋ. Hga taŋ na: I Mahla, nda Nugha, nda Hugla, nda Milka, nda Tirtsa həŋ.

Mbsak 32:33

Ka vlaŋtá Musa ta la Gat nda la Rubeŋ, nda rita mndəra la Mənase, zwaŋa Yusufu ta kwakwara Sihuŋ, mghama la Amuru, nda kwakwara Ghug, mghama Basaŋ ta tsa haɗik ya nda luwaha ni, nda kwakwarha taŋ ta wanafta.

Vrafta ta zlahu 21:17

Katək ná, ɗina ka snaŋta ni ta nzakwa zumali ka zumali, zwaŋa tsa marakw kul ɗvutá tsi ya. Ŋa ni dzaʼa vlaŋta tsi ta his ma dgata ni hkən ma inda skwa ni, kabga tsa zwaŋ ya taŋtaŋa ma zgun zguna ni, tsatsi raŋ nzakw ka zumali. »

Yəhusuwa 17:2

Ka valaŋtá lu ta sanlaha ma mndəra la Mənase ta uʼa taŋ ta uʼa taŋ. Tsa hahəŋ ta uʼa taŋ ya ná, tsaya la Avighezer, nda la Helek, nda la Asriʼel ma Səkem, ma Hefer nda ya ma Səmidagh ta sabi ma mndəra la Mənase zwaŋa Yusufu.

Yəhusuwa 22:7

Vlaŋ vla Musa ta rita mndəra la Mənase ta mayak ma kwakwara Basaŋ. Ŋa sana rita tsa mndəra mndu ya, ka vlaŋtá Yəhusuwa ta mayak ta nzakway manda ŋa sanlaha ma mndəra mndu nda ta təv dɗakwa fitik ta nzata lu ma Yardeŋ. Ma fitika vray Yəhusuwa ta həŋ dzagha taŋ, ka tfanaghatá tsi ta wi ta həŋ.

Gwal tsa guma 5:14

Daga ma Ifrayim sagha mnduha nda diha ma Ghamalek, ta hula gha Biŋyamiŋ mataba bakwa gha. Daga ma Mahir sliʼagata maliha, daga ma Zəvuluŋ sagha gwal kla dafa mgham.