Yəhusuwa 13:21 - Hdi

²¹ Inda luwaha ta dandar, nda inda ga mghama Sihuŋ mghama la Amuru ta ga mgham ma Hesbuŋ, kwaraf kwara Musa, nda maliha la Midyaŋ: I Ivi, nda Rekem, nda Tsur, nda Hur, nda Revagh. Mista ga mghama Sihuŋ həŋ, ma tsa haɗik ya ta nzakwa həŋ guli.

Yəhusuwa 13:21 ပူးပေါင်းရင်းမြစ်များ

Mbsak 25:15

Tsa makwa dza lu, makwa la Midyaŋ ya ná, Kuzbi hga ni, makwa Tsur, sana mndu ka mali ta uʼa taŋ, mataba mndəra la Midyaŋ ya.

Mbsak 31:8

Ta ghəŋa tsa rwatá mnduha ya, ka pslatá həŋ guli ta mghamha Midyaŋ: I Ivi, nda Rekem, nda Tsur, nda Hur, nda Revagh, mghamha Midyaŋ hutaf. Ka dzatá həŋ guli nda kafay ta Bilgham, zwaŋa Bəghur.

Vrafta ta zlahu 3:10

Ka hlaghutá mu ta inda luwaha ta dandar ta ghwáha, nda inda Gilghat, nda inda Basaŋ ha Salha, nda Idreghi, luwaha ya si ta gə Ghug ta mgham ta ghəŋa taŋ ma Basaŋ ya.

Yəhusuwa 13:20

Mantsa ya guli Betʼpəghur ta vata ghwá Pisga, nda Betʼhayesimut.