Yəhusuwa 15:45 - Hdi

⁴⁵ Nda Ghekruŋ, nda vliha ya ma dzva ni, nda zwana luwaha ni tani.

Yəhusuwa 15:45 ပူးပေါင်းရင်းမြစ်များ

Zlrafta 25:16

Tsaha ya zwana Yismaghel ghwaŋpəɗ his. Inda taŋ ka mgham ta ghəŋa mndəra mndu turtuk turtuk. Ka tsatsaftá həŋ ta həga luwa taŋ nda vla nzakwa taŋ, nda hga taŋ.

Yəhusuwa 13:3

Klaf kla lu ta tsa haɗikha ya ka la Kanʼana demdem. Sliʼafta ni daga ma lika Sihur ta mukuma nda la Masar dikw ta mukuma nda kwakwara la Ghekruŋ nda ga mazlay. Ma tsa kwakwarha ya tsa mghamha hutaf ka ŋa la Filisti ya. Hahəŋ ta ga mgham ta ghəŋa la Ghaza, nda la Asdut, nda la Askəluŋ, nda la Gat, nda la Ghekruŋ, nda kwakwara la Ghava

Yəhusuwa 15:11

Ka lab tsi nda ma mazlaya luwa Ghekruŋ, ka mbəɗadaptá vgha təv Sikkaruŋ, ka laghu nda mista ghwá Baghala, ka ɓhadaghata da Yavnəʼel, ka lagha da drəf Dagala.

Yəhusuwa 15:44

nda Kəghila, nda Ahziv, nda Maresa: Luwaha təmbay nda zwana luwaha taŋ tani.

Yəhusuwa 15:46

Sliʼafta ma Ghekruŋ nda təv drəf, nda inda luwaha ndusa nda Asdut, nda zwana luwaha taŋ tani.

Yəhusuwa 19:43

nda Iluŋ, nda Timna, nda Ghekruŋ,

1Sam 5:10

Ka klaghatá həŋ ta tsa akwata Lazglafta ya da Ghekruŋ. Ama na tsa gi ɓhadaghata akwata Lazglafta da Ghekruŋ ya, ka wahu la Ghekruŋ ta wahu, ka həŋ mantsa: « Wana klagaghata həŋ ta akwata Lazglafta la Israʼila da amu ŋa rwamata, amu nda mnduha mu tani! » ka həŋ.

1Sam 6:17

Wya tsa fwatuha basər ka dasu vla la Filisti ŋa Yawe ŋa pla ghəŋ ŋa paya tvi ya: Turtuk ŋa Asdut, turtuk ŋa Ghaza, turtuk ŋa Askəluŋ, turtuk ŋa Gat, turtuk ŋa Ghekruŋ.