Yəhusuwa 14:12 - Hdi

¹² Ndanana tama, vliha vla ta mayaka ɗa ta haɗikha ya ta ghwá, manda ya taɗif Yawe ta imi ta sləməŋ ma tsa fitik ya. Snaŋ sna kagha baɗ tsaya kazlay na, ta nzaku ma luwaha dagala dagala ŋam lu ma matsak ŋa katá ghəŋ da vulu, na la Ghanak kəʼa. Ka kawadaga Yawe nda iʼi katsi ná, dzaʼa ghəzliŋ ghəzla yu ta həŋ manda va ya mna Yawe, » kaʼa.

Yəhusuwa 14:12 ပူးပေါင်းရင်းမြစ်များ

2Mgh 19:4

Kawayaka skwi, nda sna Lazglafta gha ta inda tsa gwaɗaha slufa ghunak daŋahəga ni, mghama la Asur ŋa raza Lazglafta nda hafu mida ya. Kawayaka skwi, dzaʼa tsanagha tsa Yawe, Lazglafta gha ta guma ta tsa gwaɗaha snaŋ tsi ya. Maga ta duʼa ta ghəŋa gwal ta pɗata,” kaʼa, » ka həŋ.

2Rus 14:11

Ka dzuŋtá Yawe ta la Kus ta wa ira i Asa nda la Yuda, ka tatá la Kus ta vgha nda hwaya.

Mbsak 13:28

Nziya nza tsi ná, mnduha ma tsa haɗik ya ná, nda mbra nda mbra həŋ. Luwaha guli ná, dagala dagala həŋ katakata ŋaŋam ma matsak nda mbra. Nda ngha vərɗa aŋni hada ta mndəra la Ghanak.

Mbsak 13:33

Hada, nda ngha aŋni ta dər gwal nda slara, mndəra la Ghanak ya. Ka nghə ŋni ta ghəŋa ŋni ná, manda hiʼi manda hiʼi ŋni, manda tsaya aŋni ta wa ira taŋ! » ka həŋ.

Mbsak 21:34

Ka Yawe nda Musa mantsa: « Ma zləŋaŋ ka! Vlagha vla yu ma dzva gha, tsatsi nda mnduha ni, nda haɗika ni tani. Magana maga manda ya magana ka ta Sihuŋ, mghama la Amuru si ta nzaku ma Hesbuŋ ya, » kaʼa.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

Vrafta ta zlahu 1:28

Dzaʼa ŋlu diga mu? Rwama rwa zwana ma mu ta vgha. Ka həŋ na: Mal tsa mnduha ya ndəghata həŋ, mal hahəŋ mbarata ni ka amu. Dagala dagala luwaha taŋ, nda ŋa ŋa ma matsak ta zaghuta ta luwa. Nda ngha ŋni ta dər mndəra la Ghanak hada,” ka həŋ, ka kuni.

Vrafta ta zlahu 9:1

Ka kɗaŋtá Musa ta gwaɗa, kaʼa mantsa: « Snawa la Israʼila! Gita dzaʼa tsughwaɗa kuni ta zala Yardeŋ, ŋa lama ghuni ghəzlaftá mndəra mnduha ta ndəghuta ka mbruta ka malaghuta kaghuni, ta nzakw ma luwaha taŋ dagala dagala ŋaŋam həŋ ma matsaka huzlu ta zaghuta ta luwa ya.

Vrafta ta zlahu 9:3

Gita dzaʼa snaŋta kuni kazlay Yawe, Lazglafta ghuni ná, tsatsi ta mbaɗa ta kəma ghuni manda vu ta zaɗanatá skwi ya, kəʼa. Tsatsi dzaʼa zaɗanatá həŋ, tsatsi dzaʼa dzaganatá həŋ ta kəma ghuni, ŋa ghəzlafta ghuni ta həŋ ka gi zaɗanatá həŋ manda va ya mnaghuna Yawe.

Filip 4:13

Laviŋ lava yu ta ŋaftá tsa skwiha ya nda mbrakwa Yesu *Kristi ta vlihata.

Hebru 11:33

Hahəŋ ná, nda ma zlghay nda ŋuɗuf zazakta həŋ ta haɗikha nda vulu. Ka magatá həŋ ta skwi tɗukwa, ka mutsaftá həŋ ta skwi ya tanaf Lazglafta ta imi ta sləməŋ ta həŋ. Ka hahanaftá həŋ ta wi ta rveriha.

Yəhusuwa 15:14

Ka ghəzlaftá Kalep hada ta zwana Ghanak hkən: Tsaya i Sesay, nda Ahimaŋ, nda Talmay.

Gwal tsa guma 1:20

Ka vlaŋtá lu ta Hevruŋ ta Kalep, manda ya mna Musa. Ka ghəzlaftá tsi ta mndəra zwana Ghanak hkən ma tsa luwa ya.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.