Yəhusuwa 14:1 - Hdi

¹ Wya kwakwarha mutsaf la Israʼila ta haɗika Kanʼana. Lagha i Ilghazar mnda dra skwi ŋa Lazglafta, nda Yəhusuwa zwaŋa Nuŋ, nda zəʼala həga mataba mndəra mnduha kavghakavgha ka daganaftá la Israʼila.

Yəhusuwa 14:1 ပူးပေါင်းရင်းမြစ်များ

Izra 7:5

Buki zwaŋa Avisuwagh, Avisuwagh zwaŋa Pinhas, Pinhas zwaŋa Ilghazar, Ilghazar zwaŋa Haruna ta nzakway ka mali ta ghəŋa gwal ta dra skwi ŋa Lazglafta.

Mbsak 34:13

Mantsa tama, ka mnanaftá Musa ta la Israʼila kaʼa mantsa: « Tsaya haɗik dzaʼa mutsafta kuni ka haɗika za həga ghuni nda ma vzaftá vindima. Tsaya haɗik mnaf Yawe ŋa vlaŋtá mndəra mnduha təmbay nda rita.

Mbsak 34:16

Ka Yawe nda Musa mantsa:

Slna gwal ghunay 13:19

Tahula tsa, ka zaɗanatá tsi ta mndəra mnduha ndəfáŋ ta haɗika Kanʼana, ka vlaŋtá tsi ta tsa haɗik ya ta həŋ, ŋa taŋ.

Vrafta ta zlahu 12:10

Ama ka tsughwaɗap tsughwaɗa kuni ta Yardeŋ, ka nzata ta tsa haɗik ya vlaghuna Yawe, Lazglafta ghuni ka skwa za həga ghuni ya, dzaʼa vlaghuna vla ta mbiʼa vgha da ghumaha ghuni ta waghunafta, ŋa nzay ghuni ta nzakw ləŋləŋ.

Yəhusuwa 13:6

Pɗakwa ni ŋa kɗiŋta guli ná, tsaya kwakwarha ya ta ghwá sliʼafta ni ma Ləvanuŋ, dikw da Misrefutmayim, mnduha ma tsa kwakwarha ya ná la Tsiduŋ həŋ demdem. Dzaʼa ghəzliŋ ghəzla yu ta tsa mnduha ya ta kəma la Israʼila. Daganafta kagha ŋa gha ta tsa haɗik ya ka skwa za həga taŋ ta la Israʼila manda ya mnaghaf yu.

Yəhusuwa 19:51

Ka dagaptá i Ilghazar mnda dra skwi ŋa Lazglafta, nda Yəhusuwa zwaŋa Nuŋ, nda la zəʼala həga ma mndəra la Israʼila ta tsa haɗik ka skwa za həga taŋ ya nda ma vzaftá vindima. Ma Silu magata həŋ ta kəma Yawe, ta wa tgha lami da həga tumpula guyaku. Mantsa ya ka həŋ kɗiŋta dagaftá tsa haɗik ya.

Yəhusuwa 21:1

Ka sliʼaftá la zəʼala həga ma mndəra la Levi ka lagha slanaghatá Ilghazar mnda dra skwi ŋa Lazglafta, nda Yəhusuwa zwaŋa Nuŋ, nda la zəʼala həga ma mndəra la Israʼila.