Yəhusuwa 12:5 - Hdi

⁵ Tsatsi ta ga mgham ta ghwá Hermuŋ, nda Salha, nda inda Basaŋ dikw ta mukuma nda la Gesur, nda ya nda la Maghaha. Tsatsi guli ta ga mgham ta ghəŋa rita kwakwara Gilghat dikw ta kuraghwa vla ga mghama Sihuŋ mghama Hesbuŋ.

Yəhusuwa 12:5 ပူးပေါင်းရင်းမြစ်များ

2Sam 13:37

Ka hwayaghatá Avsalum ka laghwi da Talmay, zwaŋa Ghamihut, mghama la Gesur. Ka gɗatá Dawuda ta tawa zwaŋa ni Amnuŋ inda fitik.

2Sam 15:8

Iʼi kwalva gha ná, mamu waɗu waɗa yu ma fitika nzakwa ɗa ma Gesur ta haɗika Aram. Ka yu na: “Ka vradaɗigha vra Yawe da Ursalima katsi, dzaʼa plana pla yu ta ghəŋ,” ka yu, » kaʼa.

2Sam 23:34

nda Ilifelet, zwaŋa Ahasbay mnda la Maghaha, nda Iligham, zwaŋa Ahitufel mnda la Gilu,

2Sam 3:3

Mahisa ni, tsaya Kilʼav, Abigayel, si markwa Naval mnda la Karmel ya ma ni. Mahkəna ni, tsaya Avsalum, Maghaha ma ni, makwa Talmay, mghama la Gesur.

2Mgh 25:23

Snaŋta maliha bakuha gwal vulu nda mnduha taŋ kazlay na: Fam fa mghama Babila ta Gədalyahu ka guvna kəʼa, ka lagha həŋ slanaghatá Gədalyahu ma Mitspa. Tsaha ya i Yismaghel, zwaŋa Nətaŋya, nda Yuhanaŋ, zwaŋa Kareyah, nda Səraya, zwaŋa Taŋhumet mnda la Nətufa, nda Yaʼazaŋyahu, zwaŋa mnda la Maghaha, kawadaga nda mnduha taŋ.

1Rus 5:11

Ka nzatá zivira Gat mbəŋ nda həŋ ta kwakwara Basaŋ, dikw da Salha.

Vrafta ta zlahu 3:14

Yaʼir, zivira Mənase ta klaghutá inda kwakwara Arguv ha ka lagha ta mukuma kwakwara la Gesur nda la Maghaha. Ka tsanaftá tsi nda hga ni ta hga tsa kwakwara Basaŋ, ta hgu lu ha gita ka luwaha Yaʼir ya.

Yəhusuwa 11:3

nda ya da la Kanʼana təv safa fitik, nda ya nda təv dɗakwa fitik, nda la Amuru, nda la Het, nda la Periz, nda la Yəbus ta ghwá, nda la Hiv mista ghwá Hermuŋ ta haɗika Mitspa.

Yəhusuwa 12:1

Wya tsa mghamha kwaraf la Israʼila ka zlaʼaghutá haɗika taŋ nda ta ɓla Yardeŋ nda təv safa fitik, daga ma zala Arnuŋ dikw dista ghwá Hermuŋ, nda inda vli ma Gharava nda təv safa fitik ya:

Yəhusuwa 13:11

Kwakwara taŋ guli ná, tsaya Gilghat, nda kwakwara la Gesur, nda kwakwara la Maghaha, nda inda ghwá Hermuŋ, nda inda kwakwara Basaŋ dikw da luwa Salha.

1Sam 27:8

Ta laf la Dawuda nda mnduha ni da zləɗatá la Gesur, nda la Gezer, nda la Ghamalek. Hahəŋ gwal ta tsa haɗik ya daga bamma, nda təv Sur dikw ta haɗika Masar.